س. اماندىقوۆا: «ماڭگىلىك ەل» قۇندىلىقتارىنىڭ جۇيەلەنۋى

استانا. 12 قاراشا. baq.kz – مەملەكەت باسشىسى نۇرسۇلتان نازاربايەۆتىڭ «نۇرلى جول – بولاشاققا باستار جول» اتتى قازاقستان حالقىنا جولداۋى جايىندا ٴوز پىكىرىمەن ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى ساۋلە اماندىقوۆا ٴبولىستى.

- پرەزيدەنت جاڭا جولداۋىندا «ماڭگىلىك ەل» ۇلتتىق يدەياسىنىڭ جاڭا قازاقستاندىق ٴپاتريوتيزىمىنىڭ ىرگەتاسىن قالادى. بۇل جۇيەلەنۋدىڭ كاتەگورياسىن تاۋەلسىزدىك، ۇلتتىق بىرلىك، تۇراقتىلىق، تولەرانتتىلىق، تەرريتوريالىق تۇتاستىق، ەگەمەندىك، تەڭدىك قۇرايدى. «ماڭگىلىك ەل» ٴبىزدىڭ قازاقستاندىق قوعام، مەملەكەتىمىزدىڭ نەگىزى مەن رۋحاني بىرلىگىن شوعىرلاندىرىپ، بىرىكتىرۋ يدەياسى بولعالى تۇر. ەلباسى «ماڭگىلىك ەل» يدەياسىن جۇزەگە اسىرۋدا باستى ماقساتتارىنىڭ ٴبىرى ەتىپ ٴبىزدىڭ مادەني كودىمىز، ياعني ٴتىل، رۋحانيات، ٴداستۇردى قويدى. رۋحانياتتى ساقتاۋعا جاھاندىق ماقسات قويىلدى. «ماڭگىلىك ەل» بۇكىل قازاقستان حالقىن، ونىڭ سارقىلماس جانە ومىرشەڭدىك ەنەرگياسىن، رۋحىن بەينەلەيدى. نۇرسۇلتان ٴابىش ۇلى بۇل جولداۋىندا قازاقستاننىڭ دامىعان 30 ەلدىڭ قاتارىنا كىرۋ، «قازاقستان-2050» ستراتەگياسىن جۇزەگە اسىرۋ جولىندا قازاقستاندىقتاردى بىرىكتىرەتىن قۇندىلىقتاردى اتاپ ٴوتتى. ول ٴبىزدىڭ العا ۇمتىلاتىن، قازاقستاندىقتاردىڭ تەرمەكتەپ جاساعان جۇمىسى مەن ەڭبەگىنىڭ ارقاسىندا جەتەتىن ماقساتىمىز. بۇگىنگى كۇنى «ماڭگىلىك ەل» يدەياسىنىڭ جۇيەلەندىرۋدە ٴبىز تەك ٴوز حالقىمىزدىڭ باعا جەتپەس رۋحاني كاپيتالىنا عانا ارقا سۇيەي الامىز. «ماڭگىلىك ەل» يدەياسى تۇسىنە العان ادامعا تەرەڭ الەۋمەتتىك-پسيحولوگيالىق تۇرعىدا قازاقستان رەسپۋبليكاسىنىڭ ازاماتىنىڭ تاريحتى، مادەنيەتتى، حالقىمىزدىڭ داستۇرلەرى، الەمدىك قاۋىمداستىقتا قازاقستاننىڭ ورنى مەن رولىنە ارنالعان كوپقىرلى مازمۇندى قامتيدى، - دەدى.

سونىمەن قاتار «ماڭگىلىك ەل» يدەياسىنىڭ كاتەگوريالارىن جىكتەگەندە قازاقستان حالقى اسسامبلەياسى دەگەن ەلەمەنتتى شەت قالدىرماۋىمىز كەرەك دەگەن س.اماندىقوۆا «ولار ٴبىزدىڭ ەلدىڭ ەتنيكالىق، مادەني، تىلدىك جانە كونفەسسيانالدىق كوپتۇرلىلىگىن وزدەرىنە بىرىكتىرە ٴبىلدى. قازاقستان حالقى اسسامبلەياسى قوعامدىق كەلىسىم مەن ۇلتتىق بىرلىكتىڭ قازاقستاندىق مودەلىن قالىپتاستىرا وتىرىپ، حالىقتىق مىنەزگە يە بولىپ، بەيبىتشىلىك پەن كەلىسىمنىڭ جالپىحالىقتىق ينستيتۋتىنا اينالدى. قازاقستان حالقى اسسامبلەياسى ساپالى جاڭا، ەتنيكاارالىق جانە كونفەسسياارالىق قارىم-قاتىناستىڭ ۇيلەسىمدىلىگىن قالىپتاستىردى. بۇگىنگى كۇنى قازاقستان حالقى اسسامبلەياسى ينستيتۋسيونالدى جۇيە رەتىندە وزىنە قازاقستان حالىقتارىنىڭ تىلدەرى، مادەنيەتى جانە داستۇرلەرىن قايتا جاڭعىرتىپ دامىتۋدا. ٴدال وسى قحا-سى تولەرانتتى سانانىڭ قالىپتاسۋى، ازاماتتىق جاۋاپكەرشىلىك جانە الەۋمەتتىك بەلسەندىلىك، بەيبىتشىلىك، دوستىق جانە بىرلىك سىندى وتانىمىزدىڭ باستى بايلىقتارىنىڭ جەتىلدىرۋ جانە ساقتاۋعا سەپتىگىن تيگىزەدى. كەلەسى جىل كونستيتۋسيا مەن قازاقستان حالقى اسسامبلەياسىنىڭ 20 جىلدىعى. مەملەكەتىمىزدىڭ پرەزيدەنتى جولداۋىندا بۇل اتاۋلى داتالاردى سالتاناتتى تۇردە اتاپ ٴوتۋ ارقىلى ەلدىڭ تۇتاستىعى مەن بىرلىگى، تاتۋلىعى مەن تىنىشتىعىن ەڭ باستى نازاردا ۇستاي وتىرىپ، قازاقستان حالقى مىعىم، رۋحاني جانە كۇندەلىكتى ەڭبەگىمىز ارقىلى ورتاق قۇندىلىعىمىز بەيبىتشىلىك پەن تۇراقتىلىعىمىزدى نىعايتا تۇسەمىز دەدى» دەپ اتاپ ٴوتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!