«نۇرلى جول» باعدارلاماسى اياسىندا 96 پاتەر پايدالانۋعا بەرىلمەك

شىمكەنت قالاسىندا «نۇرلى جول» باعدارلاماسى اياسىندا 96 پاتەر پايدالانۋعا بەرىلمەك. شىمكەنتتە «نۇرلى جول» باعدارلاماسى اياسىنداعى قۇرىلىس وبەكتىلەرىنە پرەسس-تۋر وتكىزىلدى، دەپ حابارلايدى baq.kz ٴتىلشىسى.

بايتەرەك حولدينگىنىڭ ەنشىلەس ۇيىمى «قازاقستان يپوتەكالىق كومپانياسى» يۇ» اق «نۇرلى جول» اياسىنداعى جالعا بەرىلەتىن تۇرعىن ٴۇي باعدارلاماسىن جۇزەگە اسىراتىن وپەراتورلاردىڭ ٴبىرى بولىپ تابىلادى. باعدارلامانىڭ ماڭىزدىلىعىن، وزەكتىلىگىن، الەۋمەتتىك سيپاتىن ەسەپكە الا وتىرىپ، مەملەكەت ونى جۇزەگە اسىرۋ پروسەسىندە اشىقتىققا قول جەتكىزۋدە بارلىق امالداردى قاراستىرعان. وسى ماقساتتا اعىمداعى جىلى كومپانيا وبەكتىلەر بويىنشا تۋرلار وتكىزۋدە، ياعني، باعدارلاما اياسىندا ۇلەستىرۋ، ازاماتتارعا باعدارلامانى جۇزەگە اسىرۋ پروسەسىن باقىلاتۋ، قۇرىلىس جۇمىستارى، سونداي-اق قاتىسۋشىلار قونىستاناتىن تۇرعىن ٴۇي ساپاسىنىڭ ساقتالاۋىن قاداعالاۋ باستى نازارعا الىنعان.

اعىمداعى جىلدىڭ 24 ماۋسىمىندا شىمكەنت قالاسىندا باعدارلاما اياسىندا جۇزەگە اسىرۋ ٴۇشىن كومپانيا يەلىككە العان وبەكتىدە «قازاقستان يپوتەكالىق كومپانياسى» جانە باق وكىلدەرى باس قوستى. تۇرعىندارعا ۇلەستىرۋگە جالپى اۋدانى 5،4 مىڭ شارشى م. قۇرايتىن 96 پاتەر تانىستىرىلدى. ونىڭ ىشىندە 21 ٴبىر بولمەلى پاتەر (40،51 م2)، 48 ەكى بولمەلى پاتەر (54،38 م2 باستاپ 55،2 م2 دەيىن)، 24 ٴۇش بولمەلى پاتەر (67،5 م2 باستاپ). قازىرگى ۋاقىتتا تولەمەتوۆ كوشەسىندەگى يەلىككە الىنعان وبەكتىدە قۇرىلىس جۇمىستارى جالعاسۋدا، تۇرعىن ٴۇي سالۋشى – «وتاۋ-ستروي» جشس. قۇرىلىستا قازاقستاندا جاسالعان ماتەريالدار پايدالانىلۋدا، يمپورتتىق جانە وتاندىق ٴونىم، ناقتى ايتقاندا كەراموگرانيت، لينوليۋم، سەمەنت، ەسىك بلوكتارى، لاك جانە بوياۋ ماتەريالدارى، جىلىتقىشتار; وتاندىق ٴوندىرىس ماتەريالدارى – بەتون، گازبلوكتار، پوليەتيلەندىك قۇبىرلار، تەرەزەلەر مەن ۆيتراجدار، ارلەۋ جۇمىستارى ٴۇشىن قۇرعاق قوسپالار، اسفالت-بەتوندىق قوسپالار، تەمىر-بەتوندىق بۇيىمدار (ناۋالار، بارديۋرلىك تاستار، تاس توسەمەلەر) جانە ت.ب. يمپورتتىق ٴونىم ماتەريالدارى – ارماتۋرا، ليفتتەر، سانفايانس (رەسەيلىك ٴونىم). «پاتەرلەر وسى جىلدىڭ جەلتوقسان ايىندا پايدالانۋعا بەرىلمەك، مۇنىڭ بارلىعى تازا ارلەۋدە جانە گاز پليتاسىمەن بىرگە تۇرعىندارعا تابىستالادى دەپ اتاپ ٴوتتى»، - «وتاۋ-ستروي» جشس باس ينجەنەرى اكيموۆ ابجات.

2016 جىلى «وڭتۇستىك قازاقستان وبلىسى، تۇركىستان قالاسىنا اينالما جول بويىنداعى كوپقاباتتى ۇيلەردىڭ قۇرىلىسى» بىرلەسكەن جوباسىن جۇزەگە اسىرۋعا قول قويىلدى، جوبا مەملەكەتتىك-جەكە سەرىكتەستىك ٴپرينسيپىنىڭ نەگىزىندە ورىندالماق. بۇل – اۋدانى 7،8 شارشى مىڭ م. قۇرايتىن 144 پاتەر. «ونىڭ ىشىندە تۇرعىن ۇيدە 36 ٴبىر بولمەلى پاتەر (39،68 م2)، 72 ەكى بولمەلى پاتەر (54،39 م2 باستاپ 55،21 م2 دەيىن)، 36 ٴۇش بولمەلى پاتەر (68،48 م2 باستاپ) ورنالاسادى دەدى»، - «قازاقستان يپوتەكالىق كومپانياسى» يۇ» اق باسقارما ٴتوراعاسىنىڭ ورىنباسارى دوسمۇحامەتوۆ بولات سەيىلحان ۇلى.

سونىمەن قاتار، «قازاقستان يپوتەكالىق كومپانياسى» يۇ» اق جانە «بايتەرەك» حولدينگىنىڭ ەنشىلەس ۇيىمى «بايتەرەكدەۆەلوپمەنت» اق شىمكەنت قالاسىندا باعدارلاما اياسىندا جالپى اۋدانى 51 مىڭ شارشى م. قۇرايتىن 900 پاتەردىڭ قۇرىلىسىن جۇرگىزۋدە. ونىڭ ىشىندە – 300 ٴبىر بولمەلى پاتەر (42 م2)، 300 ەكى بولمەلى پاتەر (54 م2)، 300 ٴۇش بولمەلى پاتەر (74 م2 باستاپ). وسىلايشا 2016 جىلى وڭتۇستىك قازاقستان وبلىسىندا اۋدانى 64،2 شارشى مىڭ م. قۇرايتىن 1140 پاتەردى پايدالانۋعا بەرۋ جوسپارلانۋدا.

جالپى، اعىمداعى جىلدىڭ سوڭىنا دەيىن «قازاقستان يپوتەكالىق كومپانياسى» يۇ» اق «وڭىرلەردى دامىتۋدىڭ 2020 جىلعا دەيىنگى» باعدارلاماسى اياسىندا، «بايتەرەك» حولدينگىنىڭ قولداۋىمەن ەلىمىز بويىنشا بارلىعى 326 مىڭ شارشى.م-دەن اسا پاتەردى پايدالانۋعا بەرۋدى جوسپارلاۋدا.

2015 جىلى شىمكەنتتە «بايتەرەك» حولدينگىنىڭ قولداۋىمەن 85،7 شارشى مىڭ م. نەمەسە 1،5 مىڭنان اسا پاتەر جۇزەگە اسىرىلدى. 2015 جىلدىڭ قورىتىندىسى بويىنشا كومپانيا جالپى اۋدانى 425،4 شارشى مىڭ م. (7234 پاتەر) جالعا بەرىلەتىن تۇرعىن ٴۇيدى پايدالانۋعا بەردى. باعدارلامانىڭ جوسپارلىق كورسەتكىشى – 401،1 شارشى مىڭ م.، ياعني 2015 جىلى جۇزەگە اسىرىلعان پاتەر كولەمى جوسپارلىق كورسەتكىشتەن 24،3 مىڭ شارشى م. ارتىعىمەن ورىندالدى. تۇرعىن ۇيلەر استانا، الماتى، شىمكەنت، اقتوبە، اقتاۋ، قاراعاندى، كوكشەتاۋ، قوستاناي، قىزىلوردا، پاۆلودار، سەمەي، تالدىقورعان، تاراز قالالارىندا، سونىمەن قاتارا الماتى، اقمولا جانە شىعىس - قازاقستان وبلىستارىندا ەنگىزىلدى.

جالعا بەرىلەتىن تۇرعىن ٴۇيدىڭ 1 شارشى م. قۇنى الماتى جانە استانا قالالارىندا شامامەن العاندا 1 120 تگ. قۇراسا، ايماقتاردا، ونىڭ ىشىندە شىمكەنت قالاسىندا شامامەن العاندا 923 تگ.

«قازاقستان يپوتەكالىق كومپانياسى» تارماعى بويىنشا جالعا بەرىلەتىن تۇرعىن ٴۇي باعدارلاماسىنا جەرگىلىكتى اتقارۋشى ورگاندا (جاو) باسپانا الۋعا كەزەكتە تۇرعان جاندار قاتىسا الادى، جاو ٴوز كەزەگىندە باعدارلاماعا قاتىسۋشىلار اراسىنان ىرىكتەۋ جانە تۇرعىن ٴۇيدى ۇلەستىرۋمەن اينالىسادى. تۇرعىن ۇيگە كەزەكتەگى الەۋمەتتىڭ وسال توپتارىن كەلەسىدەگىدەي قوعامدىق توپتار قۇرايدى: كوپ بالالى جانە تولىق ەمەس وتباسىلار، مۇگەدەك بالالارى بار نەمەسە تاربيەلەپ وتىرعان وتباسىلار، جەتىم بالالار، اتا-اناسىنىڭ قامقورلىعىنسىز قالعان بالالار، ورالماندار، سونداي-اق مەملەكەتتىك قىزمەتكەرلەر، اسكەري قىزمەتكەرلەر، ارنايى مەلەكەتتىك ورگانداردىڭ جانە بيۋدجەتتىك سالانىڭ قىزمتەكەرلەرى.

ۇلتتىق باسقارۋشى حولدينگ «بايتەرەك» قازاقستان رەسپۋبليكاسى پرەزيدەنتى جارلىعىنا سايكەس، 2013 جىلدىڭ 22 مامىرىندا قۇرىلدى. حولدينگتىڭ قۇرىلۋ ماقساتى - ەكونوميكانىڭ دامۋى مەن ديۆەرسيفيكاسيالانۋىنا ىقپال ەتۋ، ينۆەستيسيالار تارتۋ، ەنشىلەس ۇيىمدارداعى كورپوراتيۆتىك باسقارۋ جۇيەلەرىن جەتىلدىرۋ مەن كلاستەرلەرىن دامىتۋ. حولدينگ قۇرامىنا «قازاقستان دامۋ بانكى» اق، «قازاقستان ينۆەستيسيالىق قورى» اق، «تۇرعىن ٴۇي قۇرىلىس جيناق بانكى» اق، «كازەكسپورتگارانت» اق، «دامۋ» كاسىپكەرلىكتى دامىتۋ قورى» اق، «تەحنولوگيالىق دامۋ جونىندەگى ۇلتتىق اگەنتتىك» اق، «يپوتەكالىق كرەديتتەردى كەپىلدىلدەندىرۋدىڭ قازاقستاندىق قورى» اق، «kazynacapitalmanagement» اق، «بايتەرەكدەۆەلوپمەنت» اق، «مەملەكەتتىك - جەكە مەنشىك ارىپتەستىك جوبالارىن قولداۋ ورتالىعى» جشس. حولدينگتىڭ مەملەكەتتىك اكسيالار پاكەتتەرىن يەلەنۋ جانە پايدالانۋعا قۇقىعى بار.

تەگي
• شىمكەنت

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!