BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسپۋبليكالىق ماڭىزى بار جولداردىڭ 90%-ى ساپالى بولۋى ٴتيىس

«نۇرلى جول» باعدارلاماسى اياسىندا جول سالۋ مەن جوندەۋ جۇمىستارى رەسپۋبليكالىق ماڭىزى بار 4 مىڭ شاقىرىمدىق جولدى قامتيدى. وسى ورايدا 2020 جىلعا قاراي مۇنداي اۆتوجولداردىڭ 90%-ى جاقسى، قاناعاتتانارلىق جاعدايدا بولۋى ٴتيىس. بۇل تۋرالى قر ينۆەستيسيالار جانە دامۋ ٴمينيسترى جەڭىس قاسىمبەك قر پرەمەر-مينيسترىنىڭ ٴبىرىنشى ورىنباسارى اسقار ٴماميننىڭ توراعالىعىمەن وتكەن كولىك جانە لوگيستيكالىق ينفراقۇرىلىمنىڭ تيىمدىلىگىن ارتتىرۋ جونىندەگى رەسپۋبليكالىق كەڭەسىندە مالىمدەدى، دەپ حابارلايدى baq.kz ٴتىلشىسى.

«2017 جىلى قازاقستاندا اۆتوكولىك ٴترانزيتى رەكوردتىق كورسەتكىشكە جەتتى. 2 ملن 100 مىڭ توننادان استام جۇك تاسىمالداندى. بۇل - سوڭعى جىلدارداعى ٴابسوليۋتتى رەكورد. 2016 جىلمەن سالىستىرساق 50% ارتىق. 2020 جىلعا قاراي اۆتوكولىك ترانزيتىنەن تۇسەتىن تابىس 300 ملن دوللاردان كەم بولماۋى ٴتيىس. نەگىزگى ترانزيتتىك جۇك اعىنى قىتاي ارقىلى ورتالىق ازيا، ەۋرازيالىق ەكونوميكالىق وداق ەلدەرىنە قاراي باعىتتالعان. بۇعان «باتىس قىتاي – باتىس ەۋروپا» حالىقارالىق ٴاۆتودالىزى ىقپال ەتىپ وتىر»، - دەدى جەڭىس قاسىمبەك.

ول قازاقستان تەرريتورياسى ارقىلى ٴترانزيتتى، ەكسپورتتىق، يمپورتتىق اۆتوتاسىمال نارىعىندا قازاقستاندىق تاسىمالداۋشىلاردىڭ ۇلەسىن ارتتىرۋ جۇمىستارى جۇرگىزىلەتىنىن اتاپ ٴوتتى. 2017 جىلدىڭ قورىتىندىسى بويىنشا ٴبىزدىڭ تاسىمالداۋشىلاردىڭ ۇلەسى 52%-عا جەتىپ، كوش باستادى. ال ترانزيتتىك اۆتوتاسىمالداۋدان تۇسكەن قوسىمشا تابىس 2020 جىلعا دەيىن تولەم تولەۋ جۇيەسىن ەنگىزۋگە جۇمسالماق.

«بيىل «نۇرلى جول» باعدارلاماسىنىڭ 23 جوباسى اياسىندا رەسپۋبليكالىق ماڭىزى بار 4200 شاقىرىمدىق جولدى جوندەۋ جانە سالۋ جۇمىستارى جۇرگىزىلەدى. ناتيجەسىندە رەسپۋبليكالىق ماڭىزى بار اۆتوجولداردىڭ 90%-دان استامى جاقسى، قاناعاتتانارلىق جاعدايدا بولۋى ٴتيىس. ال تەحنيكالىق ٴبىرىنشى جانە ەكىنشى دەڭگەيدەگى جولدار ۇلەسى 50%-عا دەيىن ارتادى»، - دەدى جەڭىس قاسىمبەك رەسپۋبليكالىق كەڭەستە.

مينيسترلىك ايماق اكىمدەرىمەن بىرگە وبلىستىق جانە اۋداندىق ماڭىزى بار جولداردى دامىتۋدىڭ كەشەندىك شارالارىن جۇزەگە اسىرادى. ونىڭ ايتۋىنشا، وڭىرلەردەگى جولداردى جوندەۋگە ٴبىر جىلدا بولىنەتىن قارجىنى 150 ملرد تەڭگەگە دەيىن ارتتىرۋ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي