BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جول» ارقىلى ترانزيتتىك تاسىمالدان 352 ملرد-تان استام قارجى ٴتۇستى – يدم

فوتو: Егемен Қазақстан

«نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسى شەڭبەرىندە ينۆەستيسيالار جانە دامۋ مينيسترلىگى ٴبىرقاتار جۇمىستار اتقارىپ كەلەدى. نازارلارىڭىزعا مەملەكەتتىك باعدارلامانىڭ ٴبىر سالاسى – ەلىمىز كولەمىندەگى ٴتۇرلى دەڭگەيدەگى تاسىمال ماسەلەسىن ۇسىنىپ وتىرمىز. مالىمەتتەر baq.kz اقپارات اگەنتتىگىنىڭ ارنايى سۇراۋىمەن مينيسترلىكتىڭ جاۋاپتى ورگاندارىنان الىندى.

ترانسكاسپييلىك مۋلتيمودالدىق تاسىمالداۋدى دامىتۋ شەڭبەرىندە قۇرىق پورتى كەشەنىنىڭ پارومدىق جوباسى اياقتالدى. 2016 جىلى ەنگىزىلگەن تەمىرجول پاروم تەرمينالى 1،5 ملن توننا جۇك اۋىستىرىپ تيەۋدى قامتاماسىز ەتتى، 2018 جىلعى قاڭتار-اقپاندا وسى تەرمينال ارقىلى شامامەن 250 مىڭ توننا جۇك اۋىستىرىپ تيەلدى.

جۇك اۆتوكولىكتەرىنە قىزمەت كورسەتۋ ٴۇشىن 2017 جىلعى 6 جەلتوقساندا تەستىلەۋ رەجيمىندە اۆتوموبيلدىك پارومدىق تەرمينال ىسكە قوسىلدى. وبەكتىنى تولىق پايدالانۋعا بەرۋ 2018 جىلدىڭ سوڭىنا دەيىن اياقتالادى دەپ جوسپارلانىپ وتىر.

ينفراقۇرلىمدىق جوبالاردى ىسكە اسىرۋ ناتيجەسىندە 2017 جىلى قازاقستان رەسپۋبليكاسى اۋماعى ارقىلى تاسىمالدانعان ترانزيتتىك جۇكتەردىڭ جالپى كولەمى 18،1 ملن توننانى قۇرادى. بۇل كورسەتكىش 2016 جىلمەن سالىستىرعاندا 20%-عا كوپ. ال وسى سالا بويىنشا تۇسكەن تابىس 352،8 ملرد تەڭگەنى قۇرادى. بۇل 2016 جىلعى ۇقساس كەزەڭىمەن سالىستىرعاندا 24%-عا كوپ.

2017 جىلدىڭ قورىتىندىسى بويىنشا ترانزيتتىك قاتىناستاعى كونتەينەرلىك تاسىمال 347،5 مىڭ جوعارى فرازالىق بىرلىكتى (جفب) قۇرادى. بۇل 2016 جىلعى ۇقساس كەزەڭمەن سالىستىرعاندا 30%-عا كوپ. وسىعان وراي، قىتاي-ەۋروپا-قىتاي باعىتىندا كونتەينەرلەر سانىن جىل سايىن ەكى ەسەگە ۇلعايتۋدى قامتاماسىز ەتەدى. بۇعان وسى سوڭعى جىلداردا وسى باعىتتاعى جۇك تاسىمالىنىڭ ارتۋ كورسەتكىشى اسەر ەتىپ وتىر. مىسالى، 2015 جىلى – 47،4 مىڭ جفب، 2016 ج. – 104،6 مىڭ جفب بولسا، 2017 جىلعى كورسەتكىش ەكى ەسەگە ۇلعايىپ، 201 مىڭ جفب-عا جەتكەن.

جىل قورىتىندىسى بويىنشا ترانزيتتىك تاسىمالدىڭ كولەمىن كەمىندە 18 ملن تونناعا جانە كونتەينەرلىك تاسىمالدى – 536 مىڭ جفب ۇلعايتۋ جوسپارلانىپ وتىر. قىتاي-ەۋروپا باعىتىندا كونتەينەرلىك تاسىمال كولەمى 346 مىڭ جفب-عا دەيىن جەتەدى دەگەن بولجام بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي