كەلەر جىلى الماتىدا 400 جاس وتباسى پاتەرلى بولماق - نۇرلى جول|04 جەلتوقسان 2015، 11:53
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەلەر جىلى الماتىدا 400 جاس وتباسى پاتەرلى بولماق

استانا. 4 جەلتوقسان. baq.kz - جىل باسىنان بەرى الماتىدا «نۇرلى جول» باعدارلاماسى بويىنشا 1128 پاتەر پايدالانۋعا بەرىلدى. 

2015 جىلى 1000-عا جۋىق جاس وتباسى ارمانداعان باسپاناعا قول جەتكىزۋ ٴۇشىن ٴوتىنىش قالدىرعان. بۇگىندە قۇجاتتار ىرىكتەلۋدە. الداعى ۋاقىتتا تاعى دا قابىلدانباق. ول تۋرالى تولىق اقپاراتتى اكىمدىكتىڭ سايتىنان قاراۋعا بولادى. ٴارى ەلباسى جولداۋىنا سايكەس، حالىققا تۇرعىن ٴۇي بارىنشا قولجەتىمدى بولا تۇسپەك.

«جاس وتباسى بويىنشا كەلەسى جىلى الماتى قالاسى الاتاۋ اۋدانى «سايالى» ىقشام اۋدانىنان 400 پاتەر قولدانىسقا بەرىلەدى. سونىمەن قاتار، «قاراساي باتىر» كومپانياسى ٴۇي ۇسىنادى.ول تۇركسىب اۋدانىندا ورنالاسادى»،- دەدى الماتى ق. تۇرعىن ٴۇي جانە تۇرعىن ٴۇي ينسپەكسياسى باسقارماسى يپوتەكا ٴبولىمىنىڭ باس مامانى ازىرەت ەسەەۆ.

وعان قوسا، ەلىمىزدە پاتەر يەلەرى كووپەراتيۆتەرىن تەزگە سالاتىن زاڭ قابىلدانۋى مۇمكىن. ولاردىڭ ٴىسى حالىققا بارىنشا ايقىن بولۋى ٴۇشىن ٴاربىر 3 اي سايىن ەسەپ بەرەدى. ٴتىپتى، قورىتىندىسى ٴاربىر پاتەر يەلەرى كووپەراتيۆىنىڭ سايتىندا جاريالانباق. ويتكەنى بۇل ۇيىم ەشقانداي قۇزىرەتتى ورگانعا باعىنبايتىن كورىنەدى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي