«نۇرلى جول» مەملەكەتتىك باعدارلاماسى بويىنشا ينفراقۇرىلىمدىق جوبالاردى ىسكە اسادى

«نۇرلى جول» مەملەكەتتىك باعدارلاماسى شەڭبەرىندە ينفراقۇرىلىمدىق جوبالاردى جانە ەكونوميكانىڭ باسىم سالالارىنداعى ينۆەستيسيالىق جوبالاردى ىسكە اسىرۋدى جەدەلدەتۋ كوزدەلىپ وتىر، دەپ حابارلايدى baq.kz ٴتىلشىسى. بۇل تۋرالى ۇلتتىق ەكونوميكا ٴمينيسترى قۋاندىق بىشىمبايەۆ مالىمدەدى.

«بيىل قىركۇيەك ايىندا 2016 جىلعا ارنالعان رەسپۋبليكالىق بيۋدجەت ناقتىلانادى، ول كىرىستەر بويىنشا بولجامدى ۇلعايتۋدى جانە 2015 جىلدىڭ پايدالانىلماعان قاراجاتىن تارتۋدى كوزدەيدى. 144،5 ملرد. تەڭگە كولەمىندەگى قوسىمشا قاراجات 2016 – 2017 جىلدارى ەكونوميكانىڭ وسۋىنە مۋلتيپليكاتيۆتىك اسەرى بار «نۇرلى جول» مەملەكەتتىك باعدارلاماسىنىڭ شەڭبەرىندە ينفراقۇرىلىمدىق جوبالاردى ىسكە اسىرۋدى جەدەلدەتۋگە، اگروونەركاسىپتىك كەشەن جانە وڭدەۋ ونەركاسىبىنىڭ جوبالارىن قارجىلاندىرۋعا باعىتتالاتىن بولادى» - دەدى بيشىمبايەۆ.

بۇدان بولەك، جىل سوڭىنا دەيىن ەكونوميكانىڭ ٴوسۋىن قاتاماسىز ەتۋ ٴۇشىن «نۇرلى جول» مەملەكەتتىك باعدارلاماسى جانە 2016 جىلعى داعدارىسقا قارسى قوسىمشا شارالار جوسپارى شەڭبەرىندە جوسپارلانعان قاراجاتتى پايدالانۋ تيىمدىلىگىن ارتتىرۋ جوسپارلانعان.

ٴتۇرعىن-ۇي قۇرىلىسىنا بولىنگەن 70،3 ملرد تەڭگە مولشەرىندەگى ۋاقىتشا بوس قاراجات جانە 85،1 ملرد. تەڭگە مولشەرىندەگى بجزق-ڭ قاراجاتى (بارلىعى 155،3 ملرد تەڭگە) اينالىم كاپيتالىن قارجىلاندىرۋعا، «بايتەرەك» ۇبح» اق ارقىلى 2017 جىلدىڭ ماۋسىمىنا دەيىن قايتارۋىمەن قايتا وڭدەي ونەركىسىبىن ەكسپورت الدى جانە ەكسپورتتىق نەسيەلەۋگە باعىتتالاتىن بولادى.

ەكونوميكانىڭ وسۋىنە جىلدام اسەر ەتۋ ٴۇشىن ا.ج. ەكىنشى جارتىجىلدىعىندا ىشكى سۇرانىستى ىنتالاندىرۋعا ۇكىمەتتىڭ ارنايى رەزەرۆى ەسەبىنەن 91،5 ملرد. تەڭگە باعىتتالاتىن بولادى.

سونىمەن قاتار، ٴونىم شىعارۋدىڭ قىسقارۋى بايقالىپ وتىرعان ەكونوميكا سالالارىندا ٴوندىرىس كولەمىنىڭ ٴوسۋىن قامتاماسىز ەتىلەدى.

«جالپى وڭدەۋ ونەركاسىبىندە ٴوسۋدى ىنتالاندىرۋ ٴۇشىن ماگيسترالدىق تەمىرجول جەلىسى جانە ەلەكتر ەنەرگياسى قىزمەتتەرىنە ۋاقىتشا تومەندەتۋ كوەففيسيەنتىن، جەڭىلدىكتى شارتپەن اينالىم كاپيتالىن، ليزينگتىك قارجىلاندىرۋدى جانە ەكسپورتتىق/ەكسپورتالدى كرەديتتەۋدى ۇسىنۋ جونىندەگى، سونداي-اق سىرتقى ساۋدانى رەتتەۋ شارالارى قابىلداناتىن بولادى» - دەپ حابارلادى بيشىمبايەۆ.

ٴمينيستردىڭ پىكىرىنشە وسى شارالار 2016 جىلعى ماۋسىم-شىلدەدە ەكونوميكانىڭ وسۋىنە مۇمكىندىك بەرەتىنى، 2016 جىل قورىتىندىسى بويىنشا - 0،5% دەڭگەيىندە كۇتىلۋدە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!