استانا: 
1721 
0
2016 جىلى استانادا «نۇرلى جول» مەملەكەتتىك باعدارلاماسى بويىنشا 40 نىسانعا 31 ملرد 565 ملن تەڭگە قاراجات بولىنگەن. بۇل قارجى تۇرعىن ۇي-كوممۋنالدىق ينفراقۇرىلىمىن جاڭعىرتۋعا ٴوز سەپتىگىن تيگىزبەك. كەي مەردىگەر كومپانيالار قۇرىلىستى بەلگىلەنگەن ۋاقىتتان كەشىكتىرىپ تاپسىرادى ەكەن. وسى ورايدا «نۇر وتان» پارتياسىنىڭ استانا قالالىق فيلليالى مەملەكەت قارجىسىنا سالىنىپ جاتقان قۇرىلىس نىساندارىنا ارنايى رەيد جۇرگىزدى، دەپ حابارلايدى baq.kz.
كوميسسيا مۇشەلەرى الدىمەن ەكسپو عيماراتتارىن جىلۋمەن قامتاماسىز ەتەتىن №15 سورعى ستانسياسىنىڭ قۇرىلىسىن تەكسەردى. كوميسسيا مۇشەسى قر پارلامەنت ٴماجىلىسىنىڭ دەپۋتاتى ارتۋر پلاتونوۆ قۇرىلىس نىسانىنا قوماقتى قارجى بولىنگەنىن اتاپ ٴوتتى. ال نىسانعا جاۋاپتى «اپينپەكس» ٴجشس-نىڭ وكىلى انۋاربەك سەيىتوۆ ٴتيىستى جۇمىستاردىڭ جۇرگىزىلىپ جاتقاندىعىن تىلگە تيەك ەتتى.
«بۇل نىسانعا 2 ملرد 593 ملن تەڭگە بولىنگەن. يگەرىلمەگەن 1 ملرد تەڭگە قالدى. جىلىتۋ ماۋسىمىنا وراي عيماراتتى قاراشا ايىندا پايدالانۋعا بەرگەلى وتىرمىز. 100% كەرەكتى قۇرال-جابدىقتاردى ساتىپ الدىق. تاپسىرىس بەرۋشى تاراپتان تولەمدەردى تولىق الىپ وتىرمىز. بۇل عيمارات ەكسپو عيماراتتارىن جىلۋمەن قامتاماسىز ەتەدى. «نۇرلى جول» مەملەكەتتىك باعدارلاماسى بويىنشا جىلۋ جەلىسى 40 شاقىرىمدى قۇرايدى. بۇگىنگى تاڭدا سونىڭ 27 شاقىرىمى سالىندى. سونىمەن بىرگە، 3 سورعى ستانسياسى پايدالانۋعا بەرىلمەك»، - دەيدى انۋاربەك سەيىتوۆ.
ال ارتۋر پلاتونوۆ مەملەكەت تاراپىنان بولىنەتىن ملرد-تاعان اقشانىڭ حالىققا قايدا كەتىپ جاتقاندىعىن ٴتۇسىندىرۋ ماڭىزدى ەكەندىگىن اتاپ ٴوتتى. وسى ورايدا دەپۋتات مەملەكەتتىك قارجىسىن ٴتيىمدى باقىلاۋ ٴۇشىن جۇمىستار اتقارىلىپ جاتقاندىعىن باسا ايتتى.
«نۇرلى جول» باعدارلاماسى بويىنشا قۇرىلىس نىساندارىنا ميللياردتاعان قارجى ٴبولىندى. سوندىقتان ادامدار وسى قاراجاتتاردىڭ قالاي جۇمسالىپ جاتقاندىعىن ٴبىلۋى قاجەت. ٴقازىر جىلۋ بەرۋ نىسانىندا تۇرمىز. ٴبىز ەستىگەنىمىزدەي، بۇل جەردە جۇمىسشىلارعا جالاقى كەشىكتىرىلمەي بەرىلەدى. مەملەكەتتەن بولىنگەن قارجى ۋاقىتىندا يگەرىلىپ، 15 قاراشادا استاناعا جىلۋ بەرىلەدى. جالپى، مەملەكەت قارجىسىن باقىلاۋ – وتە وزەكتى ماسەلەلەردىڭ ٴبىرى. قازىرگى تاڭدا قوعامدىق كەڭەستەردىڭ قۇرىلۋىنا بايلانىستى قازىنا قارجىسىنا باقىلاۋ كۇشەيە ٴتۇستى. سەبەبى، بۇگىندە كەي مەملەكەتتەر قوعامدىق ۇيىمدارعا باقىلاۋدى كۇشەيتىپ وتىر. ال بىزدە كەرىسىنشە»، – دەيدى ا.پلاتونوۆ
سودان «نۇر وتان» پارتياسىنىڭ مۇشەلەرى «قولجەتىمدى باسپانا – 2020» باعدارلاماسى اياسىندا سالىنىپ جاتقان ٴتۇرعىن-ۇي كەشەندەرىنىڭ قۇرىلىسىمەن تانىستى. ياعني، №23-31، №23-16، 23-17، 23-30، ا98 كوشەلەرىندە ورنالاسقان 8 تۇرعىن ٴۇيدىڭ قۇرىلىسىنا مەملەكەتتەن 845 ملن تەڭگە بولىنگەن ەكەن. قۇرىلىستى 4 فيرما جۇرگىزىپ جاتىر. «سارى جايلاۋ» جشس ديرەكتورى ٴومىرحان ٴابدىروۆ ٴبىر فيرمانىڭ قۇرىلىستى كەشىكتىرىپ وتىرعانىن ايتتى.
«شەشىلمەگەن ماسەلەلەر بار. ياعني، ەكى 14 بلوكتاعى جۇمىستار ٴالى تولىعىمەن بىتپەگەن. وتكەن جىلى ٴبىز بارلىق 8 ۇيدە جۇمىس ىستەي العان جوقپىز. سەبەبى، مۇندا مۇنارا كراندارى، ۆاگوندار، قۇرىلىس ماتەريالدارى تۇردى، قۇرىلىسشىلار جۇمىس ىستەدى. يگەرىلمەگەن 70 ملن تەڭگەنى قىركۇيەك ايىندا يگەرەمىز. ال 150 ملن تەڭگە ەندىگى جىلعا قالادى. 2017 جىلى ۇيلەر پايدالانۋعا بەرىلەدى. مۇنداعى تۇرعىن ۇيلەردى 4 فيرما سالىپ جاتىر. ٴبىز ٴ4-شى فيرمامىز. ينجەنەرلىك جەلىلەرگە جاۋاپ بەرەمىز»، – دەيدى ديرەكتور.
قۇرىلىس نىساندارىن ارالاپ شىققان دەپۋتات «قولجەتىمدى باسپانانىڭ» وتە ماڭىزدى الەۋمەتتىك باعدارلاما ەكەنىن اتاپ ٴوتتى. ونىڭ پىكىرىنشە، قازاقستان داعدارىس جاعدايىندا دا ازاماتتاردى قولجەتىمدى ۇيمەن قامتاماسىز ەتۋگە قاراجات ٴبولىپ وتىرعان از عانا مەملەكەتتىڭ ٴبىرى. سوندىقتان باسپانالى بولۋ حالىقتىڭ «باس اۋرۋىنا» اينالماۋى قاجەت دەي كەلە، ٴماجىلىس دەپۋتاتى ٴتيىستى ورگاندارعا باقىلاۋدى كۇشەيتۋ قاجەتتىگىن جەتكىزدى.
«باقىلاۋدى ودان ٴارى كۇشەيتۋ قاجەت. مەنىڭ ويىمشا، ٴبىز الداعى ۋاقىتتا ارنايى ەسەپ جاسايمىز. ادامداردى كىنانى بىر-بىرىنە جابا سالعان قىزىقتىرمايدى. ٴاربىر ازامات ٴوز اۋماعىنا جاۋاپتى بولۋى شارت. سونىمەن بىرگە، بارلىق ادام ونىڭ زاردابىن تارتپاۋى كەرەك. ادامدار باسپانا الۋ جولىندا قايعىرماۋى قاجەت. مەملەكەتتىك باعدارلاما ۋاقىتىندا ورىندالۋى شارت»، – دەيدى پلاتونوۆ.
سونىمەن قاتار، ٴماجىلىس دەپۋتاتى وسى سۇراقتار بويىنشا الداعى ۋاقىتتا قالالىق اكىمدىكپەن ٴتيىستى جۇمىستار جۇرگىزەتىنىن مالىمدەدى.
«قۇرىلىس نىساندارى ۇنەمى باقىلاۋدا بولۋى شارت. كەيبىر كەزدەرى شەنەۋنىكتەر جۇمىس ىستەمەيدى. مىسالى، قۇرىلىسقا ۋاقىتىندا كەلمەيدى، دۇرىس باقىلامايدى، كەيبىر كەزدەرى ماسەلەرگە كوزىن جابا قارايدى. استانا قالاسىنىڭ اكىمدىك قىزمەتكەرلەرىمەن كەزدەسۋى ۇيىمداستىرىلۋى مۇمكىن. اكىمدىك قۇرىلىسقا جاۋاپتى ادامدارمەن جۇمىستار جۇرگىزەدى. قۇرىلىس نىساندارىنىڭ بارلىعى ساپاسىز دەپ ايتۋعا بولمايدى. ۋاقىتىندا تاپسىرىلعان نىساندار بار. ٴبىراق، ونداي جاعدايلار بارلىق جەردە كەزدەسە بەرمەيدى. ٴبىزدىڭ مىندەتىمىز – قۇرىلىس نىساندارىنىڭ ۋاقتىلى جۇرگىزىلۋىن جانە ساپالى بولۋىن باقىلاۋ»، - دەيدى دەپۋتات.
سونىمەن قاتار، كوميسسيا مۇشەلەرى «ابۋ دابي پلازا» كەشەنىندەگى ينجەنەرلىك جەلىلەر كەشىكتىرىلىپ جاتقانىن انىقتاعان. وسى ورايدا «قازبايلىق-استانا» ٴجشس-نىڭ باسشىسى بۇل جەردە ولاردىڭ كىناسى جوق ەكەنىن ايتتى.
«ابۋ دابي پلازا» كەشەنىندە بولعان ٴورت ٴبىزدىڭ جۇمىسقا اسەر ەتتى. سەبەبى، ولار ارنايى كراندار ورنالاستىردى. نەگىزىندە، ٴبىز ٴتۇرعىن-ۇي شارۋاشىلىعى باسقارماسىمەن كەلىسىلگەن شارت بويىنشا جۇمىستى ۋاقىتىندا جۇرگىزىپ جاتىرمىز. كەشەندەگى ٴبىر بلوكتى اراب تاراپى وسى جىلى پايدالانۋعا بەرگەلى وتىر. سوندىقتان ٴبىز جۇمىستاردى تەزدەتىپ جۇرگىزىپ جاتىرمىز. ولار (ارابتار – رەد.) دايىن بولعان كەزدە ٴبىز جەلىلەردى تولىعىمەن ىسكە قوسامىز. ال جاعالاۋ اۋدانىنداعى پاركينگى بار ٴتۇرعىن-ۇي كەشەنىندە جۇمىستار جوسپار بويىنشا جۇرگىزىلىپ جاتىر. ٴبىراق، وندا ەلەكتر جەلىسى ماسەلەسى شەشىلگەن جوق»، – دەيدى باسشى.
سونىمەن قاتار، «نۇر وتان» پارتياسىنىڭ مۇشەلەرى جاعالاۋ اۋدانىنداعى № ە16، №199، №ە17، №ە30 (بەيسەكوۆا 10 گا) كولىك تۇراعى بار كوپقاباتتى تۇرعىن ٴۇي كەشەنىنىڭ قۇرىلىسىمەن تانىستى. وسى ورايدا، دەپۋتات اتالعان قۇرىلىس كەشەنىندە وزەكتى ماسەلەردىڭ جوق ەكەندىگىن اتاپ ٴوتتى.
ال استانا قالالىق قۇرىلىس باسقارماسى سمەتالىق ٴبولىمىنىڭ باسشىسى اققان باقىتجان ٴتيىستى جۇمىستاردىڭ جۇرگىزىلىپ جاتقانىن باسا ايتتى.
«قۇرىلىس بەلگىلەنگەن جوسپار بويىنشا جۇرگىزىلىپ جاتىر. ال ٴتورتىنشى كەزەك بويىنشا جۇمىستىڭ جۇرگىزىلمەۋى ەلەكتر قۇرىلعىلارىنا بايلانىستى ماسەلەلەر شەشىلگەن جوق. قارجىلاندىرۋ كەلەسى جىلعا قالىپ وتىر. قۇرىلىستى جوبالاۋشىلار ول جاعىن ەسكەرمەگەن. بۇل ۇيلەر مەملەكەت تاراپىنان الەۋمەتتىك قورعاۋعا الىنعان ازاماتتارعا، ٴقاۋىپتى ۇيلەردە تۇرىپ جاتقان ازاماتتارعا بەرىلەدى. بۇگىندە ۇيلەردى ٴبولۋ جۇمىستارى ٴجۇرىپ جاتىر. قازىرگى تاڭدا 250 ادام اباتتاندىرۋ بويىنشا جانە ٴاربىر بلوكتا جەكە ادامدار جۇمىستار جۇرگىزەدى. نوسەر جاڭبىرعا بايلانىستى 2 كەزەكتەن تۇراتىن جۇمىس توبى قۇرىلدى»، – دەيدى باسشى.
ٴوز كەزەگىندە ۇيىمداستىرۋ-باقىلاۋ ٴبولىمىنىڭ كونسۋلتانتى نادەجدا ميروۆا «نۇرلى جول» باعدارلاماسىنىڭ 40 نىسانىنا 31 ملدر 565 تەڭگە بولىنگەنىن ايتتى.
«باعدارلاما اياسىندا ٴبىز 40 وبەكتىگە، سونداي-اق الەۋمەتتىك ينفراقۇرىلىم بويىنشا 12 نىسانعا جانە تۇرعىن ۇي-كوممۋنالدىق ينفراقۇرىلىمىن مودەرنيزاسيالاۋ جونىندە 20 نىسانعا، 5 كولىك نىسانىنا قوعامدىق باقىلاۋ ورناتتىق. ٴبىز مەردىگەر جانە سۋبمەردىگەرلەرمەن تىعىز بايلانىستامىز. سونىمەن قاتار، ٴتيىستى سۇراقتاردى باقىلاپ، ۋاقتىلى جۇيەلى تۇردە شەشۋگە تىرىسىپ جاتىرمىز. بىزدە ٴماسليحاتتا 25 دەپۋتات بار. ياعني، ٴاربىر دەپۋتتاتىڭ ٴوزى باقىلاپ وتىرعان نىسانى بار. ولار ٴتيىستى اقپاراتتى جيناقتاپ «نۇر وتانعا» جىبەرەدى. ال بىرىكتىرىلگەن ەسەپتى ٴبىز ورتالىق اپپاراتقا جىبەرەمىز. ال رەيد جۇرگىزىلگەن كەزدە ەشقانداي قۇجات قابىلدانبايدى. «نۇرلى جول» باعدارلاماسىنىڭ 40 وبەكتىسىنە 31 ملرد 565 تەڭگە بولىنگەن»، - دەيدى نادەجدا ميروۆا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2434
0