استانا: 
984 
0
استانا. 18 ناۋرىز. baq.kz - قازاقستاندا «نۇرلى جول» باعدارلاماسىن ىسكە اسىرۋ اياسىندا 2020 جىلعا دەيىن 2،4 ترلن تەڭگەنىڭ 11 اۆتوجول جوباسىن ىسكە اسىرۋ قاراستىرىلعان، دەپ مالىمدەدى قر ينۆەستيسيالار جانە دامۋ مينيسترلىگى كولىك كوميتەتى ٴتوراعاسىنىڭ ورىنباسارى دميتريي پوتلوۆ وكق بريفينگىندە.
«نۇرلى جول» باعدارلاماسىمەن 2،4 ترلن تەڭگەنىڭ 11 اۆتوجول جوباسىن ىسكە اسىرۋ قاراستىرىلعان. 7 مىڭ شاقىرىم اۆتوكولىك جولدارىن قايتا جوندەۋگە الۋ جوسپارلانعان»، - دەدى د.پوتلوۆ.
اۆتوجول جوبالارى استانادان «ساۋلەلىك» باعىت بويىنشا ورنالاسقان جانە بارلىق باعىتتار بويىنشا – ورتالىق – وڭتۇستىك، ورتالىق – شىعىس، ورتالىق – باتىس جولدارىن قايتا جوندەۋ مەن جاڭا جولداردى سالۋعا باعىتتالعان. جۇمىس تولىعىمەن 2020 جىلعا دەيىن اياقتالادى.
«ترانزيتتىك جۇكتەردى تارتۋ ٴۇشىن ازىرلەنگەن ماڭىزدى جوبا «باتىس قازاقستان – باتىس قىتاي» حالىقارالىق ٴترانزيتتى ٴدالىز بولىپ تابىلادى جانە ونى 2016 جىلى اياقتاۋدى جوسپارلاپ وتىرمىز. قازىرگى كۇنى جوبا بويىنشا رەسەي شەكاراسىنان وڭتۇستىك قازاقستان شەكاراسىنا دەيىن اشىق، وسىمەن قاتار رەسەي مەن ورتالىق ازياعا جۇكتەردى زاماناۋي جولدارمەن تاسىمالداۋ مۇمكىندىگى بار»، - دەپ ٴتۇسىندىردى ول.
ايتا كەتەيىك، «باتىس قازاقستان – باتىس قىتاي» ترانزيتتىك ٴدالىزى قىتايدان ەۋروپاعا دەيىنگى ەڭ ٴىرى اۆتوجولدىڭ ٴبىرى بولادى. ول جول ارقىلى جۇكتەردى 10-12 كۇن ىشىندە تاسىمالداۋعا بولادى. بۇل باعىت سۋەس كانالى ارقىلى ٴداستۇرلى تەڭىز باعىتىنا قاراعاندا 3،5 ەسە قىسقا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2430
0