استانا: 
829 
0
استانا. 14 قازان. baq.kz – ەلىمىزدە 2020 جىلعا دەيىن رەسپۋبليكالىق ماڭىزى بار 7 مىڭ شاقىرىم اۆتوموبيل جولدارىنا اقىلى جۇيە ەنگىزىلەدى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن ٴباسپاسوز ماجىلىسىندە «قازاۆتوجول» ۇك اق ٴتوراعاسىنىڭ ورىنباسارى ۇلان ٴالىپوۆ ايتتى.
– 2020 جىلعا دەيىن رەسپۋبليكالىق ماڭىزى بار 7000 شاقىرىم اۆتوموبيل جولدارىنا اقىلى جۇيە ەنگىزىلەدى. تەك قايتا قالپىنا كەلتىرىلگەن جانە كۇردەلى جوندەۋدەن وتكەن جول بولىمشەلەرى عانا اقىلى بولادى. 2016 جىلى استانا-اتباسار جانە قىزىلوردا-شىمكەنت اۆتوكولىك جولدارىنا بارلىق كولىك تۇرلەرىنە اقىلى جۇيە ەنگىزىلەدى. ال جەڭىل اۆتوكولىكتەرگە 3،6 جانە 12 ايعا ابونومەنتتىك تولەم قاراستىرىلادى، – دەيدى ۇلان ٴالىپوۆ.
«قازاۆتوجول» كومپانياسىنىڭ ٴتوراعاسىنىڭ ورىنباسارى جول جيەگىندەگى قىزمەت كورسەتۋ سەرۆيستەرىنە دە توقتالىپ ٴوتتى.
– ۇلتتىق وپەراتور رەسپۋبليكالىق اۆتوكولىك جولدارىن باسقارۋ بويىنشا قازاقستان رەسپۋبليكاسىنىڭ رەسپۋبليكالىق ماڭىزداعى اۆتوجول جيەكتەرىندەگى سەرۆيستەردى دامىتۋ باعدارلاماسىنىڭ 2020 جىلعا دەيىنگى جوباسىن جاساپ، قازىردە بارلىق مۇددەلى مەملەكەتتىك مەكەمەلەردىڭ كەلىسىمى كۇتىلۋدە. باعدارلاماعا ساي 200 سەرۆيستىك نىسان سالىنىپ، 2000 جاڭا جۇمىس ورنى اشىلادى، – دەيدى ول.
بەك تولەۋوۆ
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2434
0