استانا: 
887 
0
قوستاناي. 17 قاراشا. baq.kz - قوستاناي وبلىسىنىڭ اكىمى نۇرالى ٴسادۋاقاسوۆتىڭ توراعالىعىمەن وتكەن ماجىلىستە پرەزيدەنت نۇرسۇلتان نازاربايەۆتىڭ قازاقستان حالقىنا ارناعان «نۇرلى جول – بولاشاققا باستار جول» اتتى جولداۋى تالقىلاندى. بۇل تۋرالى egemen.kz ٴتىلشىسى حابارلادى.
وعان اۋدان، قالا اكىمدەرى، شارۋاشىلىق، كاسىپورىن جەتەكشىلەرى مەن كاسىپكەرلەر، بيزنەس وكىلدەرى، زيالى قاۋىم جانە جاستار قاتىستى. وبلىس اكىمى نۇرالى ٴسادۋاقاسوۆ بايانداماسىندا «نۇرلى جول – بولاشاققا باستار جول» جولداۋىنىڭ ماڭىزىنا ەرەكشە توقتالدى. سونىمەن قاتار، جولداۋدا ەلباسى قويعان مىندەتتەرگە وراي، وبلىستاعى جولداردىڭ، يندۋستريالىق، ەنەرگەتيكالىق ينفراقۇرىلىمنىڭ، تۇرعىن ۇي-كوممۋنالىق شارۋاشىلىقتىڭ، سۋ جانە جىلۋمەن قامتاماسىز ەتۋدىڭ، شاعىن جانە ورتا بيزنەستىڭ جاعدايىنا توقتاپ، ولاردى دامىتۋ ماسەلەلەرىن ورتاعا سالدى.
وبلىس اكىمى نۇرالى ٴسادۋاقاسوۆ: «قوستاناي وبلىستىڭ اۋە، تەمىر جول، تاس جول قيىلىسقان كولىك تورابى بولىپ تابىلادى. بۇل ورايدا قوستاناي اۋەجايىن قايتا جاڭعىرتۋ، اۆتوكولىك جولدارىن جاقسارتۋ مىندەتى تۇر. وڭىردەگى 9،5 مىڭ شاقىرىم تاس جولدىڭ 85 پايىزى جەرگىلىكتى ماڭىزعا يە، ولاردىڭ 43 پايىزىنىڭ جاعدايى سىن كوتەرمەيدى»، – دەدى.
سونىمەن قاتار، «يۆولگا» جاۋاپكەرشىلىگى شەكتەۋلى سەرىكتەستىگىنىڭ ديرەكتورى ۆاسيليي روزينوۆ پرەزيدەنت جولداۋى بۇگىنگى اتقارىلار ناقتى ىستەردى قوزعاعانىن ايتا كەلىپ، اۋىلدى جەرلەردە ٴۇي قۇرىلىسىن جانداندىرۋ قاجەتتىگىن تىلگە تيەك ەتتى.
جيىندا «قوستاناي مينەرالدارى» اكسيونەرلىك قوعامى ديرەكتورلار كەڭەسىنىڭ مۇشەسى سامات اقىشەۆ، «نۇر وتان» پارتياسى وبلىستىق فيليالى ٴتوراعاسىنىڭ ٴبىرىنشى ورىنباسارى ٴاليا ساپاروۆا، وبلىستىق ارداگەرلەر كەڭەسى ٴتوراعاسىنىڭ ورىنباسارى ۆەرا سەمەنوۆا، «ەل ەرتەڭى» قوعامدىق بىرلەستىگىنىڭ ٴتوراعاسى بولات قاليەۆ جولداۋداعى ايتىلعان ماسەلەلەردىڭ بارلىعى دا ۋاقىت ۇدەسىنەن شىعىپ وتىرعانىن، «نۇرلى جول» – بەرەكە مەن بىرلىكتى تۋ ەتكەن ەڭسەسى بيىك ەلدىڭ ەرتەڭگە كۇنگە دەگەن سەنىمى ەكەنىن ايتتى.
ٴنازيرا جارىمبەتوۆا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2440
0