BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جول» باعدارلاماسى بويىنشا 10 ملرد تەڭگە يگەرىلمەي قالۋى مۇمكىن

فوتو: ашық дереккөзден

«نۇرلى جول» باعدارلاماسى بويىنشا جەرگىلىكتى دەڭگەيدە 10 ملرد تەڭگە جىل سوڭىنا دەيىن يگەرىلمەي قالۋى مۇمكىن. بۇل جونىندە بۇگىنگى ۇكىمەت وتىرىسىندا قر قارجى ٴمينيسترى باحىت سۇلتانوۆ مالىمدەدى، دەپ حابارلايدى baq.kz ٴتىلشىسى.

«نۇرلى جول» مەملەكەتتىك باعدارلاماسىنا رەسپۋبليكالىق بيۋدجەتتەن 474 ملرد تەڭگە قاراستىرىلعان. جالپى مەملەكەتتىك باعدارلاما بويىنشا 129 ملرد تەڭگە يگەرىلدى. بۇل ەسەپتىك كەزەڭ جوسپارىنىڭ 96،2%. جىلدىق جوسپارداعى يگەرىلۋ 27،2% قۇرادى. اكىمشىلەردىڭ وزدەرىمەن جۇزەگە اسىرىلاتىن شىعىستار 94،6 ملرد تەڭگەگە اتقارىلىپ، 94،9% يگەرىلدى. الدىن الا مالىمەتتەر بويىنشا 5،1 ملرد تەڭگە اتقارىلعان جوق. ونىڭ ىشىندە، 4،7 ملرد تەڭگە اۆتوموبيل جولدارىن دامىتۋ بويىنشا بولىپ وتىر. بۇل وتكەن جينالىستا ايتىلعانداي، سىرتقى قارىزدار قاراجاتى بولىپ تابىلادى جانە ولار بويىنشا تولەمدەر 5 شىلدەدەن كەيىن وتەدى. سول سەبەپتى، اتقارىلۋ پروسەنتى ەرتەڭنەن باستاپ 99،7% قۇرايدى دەپ ايتا الامىز. يگەرىلمەگەنى 300 ملرد تەڭگە»، - دەيدى مينيستر.

سونىمەن قاتار، مينيستر اتاپ وتكەندەي، وڭىرلەرگە اۋدارىلعان 34،5 ملرد تەڭگە 91،5% يگەرىلگەن جانە قازىرگى ۋاقىتتا 2،7 ملرد تەڭگە يگەرىلمەگەن.

«ەسەپتى كەزەڭدە مىندەتتەمەلەر 266 ملرد تەڭگەگە قابىلداندى. بۇل جىلدىق جوسپاردىڭ 56،1%. ورتالىق مەملەكەتتىك ورگانداردىڭ وزدەرىنىڭ شىعىستارى بويىنشا 232 ملرد تەڭگەگە قابىلداندى جانە بۇل جىلدىق جوسپاردىڭ 62،4%. قارجى جىلىنىڭ سوڭىنا دەيىن 139 ملرد تەڭگەگە كەلىسىمشارتتار جاساۋ كۇتىلۋدە. نەگىزگى سوما بۇل حالىقارالىق قارجى ۇيىمدارىمەن زاەم ارقىلى اتقارىلاتىن شىعىستار. جەرگىلىكتى ورگانداردا مىندەتەمەلەر 64،7 ملرد تەڭگەگە نەمەسە جىلدىق جوسپاردىڭ 62،8% قابىلداندى. 38 ملرد تەڭگەگە مىندەتتەمەلەر قابىلدانبادى، ونىڭ ىشىندەگى 19 ملرد تەڭگە جولداردى اعىمداعى جوندەۋ جانە رەكونسترۋكسيالاۋعا بقلىنگەن نىسانالى ترانسفەرتتەر بويىنشا، قالعان 19 ملرد تەڭگە جىلۋ جانە سۋمەن جابدىقتياۋ ٴۇشىن بەرىلگەن كرەديتتەر بويىنشا. قاراجاتتىڭ 1 شىلدەدەگى اتقارىلۋ ناتيجەسىنە ٴبىز جاساعان تالداۋ بويىنشا، جىلدىڭ سوڭىنا دەيىن 50 ملرد تەڭگە يگەرىلمەي قالىپ وتىر. ونىڭ ىشىندەگى 39 ملرد تەڭگە جوعارىدا اتالعان زاەم قاراجاتى. جەرگىلىكتى دەڭگەيدە 10 ملرد تەڭگە جىل سوڭىنا دەيىن يگەرىلمەي قالۋى مۇمكىن. ولار جولداردى قايتا قۇرۋ، جوندەۋ بويىنشا 8 ملرد تەڭگە جانە جىلۋ-سۋمەن جابدىقتاۋ بويىنشا 2 ملرد تەڭگە»، - دەگەن مينيستر جەرگىلىكتى اتقارۋشى ورگاندار بۇل پروبلەمادان حاباردار ەكەنىن جانە ٴتيىستى جۇمىستار جۇرگىزۋ بويىنشا اتالعان قاراجات جىل سوڭىنا دەيىن يگەرىلۋى مۇمكىن ەكەنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي