استانا. 14 قاراشا. baq.kz – مەملەكەت باسشىسىنىڭ قازاقستان حالقىنا ارناعان جولداۋىندا جۇكتەلگەن تاپسىرمالار ەل تۇرعىندارىنىڭ جۇمىسپەن قامتىلىپ، ەكونوميكامىزدىڭ وسۋىنە وڭ سەپتىگىن تيگىزەدى. ويتكەنى، بيزنەستى قولداۋعا ارنالعان ارنايى جەڭىلدىكپەن ميللياردتاعان تەڭگە بولىنەدى دەپ جوسپارلانعان. ال بۇل ٴوز كەزەگىندە كاسىپورىندار اشىلىپ، ازاماتتار جاڭا جۇمىس ورىندارىنا تارتىلادى دەگەن ٴسوز، - دەيدى وڭتۇستىك قازاقستان وبلىستىق الەۋمەتتىك باعدارلامالاردى ۇيلەستىرۋ جانە جۇمىسپەن قامتۋ باسقارماسىنىڭ جەتەكشىسى ٴاسيا تەمىربايەۆا.
- سونىمەن قاتار، ەلباسىنىڭ سوڭعى جولداۋىندا وڭىرلەردەگى تۋريزم سالاسىنىڭ ينفراقۇرىلىمىن دامىتۋدا ناقتى ماقساتتار ايقىندالىپ، جاڭا جۇمىس ورىندارىن اشۋ مىندەتتەلگەن. ونىڭ ارتىقشىلىقتارى جايىندا ن. نازاربايەۆتىڭ ٴوزى ايتا كەلە، وندىرىستىك سالاعا قاراعاندا، بۇل سالانىڭ دامۋى بيۋدجەتكە 10 ەسە ارزانعا تۇسەتىندىگىن دە تىلگە تيەك ەتكەن بولاتىن، - دەيدى ول.
باسقارما جەتەكشىسىنىڭ ايتۋىنشا، بۇگىندە وڭتۇستىك قازاقستان وبلىسىندا «جۇمىسپەن قامتۋدىڭ جول كارتاسى - 2020» باعدارلاماسىنا قاتىسۋشىلاردىڭ سانى كۇن ساناپ ارتىپ كەلەدى ەكەن. ايماقتىڭ مىڭنان استام تۇرعىنى جاڭا ماماندىقتىڭ قىر-سىرىن يگەرىپ، تۇراقتى جۇمىسقا ورنادلاساپ، تۇرعىن ٴۇيدى جالعا الۋ مۇمكىندىكتەرىنە يە بولعان.
- ال ەندى وسىنداي قارقىن العان جەمىستى جوبالار لەگى «نۇرلى جول» جاڭا ەكونوميكاداعى ساياسات» جولداۋىنداعى تاپسىرمالار، بىزدەر ٴۇشىن تابىس تاۋىپ، ٴومىر ٴسۇرۋ دەڭگەيىمىزدى جاقسارتا ٴتۇسۋدىڭ بىردەن ٴبىر كەپىلى بولىپ تابىلادى. وعان قوسا، مەملەكەت باسشىسى ٴوز جولداۋىندا ايتىلعان جولداردى جوندەۋگە قاتىستى تاپسىرمالاردى تياناقتى ورىنداۋ ناتيجەسىندە، جاڭادان 200 مىڭنان استام جۇمىس ورىندارى اشىلاتىندىعىن دا اتاپ ٴوتتى ەمەس پە؟!. – دەيدى ٴا. تەمىربايەۆا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
استانا: 
922 
0
2440
0 
