BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"نۇرلى جول" ۆوكزالى ارقىلى ەكى جىلدا 7 ملن-نان استام جولاۋشى تاسىمالدانعان

استانا، baq.kz. بيىل اشىلعانىنا ەكى جىل تولعان «نۇرلى جول» ۆوكزال كەشەنى ارقىلى وسى ارالىقتا 7 ميلليوننان استام جولاۋشى مەن كەلۋشىلەرگە، 1156 ۇيىمداستىرىلعان توپقا قىزمەت كورسەتىلگەن. ونىڭ ٴ523-ى بالالار توپتارى بولسا، جولاۋشىلاردىڭ ىشىندە 6500 ادام مۇمكىندىگى شەكتەۋلى جاندار بولعان.

ۆوكزال كەشەنى ديرەكتورىنىڭ ورىنباسارى نۇرلان امانجولوۆتىڭ ايتۋىنشا، كەشەن جەتىلدىرۋ، ناقتىراق ايتقاندا لوگيستيكانى جاقسارتۋ جانە سەرۆيستىك قىزمەتتى كەڭەيتۋگە قاتىستى جەتىستىكتەردى ەرەكشە اتاي كەتكەن ٴجون.

"تەحنولوگيالىق ايماق – كەلۋ زالدارىنىڭ اشىلۋى ۆوكزالدا قوسىمشا 12 ەسكالاتوردى ىسكە قوسۋ ارقىلى جولاۋشىلاردىڭ قاراما-قارسى اعىنىن جويۋعا مۇمكىندىك بەردى. جولاۋشىلار قىزمەت كورسەتۋدى جاقسارتۋ ماقساتىندا ۆيدجەت تابلو كەستەسى قايتا قاراستىرىلىپ، ول ەكىگە، ياعني كەلەتىن پويىزدار قوزعالىسىنىڭ جانە جونەلتىلەتىن پويىزدار قوزعالىسىنىڭ كەستەسى بولىپ ٴبولىندى. قىزمەت ساپاسىن ارتتىرۋ ٴۇشىن كەشەندە باسقا دا جۇمىستار جۇرگىزىلىپ كەلەدى"، - دەيدى ن. امانجولوۆ.

تاعى ٴبىر ايتا كەتەرلىگى – جولاۋشىلارعا جايلى بولۋ ٴۇشىن تەگىن بالالار ويىن الاڭى، نامازحانا اشىلدى. سونىمەن قاتار قازپوشتا، ماسساج ورىندىقتارى، سۋۆەنير ساتاتىن دۇكەندەر مەن وزگە دە قىزمەتتەر پايدا بولدى.

"ٴبىزدىڭ نىسان كولىك ٴحابى سەكىلى دامۋ ۇستىندە – سەبەبى ۆوكزال ماڭى اۋماعىندا «ساپارجاي» اۆتوۆوكزالىنىڭ فيليالى اشىلدى. مۇندا جولاۋشىلارعا ، سونىڭ ىشىندە قالاارالىق جانە وبلىسىشىلىك باعدارلاردا قاتىنايتىن ترانزيتتىك جولاۋشىلارعا قىزمەت كورسەتىلەدى. ولارعا دا جولاۋشىلار جايلىلىعى ٴۇشىن كۇتۋ زالدارى مەن انىقتاما قىزمەتى جانە بيلەت كاسساسى قاراستىرىلعان"، - دەيدى ديرەكتوردىڭ ورىنباسارى.

بۇگىندە نەگىزىنەن جاستاردان قۇرالعان ۆوكزال كەشەنىنىڭ ۇجىمى ٴوز جەتىستىكتەرىمەن قاشان دا ماقتانا الادى. ول جەتىستىكتەر قىزمەتكەرلەردىڭ جۇمىستان تىس ومىرلەرىنە دە قاتىستى. ماسەلەن، ۆوكزال اشىلعالى بەرى 28 قىزمەتكەر وتباسىن قۇرعان. سونىڭ ىشىندە 5 جۇپ ٴدال وسى كەشەننىڭ قىزمەتكەرلەرى اراسىنان سىڭارلارىن تاپقان. سولاردىڭ بۇگىندە ٴ14-ى بالالى-شاعالى بولىپ ۇلگەردى. «قتج» ۇك» اق مەن ونىڭ قىزمەتكەرلەرىنىڭ اراسىنداعى 2018-2020 جىلدارعا ارنالعان ۇجىمدىق شارتقا سايكەس بارلىق قىزمەتكەرلەرگە ەڭبەك دەمالىسىنا بايلانىستى ماتەريالدىق كومەك بەرىلىپ، تەمىرجولشىلار بالالارى جازعى دەمالىستا ەكى جىل قاتارىنان بۋرابايداعى «ديسكاۆەري بوروۆوە» جازعى ساۋىقتىرۋ لاگەرىنە باردى. وننان استام قىزمەتكەر ەلىمىزدىڭ اۋماعىنداعى سانيتارلىق كۋرورتتىق دەمالىس ورىندارىندا دەمالدى.

قىزمەتكەرلەردىڭ قوعامدىق جۇمىستارعا ارالاسۋ بەلسەندىلىگى وتە جوعارى. بۇعان ولاردىڭ جاستىق جىگەرى مەن جالىندى كۇش-قايراتى دا ىقپال ەتسە كەرەك. ولار قاشان دا ۇلتتىق كومپانيا كولەمىندە وتەتىن سپورتتىق-مادەني شارالارعا بەلسەندى اتسالىسادى جانە جۇلدەلى ورىندارعا يە بولىپ ٴجۇر. جاستار ساياساتىنىڭ شەڭبەرىندە ۆوكزال كەشەنىنىڭ 35 جاسقا دەيىنگى جاس قىزمەتكەرلەرى ايماقتىق ترەنينگكە قاتىسىپ، سونىڭ قورىتىندىسىندا ولار جىل سايىنعى جاستار فورۋمىنىڭ قاتىسۋشىسى اتاندى. كەشەننەن جيناقتالعان كوڭىلدىلەر مەن تاپقىرلار كومانداسى ۇلتتىق كومپانيا كتك ويىندارىنىڭ ليگاسىندا مارەگە جەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي