«نۇرلى جول» ماڭگىلىك ەل يدەياسىنا جەتەلەيدى – گەورگيي كان

استانا. 14 قاراشا. baq.kz – بۇگىن ٴتۇس اۋا قر پرەزيدەنتى جانىنداعى ورتالىق كوممۋنيكاسيالار قىزمەتىنىڭ كوشپەلى وتىرىسى الماتى قالاسىندا ٴوتتى. ٴداستۇرلى بريفينگتە سپيكەر رەتىندە ٴسوز العان قازاقستان حالقى اسسامبلەياسىنىڭ مۇشەسى جانە وسى ۇيىمعا قاراستى عىلىمي-ساراپشىلىق كەڭەس ٴتورايىمىنىڭ ورىنباسارى جانە قازاقستان كارىستەرى قاۋىمداستىعىنىڭ ۆيسە-پرەزيدەنتى گەورگيي كان وسىنداي وي ايتتى، - دەپ حابارلايدى baq.kz ٴتىلشىسى.

- جاھاندىق گەوساياسي جاعداي تۇراقسىزدانىپ، الپاۋىت ەلدەر جەتەكشىلەرى ٴوزارا تۇسىنىسپەي وتىرعان شاقتا ٴبىزدىڭ ەلباسىمىزدىڭ جولداۋى وتە ٴساتتى بولدى دەپ ويلايمىن. بۇل ەلىمىزدىڭ ٴاربىر تۇرعىنى، ٴار ازاماتتى ٴۇشىن وتە ٴبىر جاقسى وي سالارلىق دۇنيە بولدى. ويتكەنى، ساراپشىلاردىڭ مالىمەتىنە سۇيەنسەك، مەملەكەت باسشىسى بۇل جولداۋدا ۇلتتار اراسىنداعى «بىرلىك» پەن «كەلىسىم» جانە «بەيبىتشىلىك» سوزدەرىن 30 رەت قايتالاعان. سونداي-اق، جولداردىڭ جوندەلۋى مەن ينفراقۇرىلىمدى دامىتۋ جايىنا قاتىستى ناقتى تاپسىرمالار جۇكتەگەن. ەگەر تەڭدىك پەن تۇراقتىلىق، بەيبىتشىلىك ورناعان قوعام بولماسا، مۇنداي جوبالاردىڭ جۇزەگە اسۋى ەكىتالاي عوي. سوندىقتان دا، ۇلتتار تاتۋلىعى جاراسىم تاپقان قوعامدا ٴومىر سۇرە وتىرىپ، ٴاربىر جۇتقان اۋامىزدىڭ ٴقادىرىن تەرەڭ تۇيسىنە ٴبىلۋىمىز كەرەك، - دەيدى گەورگيي ۆاسيلەۆيچ.

- مىنە، تەڭدىكتىڭ تۋىن جەلبىرەتكەن ەلباسى كورەگەندىلىگىنىڭ ارقاسىندا ٴبىز كەلەسى جىلى قازاق حاندىعىنىڭ 550 جىلدىعىن، ۇلى جەڭىستىڭ 70 جىلدىعىن، كونستيتۋسيامىز بەن قازاقستان حالقى اسسامبلەياسىنىڭ 20 جىلدىعىن اتاپ وتكەلى جاتىرمىز. مۇنىڭ ٴبارى دە ازاماتتىق قوعام اراسىندا توزىمدىلىك پەن ٴوزارا تۇسىنىسە وتىرىپ، تەڭ قۇقىلى ٴومىر ٴسۇرۋدى قامتاماسىز ەتەدى. ال مۇنىڭ استارىندا «نۇرلى جول» ماڭگىلىك ەل يدەياسىنا جەتەلەيتىندىگىن اڭعارۋ اسا قيىندىق تۋدىرمايدى، - دەيدى تاريح عىلىمدارىنىڭ دوكتورى گەورگيي كان.
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!