استانا: 
1031 
0
استانا. 13 قاراشا. baq.kz – مەملەكەت باسشىسىنىڭ قازاقستان حالقىنا ارناعان "نۇرلى جول - بولاشاققا باستار جول" اتتى جولداۋى ەلدىڭ ەكونوميكاسى مەن الەۋمەتتىك دامۋىنا سەرپىن بەرىپ، ونىڭ قوزعاۋشى كۇشىنە اينالادى. قر پارلامەنت ٴماجىلىسىنىڭ ۆيسە-سپيكەرى داريعا نازاربايەۆا الماتىدا ٴوتىپ جاتقان پارلامەنتاريلەردىڭ ورتاازيالىق كونفەرەنسياسىندا وسىلاي دەپ مالىمدەدى.
"ەڭ ٴبىرىنشى باسىمدىق - وتباسى ينستيتۋتىن قولداۋ. باستى نازاردى ٴبىز ٴداستۇرلى وتباسىلىق قۇندىلىقتاردىڭ نىعايۋىنا ٴبولىپ وتىرمىز. پرەزيدەنت ٴوز سوزىندە ايتىپ وتكەندەي، xxi عاسىردىڭ ورتاسىنا قاراي بەيبىت جانە مولشىلىقتا ٴومىر سۇرەتىن وتباسى قالىپتاستىرا بىلگەن مەملەكەتتەر عانا دامعىنا ەلدەردىڭ قاتارىنا قوسىلادى " دەدى داريعا نازاربايەۆا ٴوز بايانداماسىندا.
ٴماجىلىس ۆيسە-سپيكەرىنىڭ مالىمدەۋىنشە، پرەزيدەنتتىڭ جولداۋىندا كورسەتىلگەن داعدارىسقا قارسى قۇرىلعان باعدارلاما قازاقستان ەكونوميكاسىن ودان ٴارى دامىتىپ، الەۋمەتتىك سالادا دا ۇلكەن تابىستار الىپ كەلەدى.
"الەم عالامدىق ەكونوميكاعا بايلانىستى تەك كەرەعار پىكىرلەر ايتىپ وتىرعان ساتتە ٴبىزدىڭ پرەزيدەنت الداعى ٴۇش جىلعا ارنالعان "نۇرلى جول" جاڭا ەكونوميكالىق ساياساتتىڭ قىر-سىرىن ايتىپ ٴوتتى. بۇل جەردە الىپ ينفراقۇرىلىمدىق جوبالار ارقىلى ەل ەكونوميكاسىن دامىتۋ ماسەلەلەرى قارالعان. اتاپ ايتقاندا، كولىكتىك-لوگيستيكالىق، جول، مەملەكەتتىك جالدامالى تۇرعىن ٴۇي، تكش-نى جاڭعىرتۋ، ەنەرگەتيكالىق قۋاتتىلىق ينفراقۇرىلىمدارى. ال، بۇل باعىتتارعا قاراجات ۇلتتىق قور مەن قارجى ينستيۋتتارىنان بولىنەتىن بولادى. قولعا الىناتىن بۇل شارالار قازاقستان ەكونوميكاسىنىڭ ودان ٴارى دامۋىنا سەرپىن بەرمەك" دەدى د.نازاربايەۆا ٴوز سوزىندە.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2440
0