«پاۆلودار–استانا» تاس جولىنىڭ قۇرىلىسى 2017 جىلى اياقتالادى - نۇرلى جول|13 تامىز 2015، 12:21
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«پاۆلودار–استانا» تاس جولىنىڭ قۇرىلىسى 2017 جىلى اياقتالادى

استانا. 13 تامىز. baq.kz - بۇگىندە «پاۆلودار–استانا» تاس جولى الىپ قۇرىلىس الاڭىنا اينالعان. جول جوندەۋشىلەر جۇمىستىڭ كەستەگە ساي ٴجۇرىپ جاتقانىن ايتادى. شىعىس–قازاقستانعا دەيىن سوزىلاتىن قۇرىلىستىڭ باسىم بولىگى پاۆلودار ارقىلى وتەدى.

اۋقىمدى جوبا اياسىندا 1000-نان استام ادام ٴناپاقاسىن كۇرە جولدىڭ بويىنان تاۋىپ وتىر. ال جەرگىلىكتى بيلىك قۇرىلىستىڭ قورشاعان ورتاعا جانە جەر رەسۋرستارىن پايدالانۋعا زيانىن تيگىزبەۋ جاعىن قاداعالاۋدا. «استانا-پاۆلودار-قالباتاۋ-وسكەمەن» دەپ اتالاتىن ورتالىق-شىعىس ٴدالىزى قايتا جوندەلىپ جاتىر. كەڭ اۋقىمدى جول قۇرىلىسى مۇندا وسىدان 30 جىل بۇرىن جۇرگىزىلىپتى. جاڭا 4 جولاقتى اۆتوكولىك جولىنىڭ سالىنۋى ەل ەكونوميكاسى ٴۇشىن ماڭىزدى. مەردىگەرلەر قۇرىلىسقا ەڭ ساپالى دەگەن ماتەريالدار مەن وزىق تەحنولوگيالاردى قولدانىپ جاتقاندارىن ايتادى. بەلگىلەنگەن كەستەدەن قالماۋدى ولار باستى مەجەگە العان.

جومارت يالدينوۆ، مەردىگەر كومپانيانىڭ ينجەنەرى - بيىلعى 2015 جىلعا بىزدە 18 شاقىرىم جەر جۇمىستارى جانە 13،5 شاقىرىم جولدىڭ ٴوزى قاراستىرىلعان. ٴدال ناقتى ۋاقىتتا ٴبىز 13 شاقىرىمنان استىق. وسى جىلدا كەستەدەن قالمايمىز دەپ ويلايمىن. جول تۇسەتىن اۋماقتى دايىنداۋدىڭ ٴوزى كۇردەلى. قاجەتتى ماتەريالدار جەر قويناۋىنان الىنادى. الدىمەن بارلاۋ، گەولوگيالىق زەرتتەۋ جۇمىستارى جۇرگىزىلدى. جولدىڭ استىنا توسەلەتىن سازدى توپىراق، قاتتى جەر قىرتىسى مەن قۇمنىڭ ساپاسى زەرتتەلىپ بارىپ تاڭدالعان. قولدانبالى اۆتوكولىك جولدارىن جاساۋ ٴۇشىن كەڭ تارالعان پايدالى قازبالاردى وندىرۋگە 39 كەلىسىم جاسالعان.

امانتاي عابناسىروۆ، مەردىگەر كومپانيانىڭ ينجەنەرى ٴ-بىزدىڭ بارلىق قۇجاتتارىمىز زاڭعا سايكەس راسىمدەلگەن. بۇگىندە 12 كەن ورنىندا جۇمىس جۇرگىزۋگە رۇقسات الدىق. ولاردىڭ 6-ىندا جۇمىستى باستادىق. قالعانىن كەلەسى جىلى قازاتىن بولامىز. ولاردان سازدى بالشىق، قۇم جانە قاتتى جەر قىرتىسىن الامىز. اتاپ وتەرلىگى بۇل قۇرىلىسقا بۇكىل پاۆلودار وبلىسى قاتىسىپ وتىر. بارلىق قالالار مەن اۋىلدىق ايماقتاردان ونىڭ ىشىندە بايەت اۋىلى، ەكىباستۇز قالاسى، سولنەچنىي جانە شىدەرتى كەنتتەرىنەن كەلىپ جۇمىس ىستەيدى. جالپى بۇل ۇردىسكە 600 استام ادام تارتىلىپ وتىر. جول جوندەيتىن كاسىپورىندار قۇرىلىس اياقتالعاننان كەيىن كەن الىنعان ورىننىڭ قۇنارلى توپىراق قاباتىن تولىق قالپىنا كەلتىرەدى. ال جەر قاتىناستارى باسقارماسى مونيتورينگ جۇرگىزىپ، جەردى زاڭسىز پايدالانۋدىڭ الىن الۋدا.

داۋلەت ەسماعامبەتوۆ، پاۆلودار وبلىستىق جەر قاتىناستارى باسقارماسىنىڭ باس مامانى ٴ-بىز جەرگە جانە ەكولوگياعا قاتىستى قانداي دا ٴبىر زاڭبۇزۋشىلىقتاردىڭ بولماۋىن قاداعالايمىز. «پاۆلودار-استانا» تاسجولىنىڭ بويىندا جول جوندەۋ جۇمىستارىمەن 5-6 كاسىپورىن اينالىسادى. جالپى سانى 25 ۋچاسكەدە ٴدال وسىنداي جۇمىس اتقارىلۋدا. مونيتورينگتىڭ قورىتىندىسى كەلەسى اپتادا بەلگىلى بولادى. «ال 2017 جىلى اياقتالۋى ٴتيىستى جول قۇرىلىسى اسا جوعارى قارقىنمەن ٴجۇرىپ جاتىر»، – دەيدى ماماندار.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي