BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"نۇرلى جول" اياسىندا ەكسپورتتاۋشىلاردىڭ قارجى مولشەرلەمەسى تومەندەدى

فوتو: ашық дереккөзден

«قازاقستاننىڭ دامۋ بانكى» اق «نۇرلى جول» باعدارلاماسى شەڭبەرىندە قازاقستاننىڭ شيكىزاتتىق ەمەس ەكسپورتىن قولداۋ ماقساتىندا قارجىلاندىرۋ مولشەرلەمەسىن تومەندەتەدى، دەپ حابارلايدى baq.kz اقپارات اگەنتتىگى.

ەندى قارىز الۋشىلار ٴۇشىن سىياقىنىڭ اقىرعى مولشەرلەمەسى بۇعان دەيىن قولدانىلىپ كەلگەن جىلدىق 9% مولشەرىندەگى ەڭ كوپ ٴماننىڭ ورنىنا 8% اسپايتىن شامانى قۇرايتىن بولادى.

جالپى، نەسيە 1 جىلدان 3 جىلعا دەيىن تەڭگەلەي بەرىلەدى. ال، قارىزدىڭ ەڭ از سوماسى – 1 ملرد تەڭگە.

«قازاقستاننىڭ شيكىزاتتىق ەمەس ەكسپورتىن دامىتۋعا جاردەمدەسۋ بانك قىزمەتى شارتتارىنىڭ ٴبىرى بولىپ تابىلادى. ٴبىز شيكىزاتتىق ەمەس ەكسپورتتاۋشىلاردى قامتۋدىڭ كەڭەيەتىنىنە، ەكسپورتتىق ٴتۇسىمىن ۇلعايتۋ مۇمكىندىگىن پايدالانا الاتىن، وسىلايشا، ٴبىزدىڭ ەلىمىزدىڭ ەكونوميكاسىنىڭ شيكىزاتتىق ەمەس سەكتورىنىڭ ەكسپورتتىق الەۋەتىن ارتتىرۋعا ٴوز ۇلەسىن قوساتىن قدب-نىڭ جاڭا كليەنتتەرىنە قۋاناتىن بولامىز»، - دەدى قدب كليەنتتەرمەن جۇمىس جونىندەگى ديرەكسياسىنىڭ اعا بانكيرى ۆلاديمير لي.

ايتا كەتەيىك، جاڭارتىلاتىن قارجىلاندىرۋدى ەسكەرگەندە، 2018 جىلعى 01 تامىزداعى جاعداي بويىنشا بانك جالپى سوماسى 90،9 ملرد تەڭگە ەكسپورتالدى وپەراسيالارىن جۇزەگە اسىرۋ ٴۇشىن 16 كاسىپورىندى قارجىلاندىرۋ تۋرالى شەشىم قابىلدادى. وسىلايشا، بانك باعدارلاما شەڭبەرىندە كۇشتىك ترانسفورماتورلار، كىشى ستانسيالار، تيتان قاڭىلتاقتار، قۇبىرلار، ارماتۋرا، قاڭىلتىر، مىرىش، قورعاسىن، مىس، سارى فوسفور، ناتريي تريپوليفوسفاتى، امموفوس، گلينوزەم، وسىمدىك مايى، ٴسۇت ونىمدەرى، ٴشاي، شىرىندار، كونديتەر ونىمدەرى سياقتى تاۋارلار ەكسپورتىنا قولداۋ كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي