"نۇرلى جول" باعدارلاماسى اياسىندا 12 جوبا جۇزەگە اسىرىلماق

استانا. 24 مامىر. baq.kz - اقتوبە وبلىسىندا "نۇرلى جول" باعدارلاماسى اياسىندا 2016 جىلى سۋمەن جابدىقتاۋ جۇيەسى قۇرىلىسى مەن قايتا سالىنۋى بويىنشا 12 جوبا جۇزەگە اسىرىلماق. 

بۇل تۋرالى "اقتوبە اقپارات" ورتالىعىندا وتكەن ٴباسپاسوز كونفەرەنسياسىندا اقتوبە وبلىسىنىڭ ەنەرگەتيكا جانە تۇرعىن ۇي-كوممۋنالدىق شارۋاشىلىعى باسقارماسى جەتەكشىسىنىڭ مىندەتىن اتقارۋشى امانتاي بەكنيازوۆ حابارلادى.

ونىڭ ايتۋىنشا، قازىرگى تاڭدا حالىقتى سۋمەن جابدىقتاۋ 90،5%، ال ەلدى مەكەندەردە 43،5% قۇرايدى.

"اقبۇلاق"، "2020 جىلعا دەيىن وڭىرلەردى دامىتۋ" مەملەكەتتىك باعدرلامالارى اياسىندا 2011 مەن 2015 جىلدار ارالىعىندا ٴتورت جىل بويى سۋمەن جابدىقتاۋ جانە سۋ جەتكىزۋ بويىنشا 100 جوبا قولعا الىنادى، ولار 54 780 تۇرعىنى بار 68 ەلدى مەكەندى قامتيدى. جوبالاردى جۇزەگە اسىرۋعا جۇمسالاتىن 22،5 ميلليارد تەڭگە رەسپۋبليكالىق جانە وبلىستىق بيۋدجەتتەردەن قاراستىرىلىپ وتىر.

ىرعىز اۋدانىنىڭ نۇرا جانە مامىر ەلدى مەكەندەرىن ورتالىقتاندىرىلعان سۋ جۇيەسىمەن قامتاماسىز ەتۋ ٴۇشىن جالپى قۇنى 633،9 ملن تەڭگە بولاتىن سۋ قۇبىرلارى جەلىسىنىڭ قۇرىلىسى جوباسى ازىرلەندى، 2016-2018 جىلدارى رەسپۋبليكالىق بيۋدجەتتەن قارجىلاندىرۋ ٴۇشىن بيۋدجەتتىك تاپسىرىس جاسالدى. سونىمەن بىرگە، ىرعىز اۋدانىنىڭ بەلشەر اۋىلىندا جالپى قۇنى 172،2 ملن تەڭگە بولاتىن سۋ قۇبىرلارى جەلىسىنىڭ قۇرىلىسىن بيۋدجەتتىك قارجىلاندىرۋ جونىندە تاپسىرىس جاسالدى.

- 2016 جىلى "نۇرلى جول" ينفراقۇرىلىمدى دامىتۋ باعدارلاماسى اياسىندا 2016 جىلى اقتوبە قالاسى مەن العا، ايتەكە بي، شالقار، مۇعالجار، تەمىر اۋداندارىنىڭ 9 ەلدى مەكەنىندە سۋمەن قامتاماسىز ەتۋ، سۋ جەتكىزۋ جۇيەلەرىنىڭ قۇرىلىسى مەن قايتا سالۋ بويىنشا جالپى قۇنى 4،1 ملرد تەڭگە بولاتىن 12 جوبا جۇزەگە اسىرىلادى. اتالعان باعدارلاما اياسىندا 2017 جىلى جالپى قۇنى 8،8 ملرد تەڭگە بولاتىن تاعى 30 جوبا قولعا الىنباق، - دەپ اتاپ ٴوتتى بەكنيازوۆ.

سونىمەن بىرگە، 2016 جىلى وبلىستىق بيۋدجەت ەسەبىنەن قۇنى 172،6 ملن تەڭگە بولاتىن 9 سۋمەن جابدىقتاۋ جۇيەسى قۇرىلىسىنىڭ جوبالاۋ-سمەتالىق قۇجاتتاماسى ازىپلەندى.
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!