ىشكى ىستەر ٴمينيسترى «نۇرلى جول» باعدارلاماسىنىڭ نىساندارىن ارالادى - نۇرلى جول|22 اقپان 2017، 12:14
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ىشكى ىستەر ٴمينيسترى «نۇرلى جول» باعدارلاماسىنىڭ نىساندارىن ارالادى

مەملەكەت باسشىسى ن.ٴا.نازاربايەۆتىڭ «قازاقستاننىڭ ٴۇشىنشى جاڭعىرۋى – جاھاندىق باسەكەلەستىك» اتتى قازاقستان حالقىنا ارناعان جولداۋىن ٴتۇسىندىرۋ ٴۇشىن ىشكى ىستەر ٴمينيسترى الماتى وبلىسىندا بولدى، دەپ حابارلايدى baq.kz.

مينيستر الدىمەن وبلىس اكىمى اماندىق باتالوۆتىڭ تۇرعىندارمەن ەسەپتىك كەزدەسۋىنە قاتىستى، وندا مەملەكەت باسشىسى جولداۋىنىڭ نەگىزگى باعىتتارى تالقىلاندى.

قازاقستان رەسپۋبليكاسى ٴىىم-نىڭ ٴباسپاسوز قىزمەتىنىڭ مالىمەتىنشە، كەزدەسۋ سوڭىندا ق.قاسىموۆ «نۇرلى جول» باعدارلاماسىنىڭ ٴبىرقاتار نىساندارىن ارالاپ، قۇرىلىستى ىسكە اسىرۋ بارىسىمەن تانىستى.

مينيستر سونداي-اق، وبلىستىق ٴىىد-نىڭ جەكە قۇرامىمەن كەزدەسىپ، قۇقىق قورعاۋ ورگاندارىنىڭ ازاماتتاردىڭ قۇقىعى مەن قاۋىپسىزدىگىن قامتاماسىز ەتۋ باعىتىنداعى مىندەتتەرىنە جەكە-جەكە توقتالدى. وڭىردەگى ىشكى ىستەر ورگاندارىنىڭ ٴبىرقاتار نىساندارىندا بولىپ، پوليسيا بولىمشەلەرىنىڭ جۇمىسىمەن تانىسىپ شىقتى.

«مەملەكەت باسشىسى ەكونوميكاداداعى، الەۋمەتتىك سالاداعى كەڭ اۋقىمدى مىندەتتەر مەن ماقساتتاردى ايقىنداپ بەردى. وسى ماقساتتاردى جۇزەگە اسىرۋ – ٴارقايسىمىزعا لايىقتى ٴومىر ٴسۇرىپ، ازاماتتىق جانە قىزمەتتىك پارىزداردى ورىنداۋعا مۇمكىندىك بەرەدى. العا قويعان جوسپارلاردى ورىنداۋ ارقىلى ەل دامۋىنا لايىقتى ۇلەسىمىزدى قوساتىنىمىزعا سەنىمدىمىن»، – دەدى قر ىشكى ىستەر ٴمينيسترى ق.قاسىموۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي