استانا: 
1028 
0
استانا. 13 قاراشا. baq.kz – پرەزيدەنتتىڭ 11 قاراشاداعى جولداۋى قانشالىقتى قارقىندى جانە كۇتپەگەن جەردەن بولسا، اتقارىلاتىن جۇمىستاردىڭ سونشالىقتى ماڭىزىن جانە اسا جاۋاپكەرشىلىكپەن، جىلدام، ناتيجەلى ورىندالۋى كەرەكتىگىن كورسەتىپ وتىر دەيدى قر پارلامەن ٴماجىلىسىنىڭ دەپۋتاتى الماس تۇرتايەۆ.
- سوڭعى ۋاقىتتارداعى الەمدىك ەكونوميكالىق احۋال، گەوساياسي داعدارىستار، شيكىزات رەسۋرستارىنا الەمدىك نارىقتاعى باعانىڭ تومەندەۋى جاڭا سىناقتار مەن جاڭا ەكونوميكالىق تالاپتارمەن بەتتەستىرىپ وتىر. كۇنى كەشەگى ەلباسىنىڭ قازاقستان حالقىنا جولداۋى الەمدىك ەكونوميكالىق احۋالدان تۋعان ازاماتتارىمىزدىڭ كوكەيلەرىندەگى سۇراقتارعا ناقتى جاۋاپ بولدى. پرەزيدەنت الداعى جىلداردى جان-جاقتى ەكونوميكالىق ساراپتاي وتىرىپ، نەگىزگى باعىتتاردى ايقىنداپ، جاڭا ەكونوميكالىق ساياساتتى جاريالادى. ەكونوميكالىق سىني كەزەڭدەردە بانك سەكتورىنا ۇنەمى مەملەكەتتىك قولداۋ كورسەتىلىپ كەلەدى. سوندىقتان دا بولار، مەملەكەت باسشىسى شاعىن جانە ورتا بيزنەستى ەكونوميكامىزدىڭ كۇرەتامىرىنا اينالدىرۋ ماقساتىنداعى جۇمىستارعا جاڭا قارقىن بەرە وتىرىپ، كاسىپكەرلىكتى جەڭىلدىكپەن نەسيەلەۋ قاجەتتىلىگىن باسا ايتتى. كولىكتىك-لوگيستيكالىق ينفراقۇرىلىمداردى دامىتۋدىڭ كەشەندى جوسپارى، يندۋستريالىق جانە ەنەرگەتيكالىق ينفراقۇرىلىمداردى دامىتۋداعى ماقساتتارىمىز ەكونوميكالىق قانا ەمەس سونىمەن قاتار الەۋمەتتىك تە جاڭا سەرپىن بەرەرى ٴسوزسىز. الەۋمەتتىك ينفراقۇرىلىم، تۇرعىن ٴۇي ينفراقۇرىلىمىن نىعايتۋ، باسپانا ماسەلەسى جانە ونىڭ قاتارداعى ازاماتتارىمىزعا، اسىرەسە جاستارىمىزعا قول جەتىمدىلىگىن قامتاماسىز ەتۋگە بايلانىستى ەلباسى تالاپتارىن ەرەكشە جاۋاپكەرشىلىكپەن جانە تولىق ورىندالۋى كەرەك. ٴبىز ٴوز كەزەگىمىزدە دايىنبىز - دەيدى حالىق قالاۋلىسى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2440
0