استانا: 
888 
0
استانا. 21 قازان. baq.kz – قازاقستاننىڭ ىشكى رەيستەرىن جۇزەگە اسىرۋمەن اينالىساتىن «qazaq air» اۋە كومپانياسى قوسىمشا ەكى رەيستى ىسكە قوساتىنىن مالىمدەدى. تالدىقورعان-استانا جانە تالدىقورعان-الماتى باعىتىندا ۇشاتىن ۇشاقتاردىڭ اۋەگە كوتەرىلەتىن كەزى الىس ەمەس دەيدى «qazaq air» اق باسقارما ٴتوراعاسىنىڭ مىندەتىن اتقارۋشى بلەر ترەحەرن پوللوك وكق بريفينگى بارىسىندا.
«قاراشا ايىنىڭ باسىنان باستاپ ٴبىزدىڭ ۇشاقتار الماتىدان تالدىقورعانعا جانە استانادان تالدىقورعانعا ۇشاتىنىن قۋانىشپەن ايتقىمىز كەلەدى" دەيدى پوللوك.
كومپانيانىڭ كوممەرسيالىق ديرەكتورىنىڭ ايتۋىنشا، جۋىردا تالدىقورعاننىڭ اۋەجايىنا سوڭعى تەكسەرۋلەر جۇرگىزىلگەن. ناتيجەسىندە ۇشۋ-قونۋ جولاعىنىڭ جاڭارتىلعانى، جاڭا ارنايى تەحنيكالاردىڭ ساتىپ الىنعانى بەلگىلى بولدى. تالدىقورعان اۋەجايى بۇگىندە زاماناۋي ۇشاقتاردى قابىلداپ الۋعا، جولاۋشىلارعا ساپالى قىزمەت كورسەتۋگە دايىن دەيدى ول.
ايتا كەتەيىك، بۇگىنگى تاڭدا «qazaq air» ۇشاقتارى الماتى-استانا، الماتى-پاۆلودار، شىمكەنت-پاۆلودار، الماتى-شىمكەنت، الماتى-قوستاناي، شىمكەنت-اقتوبە، اقتوبە-قوستاناي، اقتوبە-اتىراۋ باعىتتارىندا ۇشادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2430
0