استانا: 
1026 
0
استانا. 19 اقپان. baq.kz – ينۆەستيسيالار جانە دامۋ مينيسترلىگىنىڭ اۆتوموبيل جولدارى كوميتەتى ٴتوراعاسىنىڭ ورىنباسارى امانگەلدى بەكوۆتىڭ مالىمدەۋىنشە، ەلىمىزدە «نۇرلى جول» جوبالارىنا ۇلتتىق قوردان 178 ملرد. تەڭگە قاراستىرىلعان.
سونداي-اق، ول اعىمداعى جىلى رەسپۋبليكالىق ماڭىزى بار اۆتوموبيل جولدارىن سالىپ، كۇردەلى جوندەۋدەن وتكىزۋگە 302 ملرد. تەڭگە بولىنگەندىگىن دە ايتادى. «ونىڭ ىشىندە «نۇرلى جول» جوبالارىنىڭ ىسكە اسۋىنا ۇلتتىق قوردان 178 ملرد. تەڭگە قاراستىرىلعاندىعىن اتاپ وتكىم كەلەدى. ناتيجەسىندە، جولداردىڭ 1،7 مىڭ شاقىرىمى قۇرىلىس جانە قايتا جاڭارتۋ جۇمىستارىمەن قامتىلادى» دەيدى ول.
ايتا كەتەيىك، قالالاردى ٴتيىمدى جانە ساپالى كولىك قاتىناسىمەن ساۋلەلىك قاعيدا بويىنشا بايلانىستىرۋ ماقساتىندا «نۇرلى جول» مەملەكەتتىك باعدارلاماسىمەن 11 اۆتوجول جوبالارىنىڭ جۇزەگە اسىرىلۋى قاراستىرىلعان. اتالعان جوبالاردى جۇزەگە اسىرۋىنا ۇلتتىق قوردان جانە رەسپۋبليكالىق بيۋدجەتتەن قاراجات بولىنۋدە، سونىمەن بىرگە قارىز تارتۋ جۇمىستارى دا جۇرگىزىلۋدە. جوبالاردى جۇزەگە اسىرۋ ناتيجەسىندە جولداردىڭ 7 مىڭ شاقىرىمى i جانە ii تەحنيكالىق كاتەگورياسىنا اۋىستىرىلادى. 2017-2019 جىلدارداعى ۇدەمەلى كەزدە قايتا جاڭارتۋ جۇمىستارىنا بارلىق جوبالار بويىنشا 200 مىڭعا جۋىق جۇمىس ورىندارى ىسكە قوسىلادى. سەمەنت، جول بيتۋم، ينەرسيالى ماتەريالدار، تەمىر-بەتون بۇيىمدارىن شىعاراتىن بارلىق وتاندىق وندىرۋشىلەر ىسكە تارتىلادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2434
0