استانا: 
770 
0
استانا. 15 قاراشا. baq.kz – بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىنىڭ الاڭىندا ٴماجىلىس دەپۋتاتتارىنىڭ قاتىسۋىمەن وتكەن «نۇرلى جول» - بولاشاققا باستار جول» جولداۋىن ٴاقپاراتتىق-تۇسىندىرۋ جۇمىستارىنا وراي ۇيىمداستىرىلعان ٴباسپاسوز ٴماسليحاتىندا ۆلاديسلاۆ كوسارەۆ ەلباسىنىڭ ەرەكشە قاسيەتىنە ٴتانتى بولعاندىعىن ايتتى، - دەپ حابارلايدى baq.kz ٴتىلشىسى.
- مەن وسىدان ەكى جىل بۇرىن تۇركمەنستانمەن شەكارالاساتىن تۇس «بولاشاق» ستانسياسىندا بولىپ، سول جەردە اتقارىلىپ جاتقان جۇمىستارمەن تانىستىم. ويتكەنى، ٴبىزدىڭ پرەزيدەنتىمىزدىڭ باستاماسىمەن تەڭىزگە شىعار جولى جوق قازاقستاندى قالاي دا ترانزيتتىك الەۋەتى زور مەملەكەتكە اينالدىرۋ ماقساتىندا ەل ىشىندە قىرۋار جوسپارلار جۇزەگە اسىرىلىپ جاتقانى امبەگە ايان. سول ٴۇشىن «باتىس ەۋروپا – باتىس قىتاي» اۆتوجولى سالىنۋدا. سول ماقساتپەن 1 200 شاقىرىمدىق «جەزقازعان – بەينەۋ» تەمىر جولى توسەلۋدە. وسىنداي جوبالاردىڭ جالعاسى بولىپ تابىلاتىن، تەمىر جول تاسىمالىنداعى ترانزيتتىك ٴدالىزىمىزدىڭ ٴبىر شەتى وسى «بولاشاق» ستانسياسى ەمەس پە ەدى؟ مەن سول ساپارىمدا ٴبىزدىڭ تاراپتان مەملەكەتتىك شەكاراعا دەيىن شويىن جول توسەلىپ، ٴتىپتى، ستانسيا عيماراتتارى مەن پاركتەر سالىنىپ قويعانىن ٴوز كوزىممەن كوردىم. ال كورشى تۇركمەنستان ارقىلى يران، ودان ٴارى پارسى شىعىناعىنا جالعاسۋى ٴتيىس جولدىڭ ٴبىر بولىگى تۇركمەندەر تاراپىنان تەمىر جولدى بىلاي قويىپ، ٴبىر دە ٴبىر شپال قويىلماعاندىعىن كورىپ، تاڭ-تاماشا كۇيگە ٴتۇستىم. ال سودان بەرى قارايعى كەزەڭدە ٴبىزدىڭ ەلباسىمىز تۇركمەنستان پرەزيدەنتىمەن بىرنەشە قايتارا كەزدەسىپ، ديپلوماتيالىق مامىلەلەر جاساۋ ارقىلى تۇركمەندەردىڭ ارعى جاعىندا وتىرعان يرنادىقتارعا دا ٴوز دەگەنىن ىستەتتى. ەندى مىنە، ٴساتىن سالسا الداعى جەلتوقسان ايىندا بۇل ٴدالىز ىسكە قوسىلىپ، تاراپتار يگىلىگى ٴۇشىن ٴوز جۇمىسىن باستاعالى تۇر. ايتايىن دەگەنىم، ۇزاق مەرزىمدى ستراتەگيالىق تۇرعىدان ويلاي بىلەتىن نۇرسۇلتان ٴابىش ۇلىنىڭ وسىنداي ەڭبەكقورلىعىمەن ەرەكشە ديپلوماتيالىق قاسيەتىنە ٴوز باسىم ەرەكشە ٴتانتى بولدىم، - دەيدى ٴماجىلىس دەپۋتاتى.
نۇرلىبەك دوسىباي،
سۋرەتتى تۇسىرگەن – ازات ەسەمبەكوۆ
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2440
0