استانا: 
1431 
0
استانا. 8 ماۋسىم. baq.kz - وڭىرلەردى 2020 جىلدارعا دەيىنگى دامىتۋ باعدارلاماسى بويىنشا «نۇرلى جول» ينفراقۇرىلىمدىق دامۋدىڭ مەملەكەتتىك باعدارلاماسى نەگىزىندە ەلىمىزدىڭ 10 وڭىرىندە (استانا، الماتى، اقتوبە، تاراز، قاراعاندى، شىمكەنت، وسكەمەن، قىزىلوردا، اتىراۋ قالالارى مەن الماتى وبلىسىندا) تۇرعىن ٴۇي قۇرىلىسىنىڭ 13 وبەكتىسىن قارجىلاندىرۋ شارتتارىن جاسالدى، دەپ حابارلايدى baq.kz ٴتىلشىسى.
بۇل تۋرالى ورتالىق كوممۋنيكاسيالار قىزمەتىندە وتكەن ٴباسپاسوز وتىرىسىندا «سامۇرىق – قازىنا» جىلجىمايتىن مۇلىك قورى» اق باسقارما ٴتوراعاسى ب. مامىتاليەۆ ايتىپ ٴوتتى. ونىڭ سوزىنشە، ٴۇي-جايلاردىڭ جالپى اۋدانى 639 مىڭ شارشى مەتردەن اسىپ وتىر.
«2015 جىلى وڭىرلەردى دامىتۋ باعدارلاماسى بويىنشا 151،4 مىڭ شارشى مەتر جىلجىمايتىن مۇلىك پايدالانۋعا بەرىلدى. اتالمىش باعدارلاما بويىنشا بارلىعى 9 485 پاتەر قۇرىلىسى جوسپارلانعان. جىلجىمايتىن مۇلىك قورى ىسكە اسىراتىن جوباعا 97 ملرد. تەڭگە ٴبولىندى»، دەدى ب. مامىتاليەۆ.
«نۇرلى جول» باعدارلاماسى بويىنشا اقشالاي قاراجاتتى قۇرىلىس سالۋشىلارىنىڭ جىلدام قايتارىلىمى قامتاماسىز ەتىلەتىن جەكە قۇرىلىس سالۋشىلارىنا تەتىك ازىرلەنگەن. قۇرىلىس سەكتورىنىڭ مۇنداي جۇيەسى ىسكە قوسىلعان جۇمىس ورىندارىن ساقتاپ قانا قالماي، جاڭا جۇمىس ورىندارىن اشۋعا مۇمكىندىك بەرەتىن بولادى.
بۇل باعدارلاما بويىنشا قۇرىلىس سالۋشىلارعا ينجەنەرلىك-كوممۋنيكاسيالىق ينفراقۇرىلىمى قوسىلعان، جوبالىق – سمەتالىق قۇجاتتاماسىنىڭ مەملەكەتتىك ساراپتاما قورىتىندىسىمەن جانە 20 % جەكە قاتىسۋىمەن جەر تەلىمىنىڭ بولۋى مىندەتتەلەدى.
بۇدان بولەك، قۇرىلىس سالۋشىلارىنىڭ جانە جىلجىمايتىن مۇلىك قورىنىڭ جايلاردى ىسكە اسىرۋ ٴتارتىبىن جانە جەكە قۇرىلىس سالۋشىلارىنىڭ جوبالارىن ىرىكتەۋ جانە قاراستىرۋ ەرەجەلەرىن، نەگىزگى شارتتارىن رەگلامەنتتەيتىن جىلجىمايتىن مۇلىك قورىنىڭ اكتيۆتەرىن ىسكە اسىرۋ جوباسى قاراستىرىلعان.
ايتا كەتەيىك، جىلجىمايتىن مۇلىك قورى ۇستىمىزدەگى جىلى اتالمىش باعىت بويىنشا جالپى كولەمى 490 مىڭ ش.م. قۇرايتىن 10 مىڭ پاتەردىڭ قۇرىلىسىن قارجىلاندىرۋدى جوسپارلاپ وتىر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2434
0