استانا: 
1008 
0
استانا. 17 ناۋرىز. baq.kz - بۇل تۋرالى بۇگىن ورتالىق كوممۋنيكاسيالار قىزمەتىندە وتكەن ٴباسپاسوز ماجىلىسىندە قر ينۆەستيسيا جانە دامۋ مينيسترلىگىنىڭ كولىك كوميتەتى ٴتوراعاسىنىڭ ورىنباسارى دميتريي پوتلوۆ مالىمدەدى.
«قازىرگى ۋاقىتتا قازاقستاندا 6 حالىقارالىق كولىك ٴدالىزى قالىپتاسىپ، جۇمىس جاساۋدا. حالىقارالىق كولىك دالىزدەرىن دامىتۋ ەكونوميكالىق ٴوسۋدىڭ، وڭىرلەر اراسىنداعى ساۋدا وپەراسيالارى مەن بايلانىستى وڭايلاتۋدىڭ ماڭىزدى قۇرامداس بولىگى بولىپ سانالادى. بۇل ٴۇشىن قازاقستان كولىك ينفراقۇرىلىمىن جاقسارتۋ جونىندە جۇمىس اتقارىپ جاتىر. سونىڭ ناتيجەسىندە قازاقستان 2015 دۇنيەجۇزىلىك ەكونوميكالىق فورۋمنىڭ جاھاندىق باسەكەلەستىككە قابىلەتتىلىك رەيتينگىندە 30 ساتىعا كوتەرىلدى. ياعني الەمدەگى 140 ەلدىڭ ىشىندە ٴ88-شى ساتىدان ٴ58-شى ورىنعا جوعارىلادى»، – دەيدى دميتريي پوتلوۆ.
كوميتەت ٴتوراعاسى ورىنباسارىنىڭ ايتۋىنشا قۇرىق پورتىندا قۋاتى 4 ميلليون توننا پارومدىق كەشەن سالۋ جوباسى جۇزەگە اسىرىلىپ جاتىر ەكەن.
«2015 جىلى ۋاقىتشا پايدالانۋىلعا بەرىلگەن جەزقازعان – بەينەۋ تەمىرجول جەلىسىنىڭ پايداسى زور بولدى. بۇل تەمىرجولدىڭ ارقاسىندا دوستىق جانە التىنكول ستانسيالارىننان اقتاۋ تەڭىز پورتىنا دەيىنگى تاسىمالداۋ قاشىقتىعى 1036 شاقىرىمعا دەيىن قىسقاردى. سول ارقىلى قىتاي مەن ەۋروپا ەلدەرى باعىتىنداعى جۇكتەردى قازاقستان اۋماعى ارقىلى تەمىرجولمەن تاسىمالداۋعا مۇمكىندىك اشىلدى. اقتاۋ تەڭىز پورتىن سولتۇستىك باعىتتا كەڭەيتۋ جوباسى اياسىندا قۇرىق پورتىندا قۋاتى 4 ميلليون توننا پارومدىق كەشەن سالۋ جوباسى قولعا الىندى. مۇنىڭ سىرتىندا بورجاقتى – ەرساي تەمىرجول قۇرىلىسىن سالۋ جۇمىستارى جۇرگىزىلۋدە. سول ارقىلى سالىنىپ جاتقان پاروم تەرمينالىن تەمىرجول ماگيسترالىمەن قوسۋعا مۇمكىندىك تۋادى»، – دەيدى ول.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2434
0