استانا: 
30 ماۋسىمدا اقتوبە قالاسىندا «بايتەرەك» حولدينگىنىڭ ەنشىلەس ۇيىمى - «قازاقستان يپوتەكالىق كومپانياسى» يۇ» اق «نۇرلى جول» باعدارلاماسى اياسىندا ساتىپ الىناتىن قۇرىلىس وبەكتىلەرىنىڭ ٴباسپاسوز-تۋرلارى ٴوتتى، دەپ حابارلايدى baq.kz.
«تۇرعىندارعا جالپى اۋدانى 20،5 مىڭ شارشى م. قۇرايتىن 318 پاتەر بەرىلەدى. ونىڭ ىشىندە 104 ٴبىر بولمەلى پاتەر (45 م2 جوعارى)،104 ەكى بولمەلى پاتەر (58 م2 جوعارى)، 110 ٴۇش بولمەلى پاتەر (69 م2 باستاپ). قازىرگى ۋاقىتتا «باتىس-2» ىقشام اۋدانىنداعى ساتىپ الىنعان وبەكتىدە قۇرىلىس جۇمىستارى جالعاسۋدا، تۇرعىن ٴۇي سالۋشى – «سوللەرس» جشس. پاتەرلەردى وسى جىلدىڭ قاراشا ايىندا بەرۋ جوسپارلانۋدا جانە ولاردىڭ ٴبارى تازا ارلەنگەن بولادى. سونداي-اق، پاتەرلەردى جالعا الۋدىڭ 1 شارشى ٴم-نىڭ قۇنى 950 تەڭگەدەن اسپايدى»، - دەپ اتاپ ٴوتتى «قازاقستان يپوتەكالىق كومپانياسى» يۇ» اق باسقارما ٴتوراعاسىنىڭ ورىنباسارى ايسۇلتان اكچۋرين.
اتالمىش ىقشام اۋداندا ورنالاسقان، جالپى اۋدانى شامامەن 6،8 مىڭ شارشى م. بولاتىن، 108 پاتەرلىك تاعى ٴبىر وبەكتى بويىنشا قۇرىلىس جۇمىستارى اياقتالدى. تۇرعىن ٴۇي سالۋشى - «vip ناستيل» جشس. بۇل پاتەرلەر دە تازا ارلەنگەن.
بۇعان قوسا، وسى جىلدىڭ سوڭىنا دەيىن اقتوبە قالاسىندا اۋدانى 17 مىڭ شارشى م. قۇرايتىن 249 پاتەر تاپسىرىلۋعا دايىندالىپ جاتىر. وسىلايشا، جالپى ەسەپ بويىنشا 2016 جىلى اقتوبەدە اۋدانى 44،3 مىڭ شارشى م. قۇرايتىن 675 پاتەردى پايدالانۋعا بەرىلمەكشى. باعدارلاما اياسىندا 2016-2017 جىلدارى كومپانيا «نۇر-اقتوبە» ىقشاماۋدانىنداعى 2 وبەكتىنىڭ قۇرىلىسىن جۇرگىزەدى دەپ جوسپارلانۋدا، بۇل 28،1 مىڭ شارشى م. نەمەسە 566 پاتەر. 2015 جىلدىڭ ناتيجەسى بويىنشا «قازاقستان يپوتەكالىق كومپانياسى» اقتوبە قالاسىندا 31 مىڭ شارشى م. اسا نەمەسە 478 پاتەردى بەردى.
قازاقستاننىڭ بارلىق قالالارى بويىنشا ول جالپى اۋدانى 425،4 مىڭ شارشى م. بولاتىن 7234 پاتەردى قۇرادى. باعدارلامانىڭ جوسپارلىق كورسەتكىشى – 401،1 مىڭ شارشى م، ياعني 2015 جىلى جۇزەگە اسىرىلعان پاتەر كولەمى جوسپارلىق كورسەتكىشتەن 24،4 مىڭ شارشى م. ارتىعىمەن ورىندالدى. تۇرعىن ۇيلەر استانا، الماتى، شىمكەنت، اقتوبە، اقتاۋ، قاراعاندى، كوكشەتاۋ، قوستاناي، قىزىلوردا، پاۆلودار، سەمەي، تالدىقورعان، تاراز قالالارىندا، سونىمەن قاتارا الماتى، اقمولا جانە شىعىس قازاقستان وبلىستارىندا بەرىلدى. 2016جىلى «قازاقستان يپوتەكالىق كومپانياسى» يۇ» اق «وڭىرلەردى دامىتۋدىڭ 2020 جىلعا دەيىنگى» باعدارلاماسى اياسىندا، «بايتەرەك» حولدينگىنىڭ قولداۋىمەن، ەلىمىز بويىنشا بارلىعى 326 مىڭ شارشى مەتردەن اسا پاتەردى پايدالانۋعا بەرۋدى جوسپارلاپ وتىر.
«بايتەرەك» حولدينگىنىڭ ەنشىلەس ۇيىمى «قازاقستان يپوتەكالىق كومپانياسى» يۇ» اق «نۇرلى جول» اياسىنداعى جالعا بەرىلەتىن تۇرعىن ٴۇي باعدارلاماسىن جۇزەگە اسىراتىن وپەراتورلاردىڭ ٴبىرى بولىپ تابىلادى. 2015 جىلى حولدينگتىڭ قولداۋىمەن جوسپارلىق كورسەتكىشتەن اسىرا ورىندالعان، جالپى اۋدانى 425،4 مىڭ شارشى م. قۇرايتىن تۇرعىن ٴۇي پايدالانۋعا بەرىلدى. باعدارلامانىڭ ماڭىزدىلىعىن، وزەكتىلىگىن، الەۋمەتتىك سيپاتىن ەسەپكە الا وتىرىپ، مەملەكەت ونى جۇزەگە اسىرۋ پروسەسىندە اشىقتىققا قول جەتكىزۋدە بارلىق امالداردى قاراستىرعان. وسى ماقساتتا اعىمداعى جىلى كومپانيا باعدارلاما اياسىندا بەرىلەتىن ٴوز وبەكتىلەرى بويىنشا تۋرلار وتكىزۋدە، ونىڭ باستى ماقساتتى ازاماتتارعا باعدارلامانى جۇزەگە اسىرۋ بارىسىنا، قۇرىلىس جۇمىستارىنىڭ جۇرگىزىلۋ بارىسىنا، سونداي-اق باعدارلاما قاتىسۋشىلارى قونىستاناتىن تۇرعىن ٴۇي ساپاسىنىڭ ساقتالۋىنا قاداعالاۋ جاساۋعا مۇمكىندىك بەرۋ بولىپ تابىلادى.
«قازاقستان يپوتەكالىق كومپانياسى» يۇ اق – «بايتەرەك» حولدينگىنىڭ ەنشىلەس ۇيىمى، حالىقتىڭ الەۋمەتتىك جاعىنان وسال توپتارىنا جالعا بەرىلەتىن تۇرعىن ۇيلەر باعدارلاماسىنىڭ وپەراتورى. اتالعان تۇلعالارعا حالىقتىڭ الەۋمەتتىك جاعىنان وسال توپتارى، كوپ بالالى جانە تولىق ەمەس وتباسىلار، مۇگەدەك بالالارى بار نەمەسە تاربيەلەپ وتىرعان وتباسىلار، جەتىم بالالار، اتا-اناسىنىڭ قامقورلىعىنسىز قالعان بالالار، ورالماندار، بۇعان قوسا، سونداي-اق مەملەكەتتىك قىزمەتكەرلەر، اسكەري قىزمەتكەرلەر، ارنايى مەملەكەتتىك ورگانداردىڭ جانە بيۋدجەتتىك سالانىڭ قىزمەتكەرلەرى جاتادى. جالعا بەرىلەتىن تۇرعىن ٴۇيدىڭ 1 شارشى م. قۇنى الماتى جانە استانا قالالارىندا 1 150 تگ.، وڭىرلەردە 950 تگ. اسپايدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2564 
0
2434
0