استانا: 
778 
0
استانا. 13 قاراشا. baq.kz – قازاقستان پرەزيدەنتى نۇرسۇلتان نازاربايەۆتىڭ «نۇرلى جول - بولاشاققا باستار جول» اتتى قازاقستان حالقىنا جولداۋىندا ايتىلعان «اتىراۋ-استراحان» كۇرەجولىن جاڭعىرتۋ شەكارالىق ىنتىماقتاستىققا تىڭ سەرپىن بەرەدى.
بۇل تۋرالى استراحان وبلىسىندا جۇرگەن قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى مارات ٴتاجين ٴوڭىر گۋبەرناتورى الەكساندر جيلكينمەن كەزدەسۋى كەزىندە ٴمالىم ەتتى.
«قازاقستان پرەزيدەنتى ٴوزىنىڭ جولداۋىندا كوپ جاعدايدا ينفراقۇرىلىمدىق جوبالاردى دامىتۋعا سۇيەنەتىن جاڭا ەكونوميكالىق ساياساتتىڭ باستى باعدارلارىنا باسا نازار اۋداردى. مەملەكەت باسشىسى العا قويعان مىندەتتەردە «اتىراۋ-استراحان» كۇرەجولىن جاڭعىرتۋ جونىندە دە ٴسوز قوزعالدى. ونىڭ وتكىزۋ قابىلەتى شۇعىل ارتا تۇسەتىن بولادى. بۇل شەكارالىق ىنتىماقتاستىق ٴۇشىن كوپتەگەن ماتەريالدىق جانە ينفراقۇرىلىمدىق مۇمكىندىكتەرگە جول اشادى»، - دەدى م. ٴتاجين.
«قازاقستان پرەزيدەنتى ايتقان «اتىراۋ-استراحان» كۇرەجولىن جاڭعىرتۋ قاجەتتىگى ٴبىزدىڭ ەكى ەل ٴۇشىن عانا ماڭىزدى ەمەس. بۇل جولدى وزدەرىنىڭ ترانزيتتىك اعىندارى ٴۇشىن ازەربايجان مەن يران كاسىپكەرلەرى دە اسىعا كۇتىپ وتىر. بۇل جول ەۋروپالىق جۇكتەر ٴۇشىن دە ماڭىزدى، ويتكەنى قازاقستان ارقىلى ورتالىق ازياعا جانە ودان ٴارى قىتايعا باعىتتالاتىن جۇك تاسىمالى ٴۇشىن نەعۇرلىم قىسقا جول»، - دەدى استراحان وبلىسىنىڭ گۋبەرناتورى الەكساندر جيلكين 350 شاقىرىمدىق «اتىراۋ-استاراحان» كۇرەجولىن جاڭعىرتۋ جونىندەگى قازاقستان پرەزيدەنتى تاپسىرماسىنا تۇسىندىرمە جاساي وتىرىپ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2440
0