ق.توقايەۆ: ٴبىزدىڭ باستى ماقساتىمىز – مەملەكەت باسشىسى جولداۋىن زاڭنامالىق تۇرعىدا قامتاماسىز ەتۋ

استانا. 17 قازان. baq.kz بۇگىن قاسىم-جومارت توقايەۆتىڭ ٴتوراعالىق ەتۋىمەن قازاقستان رەسپۋبليكاسى پارلامەنتى سەناتى بيۋروسىنىڭ وتىرىسى بولدى دەپ حابارلايدى قازاقستان رەسپۋبليكاسى پارلامەنتى سەناتىنىڭ ٴباسپاسوز قىزمەتى.

سەنات ٴتوراعاسى پرەزيدەنت ن.نازاربايەۆتىڭ قازاقستان حالقىنا جولداۋىن ىسكە اسىرۋعا بايلانىستى مىندەتتەرگە بيۋرو مۇشەلەرى مەن پالاتا اپپاراتى قىزمەتكەرلەرىنىڭ نازارىن اۋداردى. «جولداۋدا العا قويىلعان كۇردەلى جانە ماڭىزدى مىندەتتەردى قىسقا مەرزىم ىشىندە، ال كەيبىر ماسەلەلەردى شۇعىل تۇردە ورىنداۋ قاجەت بولادى. سوندىقتان، ٴبىزدىڭ الداعى باستى ماقساتىمىز – ەلباسىنىڭ ستراتەگيالىق ماڭىزى بار «نۇرلى جول» قۇجاتىنداعى تاپسىرمالاردى زاڭنامالىق تۇرعىدان قامتاماسىز ەتۋ»، - دەپ اتاپ ٴوتتى ق.توقايەۆ.

بيۋرودا پارلامەنت ماجىلىسىندە ماقۇلدانعان زاڭ جوبالارى سەناتتىڭ تۇراقتى كوميتەتتەرى مەن اپپاراتىنا بەرىلدى.

قازاقستان ازاماتتارىنىڭ بەلارۋس اۋماعىندا جانە بەلارۋس ازاماتتارىنىڭ قازاقستان اۋماعىندا بولۋ ٴتارتىبى تۋرالى قازاقستان مەن بەلارۋس اراسىنداعى كەلىسىمدى راتيفيكاسيالاۋ تۋرالى زاڭ جوباسى ودان ٴارى پىسىقتاۋ ٴۇشىن كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنە بەرىلدى.

«قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى (يرريگاسيالىق جانە درەناجدىق جۇيەلەردى جەتىلدىرۋ جونىندەگى جوبانىڭ ەكىنشى فازاسى) راتيفيكاسيالاۋ تۋرالى» بويىنشا اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتى باس كوميتەت بولىپ بەلگىلەندى.

بيۋرودا 2014 جىلعى 20 قاراشادا بولاتىن سەناتتىڭ كەزەكتى وتىرىسىنىڭ كۇن ٴتارتىبى تالقىلاندى. وتىرىستا: «قازاقستان رەسپۋبليكاسى مەن يتاليا رەسپۋبليكاسى اراسىنداعى سوتتالعان ادامداردى بەرۋ تۋرالى شارتتى راتيفيكاسيالاۋ تۋرالى»; «قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى ديپلوماتيالىق وكىلدىكتەردىڭ عيماراتتارىن سالۋ ٴۇشىن جەر ۋچاسكەلەرىن ٴوزارا بەرۋ تۋرالى كەلىسىمدى راتيفيكاسيالاۋ تۋرالى»; «دامۋعا رەسمي كومەك تۋرالى»; «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دامۋعا رەسمي كومەك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سالىق سالۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» (ٴبىرىنشى وقىلىم) زاڭ جوبالارىن قاراۋ كوزدەلىپ وتىر. سونداي-اق حالىقارالىق پارلامەنتتىك ۇيىمدار مەن سەناتتىڭ شەت مەملەكەتتەرىنىڭ پارلامەنتتەرىمەن ىنتىماقتاستىق توپتارىنا سەنات دەپۋتاتتارىن جىبەرۋ تۋرالى ماسەلە دە تالقىلاناتىن بولادى. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!