استانا: 
604 
0
استانا. 19 اقپان. baq.kz – «قازاقستاننىڭ دامۋ بانكى» اق «كەنتاۋ ترانسفورماتور زاۋىتى» 3 جىلعا دەيىنگى مەرزىمگە ونىمدەردى ەكسپورتتىق جەتكىزۋگە باعىتتالعان قارىز بەردى. 1،5 ملرد تەڭگە كولەمىندەگى مامىلە وڭدەۋ ونەركاسىبى سالاسىنداعى تاۋارلاردىڭ قازاقستاندىق ەكسپورتىن قولداۋ ماقساتىندا «نۇرلى جول» باعدارلاماسى اياسىندا قارجىلاندىرىلادى.
زاۋىتتا وندىرىلەتىن ترانسفورماتورلىق جابدىقتىڭ 30%-عا جۋىعى ەۋرازيالىق ەكونوميكالىق وداق ەلدەرىنە ەكسپورتقا جىبەرىلەدى. وسى كۇنگە دەيىن كتز رەسەي، تاجىكستان جانە وزبەكستان كاسىپورىندارىمەن 7 ەكسپورتتىق كونتراكت بەكىتتى. قدب تاراپىنان بەرىلگەن جەڭىلدىكتى قارىز قاراجاتى ەكسپورتتىق ٴونىمدى شىعارۋعا قاجەتتى شيكىزات پەن قۇرامداس ونىمدەردى ساتىپ الۋعا جۇمسالادى.
«جوبانى جۇزەگە اسىرۋ ناتيجەلەرى بويىنشا ٴبىز ٴونىمنىڭ وزىندىك قۇنىن 5-10%-عا تومەندەتۋگە قول جەتكىزۋدى جوسپارلايمىز. وسى رەتتە جوعارى تەحنولوگيالى يتالياندىق جانە نەمىس جابدىقتارىن پايدالانۋدىڭ ارقاسىندا شىعارىلاتىن ٴونىمنىڭ ساپاسى جاقسارادى. 2011-2014 جىلدار ارالىعىندا كتز ونىمدەرى ەكسپورتىنىڭ كولەمى شامامەن 10%-عا ارتتى. 2015-2018 جىلدار ارالىعىندا ٴبىز ەكسپورتتىق ساتىلىمداردى جالپى ٴتۇسىم كولەمىنەن 30%-عا ۇلعايتۋدى جوسپارلايمىز. مەملەكەت پەن «بايتەرەك» حولدينگى تاراپىنان كورسەتىلىپ جاتقان قارجىلىق كومەك ارزان قارجىلاندىرۋعا قول جەتكىزۋ مۇمكىندىگىن بەرەدى، ول ٴوز كەزەگىندە وتكىزۋ نارىقتارىن كەڭەيتۋگە جانە قازاقستاندا ەلەكتر ماشينا جاساۋ سالاسىن دامىتۋدىڭ باسىم ماسەلەلەرىن شەشۋگە سەبەپتەسەدى»، - دەپ باياندادى «كەنتاۋ ترانسفورماتور زاۋىتى» اق باس ديرەكتورى سەرعازى كۇنتۋاروۆ.
الدىندا بانكتىڭ ەنشىلەس كومپانياسى «قدب-ليزينگ» اق قارجىلىق قولداۋىمەن جابدىقتى ٴوندىرۋ كولەمىن جىلىنا 11 000 بىرلىكتەن 14 000 بىرلىككە دەيىن ارتتىرۋدى كوزدەيتىن كتز-نى جەتىلدىرۋ جانە ٴوندىرىس قۋاتىن ارتتىرۋ جوباسى جۇزەگە اسىرىلعان بولاتىن.
قازىرگى تاڭدا كاسىپورىن قازاقستاندا ترانسمفورماتورلىق جابدىقتاردىڭ الۋان ٴتۇرلى مودەلدەرى مەن جيىنتىقتى ترانسفورماتورلىق ارالىق ستانسيالاردىڭ جالعىز ٴوندىرۋشىسى بولىپ تابىلادى. زاۋىت وندىرەتىن ونىمدەر تىزىمدەمەسى 50-دەن استام اتاۋدان تۇرادى.
فوتو: kz.otyrar.kz
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2430
0