kegoc ەل تاريحىنداعى ەڭ اۋقىمدى جوبانى ىسكە اسىرۋدا

استانا. 20 مامىر. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا ٴباسپاسوز ٴماسليحاتىن وتكىزگەن "kegoc" اق باسقارما ٴتوراعاسى باقىتجان قاجيەۆ قازىرگى ۋاقىتتا ەلباسىنىڭ تىكەلەي تاپسىرماسىمەن «نۇرلى جول» مەملەكەتتىك باعدارلاماسى شەڭبەرىندە ەل تاريحىنداعى ەڭ اۋقىمدى «500 كۆ سولتۇستىك – شىعىس – وڭتۇستىك ٴاج ٴترانزيتىن سالۋ» جوباسىن ىسكە اسىرىپ جاتقاندىعىن ايتتى، - دەپ حابارلايدى baq.kz ٴتىلشىسى.

«ونىڭ i-كەزەڭى – 500كۆ ەكىباستۇز – سەمەي – وسكەمەن ٴاج-نى سالۋ. وسى اتالعان جەلىنى ىسكە قوسۋ «سولتۇستىك – شىعىس» باعىتىنداعى جەلىلەردىڭ وتكىزۋ قابىلەتىن ايتارلىقتاي ارتتىرادى. شىعىس قازاقستان وبلىسىنىڭ تۇتىنۋشىلارى تىكەلەي قازاقستاننىڭ ەلەكتر ەنەرگياسىمەن قامتاماسىز ەتىلەتىن بولادى. سونىڭ ناتيجەسىندە قازىرگى ۋاقىتتاعىداي رەسەي اۋماعى ارقىلى وتەتىن بۇگىندە پايدالانىلىپ وتىرعان ترانزيتتىك جەلىلەردىڭ جاي-كۇيىنە تاۋەلدى بولمايدى. بولاشاقتا وسى جوعارى ۆولتتىق جەلى ەرتىس گەس كاسكادىنان تولىق قۋات بەرۋدى قامتاماسىز ەتۋ ٴۇشىن جاعدايلار جاسايدى» دەيدى ول.

ايتا كەتەيىك، وسى كۇندەرى 500كۆ ەكىباستۇز – سەمەي – وسكەمەن ٴاج-نى سالۋ شەڭبەرىندە جالپى ۇزىندىعى 500 كۆ 600 كم جەلىنىڭ 520،8 كم جەلىسى سالىنىپ بىتكەن. 500 كۆ «سەمەي» قس-دا كىرە بەرىس جولىمەن 220 كۆ «سەمەي – ٴشۇلبى گەس» ٴاج-ى جەلىسىنىڭ قۇرىلىسى بويىنشا جالپى ۇزىندىعى 106 كم-نىڭ 60،7 كم سالىنعان. سونداي-اق، 500 كۆ «سەمەي» قس، 500 كۆ «وسكەمەن» قس مەن 1150 كۆ «ەكىباستۇز» قس-دا قۇرىلىس-مونتاجداۋ جۇمىستارى جۇرگىزىلۋدە.

«ال جوبانىڭ ii-كەزەڭىن ىسكە اسىرۋ، 500كۆ سەمەي – اقتوعاي – تالدىقورعان – الما ٴاج-نى سالۋ جوباسىن اعىمداعى جىلى باستالدى. ەكىنشى كەزەڭنىڭ جۇمىستارىن اياقتاۋ ۇەت-تىڭ ترانزيتتىك الەۋەتىن ارتتىرۋعا مۇمكىندىك بەرەدى، تەمىرجولداردىڭ ەلەكترلەندىرىلەتىن ۋچاسكەلەرىنىڭ ەلەكتر ەنەرگياسىنا دەگەن قاجەتتىلىگىن جابادى. تاۋ-كەن ونەركاسىبى وبەكتىلەرىنىڭ ەنەرگيا سىيىمدىلىعىن قامتاماسىز ەتۋمەن قاتار، شەكارالاس ايماقتار مەن جاڭارتىلاتىن ەنەرگيا كوزدەرىن دامىتۋ ٴۇشىن قولايلى جاعدايلار جاسالادى. بۇل قازىرگى تاڭدا قازاقستاندا جۇزەگە اسىرىلىپ جاتقان «جاسىل ەكونوميكاعا» كوشۋ تۇجىرىمداماسىنداعى ەڭ وزەكتى ماسەلەلەردىڭ ٴبىرى. سونداي-اق، شىعىس ايماعىنىڭ قازاقستاننىڭ ٴبىرتۇتاس ەلەكتر جۇيەسىمەن بايلانىسىن كۇشەيتە تۇسەدى» دپ اتاپ ٴوتتى ٴوز مالىمدەمەسىندە باقىتجان تولەۋقاجى ۇلى.

ەستەرىڭىزگە سالا كەتەيىك، ٴتوراعا ايتىپ وتكەن الىپ جوبانىڭ الەۋمەتتىك ماڭىزى دا زور. سوندىقتان دا، قۇرىلىس جۇمىستارى جۇرگىزىلەتىن كەزەڭدە 1 861 جاڭا جۇمىس ورنى اشىلعان.

نۇرلىبەك دوسىباي
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!