BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا بيىل 50 مەكتەپ پايدالانۋعا بەرىلەدى

بيىل وڭتۇستىك قازاقستان وبلىسىندا 50 ٴبىلىم ۇياسى ەل يگىلىگىنە بەرىلەدى دەپ كۇتىلۋدە. ونىڭ ٴ15-ى «نۇرلى جول» مەملەكەتتىك باعدارلاماسى اياسىندا سالىنىپ جاتسا، 5-ەۋى رەسپۋبليكالىق بيۋدجەت ەسەبىنەن بوي كوتەرۋدە. ال وبلىستىق بيۋدجەتتەن قارالعان 9،5 ملرد تەڭگەگە سالىنىپ جاتقان 30 مەكتەپتىڭ قۇرىلىس جۇمىستارى جىل سوڭىنا دەيىن اياقتالاتىن بولادى. بۇل تۋرالى وڭتۇستىك قازاقستان وبلىس اكىمى ج. تۇيمەبايەۆتىڭ حالىق الدىندا بەرگەن ەسەبىندە ايتىلعان بولاتىن، دەپ حابارلايدى baq.kz اقپارات اگەنتتىگى.

جالپى 2017 جىلى بارلىق بيۋدجەتتەن بولىنگەن قارجى ەسەبىنەن 32 مەكتەپ ەل يگىلىگىنە تاپسىرىلدى. تارقاتىپ ايتساق، 2017 جىلى وبلىسىمىزداعى ٴبىلىم بەرۋ سالاسىنا ۇلتتىق قوردان 29،8 ملرد تەڭگە ٴبولىنىپ، «نۇرلى جول» باعدارلاماسى اياسىندا 35 ٴبىلىم بەرۋ نىساندارىنىڭ قۇرىلىسى جۇرگىزىلگەن ەدى.

بۇدان بولەك، بۇگىندە رەسپۋبليكالىق بيۋدجەتتەن قارالعان 4،2 ملرد تەڭگەگە 4 مەكتەپ پەن 1 مەكتەپ-ينتەرناتتىڭ قۇرىلىسى جۇرگىزىلۋدە. اتالعان نىساندار جىل سوڭىنا دەيىن پايدالانۋعا تاپسىرىلاتىن بولادى.

سونداي-اق، 2017 جىلى وبلىستىق بيۋدجەتتەن قارالعان 9،5 ملرد تەڭگەگە 39 مەكتەپ پەن 3 كوللەدجدىڭ قۇرىلىسى جۇرگىزىلىپ، جىل قورىتىندىسىمەن 12 مەكتەپ پايدالانۋعا بەرىلسە، قالعان 30 نىساننىڭ قۇرىلىسى 2018 جىلى اياقتالادى دەپ كۇتىلۋدە.

قورىتا ايتقاندا بۇگىندە وبلىسىمىزدا 50 ٴبىلىم نىسانىنىڭ قۇرىلىسى قارقىن العان. ەگەر قۇرىلىس جۇمىستارى جوسپارعا ساي جۇرگىزىلسە، بارلىق نىسان جىل سوڭىنا دەيىن تاپسىرىلادى.

بۇدان بولەك، وبلىستىق قۇرىلىس باسقارماسى 2018 جىلى ٴبىلىم ۇيالارىنىڭ قۇرىلىسىن سالۋعا رەسپۋبليكالىق بيۋدجەتتەن قوسىمشا قارجى قاراستىرۋعا ۇسىنىس جولداعان. ەگەر ۇسىنىس قابىلدانىپ جاتسا، تۇرعىزاتىن ٴبىلىم ۇيالارىنىڭ قاتارى ارتادى دەپ كۇتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي