BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قۇرىق پورتى ارقىلى جۇك تاسىمالداۋ 856 مىڭ توننانى قۇرادى 

قۇرىق پورتى ارقىلى جۇك تاسىمالداۋ كولەمى التى ايدىڭ ىشىندە 856 مىڭ توننا جۇكتى قۇرادى. بۇل جونىندە بۇگىنگى ۇكىمەت وتىرىسىندا قر ۇلتتىق ەكونوميكا ٴمينيسترى تيمۋر سۇلەيمەنوۆ مالىمدەدى، دەپ حابارلايدى baq.kz ٴتىلشىسى.

«نۇرلى جول» مەملەكەتتىك باعدارلاماسىن ىسكە اسىرۋعا 2018 جىلى بارلىق قارجىلاندىرۋ كوزدەرىنەن 829،5 ملرد تەڭگە كوزدەلگەن، ونىڭ ىشىندە 2018 جىلعى 1 شىلدەدەگى جەدەل دەرەكتەر بويىنشا 167،1 ملرد تەڭگە، ياعني شامامەن 21% يگەرىلدى. ٴبىرىنشى باعىت – كولىك-لوگيستيكالىق ينفراقۇرىلىمدى دامىتۋ بويىنشا، بارلىق قاراجات كوزدەرىنەن 745،5 ملرد تەڭگە كوزدەلگەن، ونىڭ ىشىندە اعىمداعى جىلعى 6 ايدىڭ قورىتىندىسى بويىنشا 129،9 ملرد تەڭگە يگەرىلدى. اۆتوجول جوبالارىن سالۋعا جانە رەكونسترۋكسيالاۋعا، سونداي-اق اۆتوموبيل جولدارىن جوندەۋگە جانە كۇتىپ ۇستاۋعا 367،9 ملرد تەڭگە كوزدەلگەن، ونىڭ ىشىندە قارجىلاندىرۋ جوسپارىنا سايكەس شامامەن 90% يگەرىلدى»، - دەدى مينيستر.

سۇلەيمەنوۆتىڭ ايتۋىنشا، جالپى، 2018 جىلى بولىنگەن قاراجات ەسەبىنەن 4،2 مىڭ كم اۆتوموبيل جولىن قۇرىلىسپەن جانە رەكونسترۋكسيالاۋمەن قامتۋ جانە 528 كم جول قوزعالىسىن اشۋ جوسپارلانىپ وتىر.

«تەمىرجول كولىگىن دامىتۋ جانە جاڭعىرتۋعا اعىمداعى جىلى 90،8 ملرد تەڭگە كوزدەلگەن، ونىڭ ىشىندە رەسپۋبليكالىق بيۋدجەتتەن 39،1 ملرد تەڭگە جانە 51 ملرد تەڭگەدەن استام «قتج» ۇك» اق ٴوز قاراجاتى قاراستىرىلعان. وسىلايشا، 6 ايدىڭ قورىتىندىسى بويىنشا كوزدەلگەن قاراجاتتى يگەرۋ 33،1 ملرد تەڭگەنى قۇرادى. سونداي-اق، ەلدىڭ ترانزيتتىك الەۋەتىن ارتتىرۋ ٴۇشىن اعىمداعى جىلدىڭ سوڭىنا دەيىن قۇرىق پورتىنىڭ پاروم كەشەنىنىڭ اۆتوموبيل تەرمينالىن سالۋدى تولىقتاي اياقتاۋ جوسپارلانىپ وتىر. قۇرىق پورتى ارقىلى جۇك تاسىمالداۋ كولەمى التى ايدىڭ ىشىندە 856 مىڭ توننا جۇكتى قۇرادى. جالپى، قۇرىق پورتىنىڭ جوبالىق قۋاتى جىلىنا 6 ملن. توننا جۇكتى قۇرايتىن بولادى»، - دەگەن سۇلەيمەنوۆ 2018 جىلى سۋ كولىگىن دامىتۋ بلىگىندە تەحنيكالىق فلوتتىڭ 23 كەمەسىن جاڭارتۋعا جانە جاڭعىرتۋعا رەسپۋبليكالىق بيۋدجەتتەن 0،4 ملرد. تەڭگە قاراستىرىلعانىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي