قازاقستاننىڭ شىعىسىندا حالىقارالىق اۋەجاي سالىنادى

استانا. 6 قازان. baq.kz – شىعىس قازاقستان وبلىسى قاتون-قاراعاي اۋدانىندا حالىقارالىق اۋەجاي سالىنادى دەپ جوسپارلانۋدا دەپ حابارلايدى وبلىستىڭ اقپارات ورتالىعى.

بۇل اۋە ايلاعى شىعىستاعى بەسىنشى اۋەجاي بولادى. جوبانى سالۋداعى ماقسات – قاتون-قاراعايدىڭ قىزمەت كورسەتۋ ساپاسىن جاقسارتىپ، تۋريستەردىڭ كوپتەپ كەلۋىنە جاعداي جاساۋ.

اقپارات ورتالىعىنىڭ مالىمەتىنە سۇيەنسەك، اۋەجاي اكىمشىلىگى حالىقارالىق رەيستەردى ۇيىمداستىرۋدى ۇلكەن نارىن اۋىلىندا جۇزەگە اسىرماقشى. ال قازىرگى ۋاقىتتا تەحنيكالىق-ەكونوميكالىق نەگىزدەمەسى دايىن تۇر، ەندى تەك اتالعان جوبانىڭ سمەتاسىن ازىرلەۋ قالدى دەيدى ولار.

اۋدان اكىمىنىڭ ايتۋىنشا، قاتون-قاراعاي تابيعاتىنىڭ ەرەكشەلىگى تۋريزم ينفراقۇرىلىمىن دامىتۋعا مۇمكىندىك بەرەدى. «تۋريستەر مەن قوناقتارعا ساپالى قىزمەت كورسەتۋ ٴۇشىن اۋەجايدىڭ قۇرىلىسىن دا، ديزاينىن دا قازىرگى زامانعى تالاپقا ساي جۇرگىزىلۋى قاجەت»، - دەيدى ول.

ايتا كەتەيىك، وسى جىلى قاتوڭ-قاراعايدىڭ تابيعاتىن تاماشالاۋ ٴۇشىن 15 مىڭنان استام تۋريست كەلگەن. بۇل 2014 جىلمەن سالىستىرعاندا 3،1 پايىزعا ارتىق. سونداي-اق، كاتون-قاراعاي مەملەكەتتىك ۇلتتىق تابيعي پاركىنىڭ وڭتۇسiك-شىعىسىندا ورنالاسقان بەلۋحينسكايا دەمالىس ايماعى تۋريستەردىڭ قىزىعۋشىلىعىن تۋدىرىپ وتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!