استانا: 
831 
0
استانا. 21 قازان. baq.kz – «qazaq air» اق اۋە كومپانياسى 2 ايدا ايماقتىق باعدارلار بويىنشا 10،2 مىڭ جولاۋشى تاسىلمالدادى. بۇل جونىندە قر پرەزيدەنتى جانىنداعى وكق بريفينگىندە اۋە كومپانياسى باسقارما ٴتوراعاسىنىڭ مىندەتىن اتقارۋشى بلەر پوللوك ٴمالىم ەتتى.
«qazaq air» اۋە كومپانياسى 6 تامىزدا اۋە تاسىمالىمىن اينالىسۋعا قۇقىق بەرەتىن سەرتيفيكاتىن العان بولاتىن. اعىمداعى جىلدىڭ 14 تامىزىندا بيلەتتەر ساتىلىمى اشىلدى. ٴسويتىپ تامىزدىڭ 27 كۇنى ٴبىز جولاۋشىلار تاسىمالىن باستاپ كەتتىك. بۇگىنگى كۇنگە دەيىن 10 مىڭ 240 جولاۋشىنى دىتتەگەن جەرىنە جەتكىزدىك. باستىسى، بىزدەگى رەيستەردىڭ ۋاقىتتىلى ورىندالۋ كورسەتكىشى 97 پايىزدى قۇرايدى" دەدى كومپانيا باسشىسى.
ونىڭ ايتۋىنشا، «qazaq air» اق الماتى-پاۆلودار، استانا-الماتى، پاۆلودار-شىمكەنت، الماتى-قوستاناي، قوستاناي-اقتوبە، شىمكەنت- اقتوبە، اقتوبە-اتىراۋ، شىمكەنت-اتىراۋ باعدارلارى بويىنشا تۇراقتى ايماقتىق رەيستەرىن ورىنداپ كەلەدى.
"كومپانيا كەلەشەكتە اۋە باعدارلارىنىڭ گەوگرافياسىن كەڭەيتە ٴتۇسۋدى كوزدەپ وتىر. اتاپ ايتقاندا بيىل تالدىقورعان-استانا، تالدىقورعان- الماتى باعدارىمەن تۇراقتى قاتىناۋ جوسپارلانۋدا" دەدى ول ٴوز سوزىندە.
ايتا كەتەيىك، «qazaq air» اۋە كومپانياسى قر پرەزيدەنتىنىڭ تاپسىرماسىمەن قۇرىلعان ەڭ العاشقى كومپانيانىڭ ٴبىرى. كومپانيا اكسيالارى 100 پايىز "سامۇرىق-قازىنا" اق يەلىگىندە. «qazaq air» اق ماقساتى - قازاقستاننىڭ ايماقتارىن اۋە قاتىناسىمەن جالعاپ، ولاردىڭ ەكونوميكالىق دامۋىنا سەپتىگىن تيگىزۋ.
دانا ساعىنبەكقىزى
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2431
0