استانا. 07 ٴساۋىر. baq.kz – بۇگىن «نۇرلى جول» باعدارلاماسى اياسىندا «الماتى-1 –شۋ ۋچاسكەسىنىڭ ەكىنشى تەمىر جولى قۇرىلىسى» نىسانىندا اقتوبە رەلس ارقاۋى زاۋىتىنىڭ» العاشقى رەلسى توسەلدى.
2434
0 
استانا: 
1077 
0
استانا. 07 ٴساۋىر. baq.kz – بۇگىن «نۇرلى جول» باعدارلاماسى اياسىندا «الماتى-1 –شۋ ۋچاسكەسىنىڭ ەكىنشى تەمىر جولى قۇرىلىسى» نىسانىندا اقتوبە رەلس ارقاۋى زاۋىتىنىڭ» العاشقى رەلسى توسەلدى.
سالتاناتتى راسىمگە «قازاقستان تەمىر جولى» ۇك» اق پرەزيدەنتى اسقار مامين مەن الماتى وبلىسىنىڭ اكىمى اماندىق باتالوۆ قاتىستى.
«ٴبىز بۇگىن «نۇرلى جول» جاڭا ەكونوميكالىق ساياساتى مەن ۇدەمەلى يندۋستريالىق يننوۆاسيالىق دامۋ مەملەكەتتىك باعدارلاماسىنىڭ تابىستى ناتيجەسىن كورىپ وتىرمىز. زاۋىت ٴونىمى قازاقستان ەكونوميكاسى ٴۇشىن ستراتەگيالىق ماڭىزدى رول اتقارادى. جانە ەكسپورتتىق الەۋەتى زور. ەندىگى جەردە رەلستەر وتاندىق ٴونىم وندىرۋشىلەردەن الىناتىن بولادى»،- دەپ اتاپ ٴوتتى ا. مامين.
الماتى1- شۋ تەمىر جول تەلىمىندە 110 شاقىرىمدىق ماگيسترالدىق جەلى سالىنادى. ٴقازىردىڭ وزىندە بەلگى بەرۋ جانە بايلانىس، ەلەكترلەندىرۋ جەلىلەرى جاسالۋدا. جوبانىڭ ٴبىرىنشى كەزەگىن، بيىلعى جىلى پايدالانۋعا بەرۋ جوسپارلانىپ وتىر.
«جوبانى جۇزەگە اسىرۋ كەزىندە 1500 جۇمىس ورنى اشىلادى. اتالمىش جوبانىڭ ٴبىزدىڭ ايماق ٴۇشىن ستراتەگيالىق ماڭىزى زور»،-دەپ اتاپ ٴوتتى الماتى وبلىسىنىڭ اكىمى اماندىق باتالوۆ.
الماتى1-شۋ تەمىر جولىنىڭ ەكىنشى جەلىسى ىسكە قوسىلعان كەزدە تەلىمنىڭ وتكىزۋ قابىلەتى 2 ەسەگە ارتادى. جۇك پويىزدارىنىڭ جىلدامدىعى ارتىپ، باعدارداعى ٴجۇرۋ مەرزىمى قىسقارادى. بۇل ارقىلى قازاقستاننىڭ ترانزيتتىك الەۋەتىنىڭ وسۋىنە ىقپال ەتەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
