BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قۇرىق پورتىنىڭ ەكىنشى كەشەنى تەستىلىك رەجيمدە جۇمىس ىستەۋدە

قر پرەمەر-مينيسترىنىڭ ٴبىرىنشى ورىنباسارى اسقار مامين جۇمىس ساپارىمەن ماڭعىستاۋ جانە سولتۇستىك-قازاقستان وبلىستارىندا بولىپ، «نۇرلى جول» باعدارلاماسى بويىنشا جۇزەگە اسىرىلىپ جاتقان ينفراقۇرىلىمدىق جوبالارمەن، قازاقستان مەن رەسەي اراسىنداعى ايماقارالىق ىنتىماقتاستىقتىڭ xv فورۋمىنا جانە كاسپيي ماڭى مەملەكەتتەرى باسشىلارىنىڭ v ٴسامميتىن وتكىزۋگە دايىندىق ماسەلەلەرىمەن تانىستى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

ٴىى كاتەگوريالى «بەينەۋ — اقجىگىت» اۆتوكولىك جولى جوباسى بەينەۋ اۋىلىنان باستالىپ، وزبەكستان شەكاراسىنا دەيىن 85 شاقىرىمعا سوزىلعان. ا. مامين جولدى وڭىرلىك ماڭىزدىلىعى بار ينفراقۇرىلىمدىق نىسان رەتىندە اتاپ ٴوتتى.

«بۇل ماڭىزدى جوبا اقتاۋ مەن قۇرىق پورتتارى ارقىلى ورتالىق ازيا ەلدەرىنەن كاۆكاز، تۇركيا جانە ەۋروپاعا ترانزيتتىك اۆتوكولىك اعىنىن قالىپتاستىرۋعا ىقپال ەتەدى»، — دەپ ا. مامين جولدىڭ قۇرىلىسىن ساپالى جۇرگىزىپ، ونى بەلگىلەنگەن ۋاقىتتا تاپسىرۋدى مىندەت ەتتى.

سونداي-اق، ٴبىرىنشى ۆيسە-پرەمەر قۇرىق پورتىندا پاروم كەشەنىنىڭ ەكىنشى كەزەگى قۇرىلىسىنىڭ بارىسىمەن تانىستى.

ا. مامينگە شىعىس جانە باتىس جولدارىنىڭ قۇرىلىسى، «كەدەندىك رەسىمدەۋ ايماعى» نىسانى، پورت دامۋىنىڭ ەكىنشى كەزەڭىنىڭ جاعالاۋداعى گيدروتەحنيكالىق قۇرىلىمدارى تۋرالى اقپارات بەرىلدى. سونىمەن قاتار، «قۇرىق — قۇرىق پورتى» اۆتوكولىك جولىن قايتا قۇرۋ جانە پاروم كەشەنىن پايدالانۋعا بەرۋ بويىنشا جۇرگىزىلىپ جاتقان شارالار تۋرالى حاباردار ەتتى.

قازىرگى تاڭدا ەكىنشى كەشەن سىناق رەجيمىندە ىسكە قوسىلعان. جوبا جۇزەگە اسىرىلعاننان باستاپ 476 كەمە قاتىناسى جۇرگىزىلدى، 2،11 ملن توننا جۇك تيەلدى، ونىڭ ىشىندە بيىل 156 كەمە قاتىناسى جۇرگىزىلىپ، 634 مىڭ توننادان استام جۇك تيەلدى.

2018 جىلى كاسپييدەگى قازاقستاندىق پورت ينفراقۇرىلىمىندا جۇكتى تيەۋدىڭ جيىنتىق كولەمى 9 ملن توننادان استام مولشەردى قۇرايدى. وسى جىلدىڭ ٴبىرىنشى توقسانىندا 2،45 ملن توننادان استام جۇك جونەلتىلدى، بۇل وتكەن جىلدىڭ سايكەس مەرزىمىمەن سالىستىرعاندا (1،602 ملن توننا) 52% ارتىق.

سول كۇنى ٴبىرىنشى ۆيسە-پرەمەر ايماقارالىق ىنتىماقتاستىقتىڭ xv فورۋمىنا دايىندىق اياسىندا سولتۇستىك قازاقستان وبلىسىنا جۇمىس ساپارىمەن باردى.

ا. مامين پەتروپاۆل قالاسىنىڭ حالىقارالىق اۋەجايىنىڭ تۇراق ورىندارىن قالپىنا كەلتىرۋ، «اۋەجايعا كىرەبەرىس جول» اۆتوكولىك جولىن كۇردەلى جوندەۋ جۇمىستارىمەن تانىستى.

سونداي-اق، پرەمەر-مينيستردىڭ ٴبىرىنشى ورىنباسارى «نۇرلى جول» باعدارلاماسى بويىنشا جۇزەگە اسىرىلىپ جاتقان «پەتروپاۆل — رف شەكاراسى» ۋچاسكەسىندەگى جول وتپەسىن قايتا قالپىنا كەلتىرۋ بارىسىمەن تانىستى.

وڭىردە ا. مامين وقۋشىلار سارايىنىڭ، «جاس وركەن» جاڭا ىقشام اۋدانىنىڭ، «hilton» ساۋدا-قوناق ٴۇي كەشەنىنىڭ، «قىزىلجار» قوناق ٴۇيىنىڭ قۇرىلىسى بارىسىمەن تانىستى. بارلىق نىسان 2018 جىلدىڭ قىركۇيەك ايىندا پايدالانۋعا بەرىلەدى.

ا. مامين پەتروپاۆلدا قازاقستان مەن رەسەيدىڭ ايماقارالىق ىنتىماقتاستىعىنىڭ xv فورۋمىنا دايىندىق جۇمىستارىن جوعارى ۇيىمداستىرۋشىلىق دەڭگەيدە وتكىزۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي