استانا: 
بۇگىن ٴوڭىر باسشىسى ب.اتامقۇلوۆ پەن «قازاقستاننىڭ تۇرعىن ٴۇي قۇرىلىس جيناق بانكى» اق باسقارما ٴتوراعاسى ا.جۇماعۇلوۆ 2015-2019 جىلدارعا ارنالعان «نۇرلى جول» ينفراقۇرىلىمدىق دامىتۋدىڭ مەملەكەتتىك باعدارلاماسى اياسىندا ىنتىماقتاستىق تۋرالى مەموراندۋمعا قول قويدى، دەپ حابارلايدى وقو اكىمدىگىنىڭ ٴباسپاسوز قىزمەتى.
«2016 جىلى تەك قانا شىمكەنت قالاسىندا ەمەس، سونىمەن قاتار، تۇركىستان، كەنتاۋ قالالارىندا جانە ماقتارال اۋدانىندا حالىقتىڭ تىعىز ورنالاسۋىنا بايلانىستى، كوپقاباتتى كرەديتتىك تۇرعىن ۇيلەردى سالۋ جوسپارلانىپ وتىر. وسى جىلداردا كوپتەگەن ناتيجەلەرگە قول جەتكىزدىك. قانشاما تۇرعىندار، سونىڭ ىشىندە كوپتەگەن جاستار باسپاناعا يە بولدى»، - دەدى ايماق باسشىسى.
وقو-داعى وسى كرەديتتىك تۇرعىن ٴۇي قۇرىلىسىنا جەرگىلىكتى اتقارۋشى ورگاندار جەلىسىمەن ۇلتتىق قوردان 4،4 ملرد. تەڭگە ٴبولىندى. بۇل قاراجاتقا 558 پاتەرلى 11 ٴۇي سالىناتىن بولادى. تۇرعىن ٴۇيدىڭ جالپى اۋماعى 31،5 مىڭ ش.م. قۇرايدى. بانك سالىمشىلارىنا تۇرعىن ٴۇيدىڭ 1 ش.م. 14 000 تەڭگەمەن وتكىزىلەدى.
ٴوز كەزەگىندە، «بايتەرەك دەۆەلوپمەنت» اق جەلىسى بويىنشا جالپى اۋماعى 25 مىڭ ش.م. اساتىن 432 پاتەرلى 6 ٴۇي تۇرعىزىلىپ، 1 ش.م. ٴۇشىن 180 مىڭ تەڭگەمەن بەرىلەتىن بولادى.
«وزدەرىڭىزگە بەلگىلى، جىل باسىندا مەملەكەت باسشىسى نۇرسۇلتان نازاربايەۆ تۇرعىن ٴۇي قۇرىلىس جيناق جۇيەسىنىڭ تيىمدىلىگىن ەسكەرە كەلىپ، كرەديتتىك تۇرعىن ٴۇي قۇرىلىسىنا 149 ملرد. تەڭگە ٴبولۋدى تاپسىرعان ەدى. قازىرگى تاڭدا قاراجات وڭىرلەر بويىنشا ٴبولىنىپ جاتىر. تۇرعىزىلعان ۇيلەردى ٴوز سالىمشىلارىمىزعا وتكىزە وتىرىپ، ٴبىز قاراجاتتىڭ ٴار ەكى جىل سايىن اينالىمدىلىعىن قامتاماسىز ەتەمىز»، - دەپ ٴتۇسىندىردى تۇرعىن ٴۇي قۇرىلىس جيناق بانكى باسقارماسىنىڭ ٴتوراعاسى ايباتىر جۇماعۇلوۆ.
سونداي-اق، تۇرعىن ٴۇي قۇرىلىس جيناق بانكى «شىمكەنت سيتي» جوباسىن جۇزەگە اسىرۋعا قىزىعۋشىلىق تانىتىپ وتىر. قازىرگى ۋاقىتتا وسى اۋقىمدى قۇرىلىستىڭ سالىناتىن اۋماعى انىقتالىپ، جەرگىلىكتى بيلىك بارلىق قاجەتتى ينجەنەرلىك كوممۋنيكاسيالاردى قاراستىرىپ جاتىر. بانك «ٴوز ٴۇيىم» جەكەمەنشىك كريزيسكە قارسى باعدارلاماسى اياسىندا سالىنعان تۇرعىن ۇيلەردى وتكىزۋگە نيەتتى. جيىندا بانك جەتەكشىلىگى «ٴوز ٴۇيىم» باعدارلاماسى بويىنشا شىمكەنت قالاسىنىڭ اكىمدىگىمەن دە ىنتىماقتاستىق مەموراندۋمىن ٴتۇزدى.
ايتا كەتەيىك، «قازاقستاننىڭ تۇرعىن ٴۇي قۇرىلىس جيناق بانكى» اق-نىڭ وڭتۇستىك-قازاقستان وبلىسىنداعى فيليالى 2005 جىلدان بەرى جۇمىس ىستەيدى. وسى ۋاقىت ارالىعىندا تۇرعىن ٴۇي قۇرىلىس جيناق بانكى جەلىسى بويىنشا تۇرعىن ٴۇيدىڭ مەملەكەتتىك باعدارلامالارى اياسىندا جالپى اۋماعى 256،6 مىڭ ش.م. قۇرايتىن 3 227 پاتەرلى 126 تۇرعىن ٴۇي پايدالانۋعا بەرىلدى.
اعىمداعى جىلى وڭىرلەردى دامىتۋدىڭ 2020 جىلعا دەيىنگى باعدارلاماسى اياسىندا «جاس وتباسىلارعا ارنالعان تۇرعىن ٴۇي» باعىتى بويىنشا 216 پاتەرلى 2 ٴۇي جالعا بەرىلەدى.
جالپى، وڭتۇستىك قازاقستان وبلىسى بويىنشا 34 مىڭنان استام، سونىڭ ىشىندە شىمكەنت قالاسىندا 20 مىڭنان استام ازامات مەملەكەتتىك تۇرعىن ٴۇي قورىنان باسپانا الۋ كەزەگىندە تۇر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1408 
0
2431
0