استانا: 
بۇل تۋرالى وقو ايماقتىق كوممۋنيكاسيالار قىزمەتىندە وتكەن بريفينگتە وبلىس اكىمىنىڭ ورىنباسارى ە.سادىر حابارلادى. ايتۋىنشا، ەلباسىنىڭ «100 ناقتى قادام» - ۇلت جوسپارىنداعى «نۇرلى جول» باعدارلاماسى بويىنشا وسى جىلى 45 نىساننىڭ قۇرىلىسىن جۇرگىزۋگە ۇلتتىق قوردان 23،5 ملرد. تەڭگە بولىنگەن، دەپ حابارلايدى baq.kz.
ٴباسپاسوز ٴماسليحاتىندا بەلگىلى بولعانداي، اتالعان قۇرىلىس جۇمىستارى 5 باعىتقا بولىنگەن. ٴبىرىنشى باعىت بويىنشا 24 ٴبىلىم بەرۋ نىساندارىنىڭ قۇرىلىسى ٴجۇرىپ جاتسا، ەكىنشى باعىت اياسىندا شىمكەنتتەگى كارىز، سۋ جانە جىلۋ جۇيەلەرىنە ارنالعان 5 نىسان سالىنۋدا. ٴۇشىنشى باعىت - ينجەنەرلىك-كوممۋنيكاسيالارىنىڭ قۇرىلىسى بويىنشا 11 نىساننىڭ قۇرىلىسى جۇرگىزىلىپ جاتسا، ٴتورتىنشى باعىت – «بيزنەستىڭ جول كارتاسى 2020» شەڭبەرىندە ينجەنەرلىك ينفراقۇرىلىمدى دامىتۋ نەگىزىندە 4 نىساننىڭ قۇرىلىسى جۇرگىزىلەدى. بەسىنشى باعىت بويىنشا، ياعني «جۇمىسپەن قامتۋ جول كارتاسى 2020» باعدارلاماسى شەڭبەرىندە شىمكەنت قالاسىندا ەڭبەكشى جاستارعا ارنالعان جاتاقحانانىڭ قۇرىلىسى جۇرگىزىلەدى.
«ەلباسىنىڭ 18 مامىرداعى تاپسىرماسىنا سايكەس وسى باعدارلامانىڭ جوعارى دەڭگەيدە ىسكە اسىرىلۋىن قامتاماسىز ەتۋ ٴۇشىن وبلىستا ارنايى جۇمىسشى توپ قۇرىلىپ، ٴاربىر نىساننىڭ قۇرىلىسى قاتاڭ باقىلاۋعا الىندى. جىل قورىتىندىسىمەن بولىنگەن بيۋدجەت قارجىسى تولىق كولەمىندە يگەرىلىپ، جوسپارعا سايكەس 20 نىسان پايدالانۋعا بەرىلەدى (ونىڭ ىشىندە 9 مەكتەپ، 1 بالاباقشا جانە 10 ينجەنەرلىك-ينفراقۇرىلىم سالاسىنداعى نىساندار). جالپى، وسى جوعارىدا اتالعان باعدارلامالاردى ىسكە اسىرۋ ناتيجەسىندە وبلىس بويىنشا 4،3 مىڭ ادامدى جاڭا جۇمىس ورىندارىمەن قامتۋ جوسپارلانسا، 1 ماۋسىمداعى جاعدايعا 2 مىڭ ادام ناقتى جۇمىسپەن قامتىلدى»، - دەدى ە.سادىر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1592 
0
2430
0