ەل وركەندەۋىنە ٴوز ۇلەسىن قوسۋ بارشا ازاماتتىڭ پارىزى - نۇرلى جول|23 جەلتوقسان 2015، 09:52
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەل وركەندەۋىنە ٴوز ۇلەسىن قوسۋ بارشا ازاماتتىڭ پارىزى

استانا. 23 جەلتوقسان. baq.kz - ەلباسى نۇرسۇلتان نازاربايەۆ ٴوز جولداۋىندا بۇگىنگى تاڭدا الەم­دىك احۋالدىڭ كۇردەلى كەزەڭمەن ۇشتاسىپ وتىرعانىن، وسىنداي اسا جاۋاپتى ساتتە بىرلىكتىڭ ساقتا­لۋى اسا ماڭىزدى ەكەنىن، ەل يگىلىگى ٴۇشىن ايانباي ەڭبەك ەتۋدىڭ ٴرولى زور ەكەنىن ايتتى. جولداۋ وتاندىق تەلەارنالار ارقىلى تىكەلەي ەفيردە كورسەتىلگەندىكتەن، مەملەكەت باسشىسى ەلىمىزدىڭ ٴاربىر تۇرعىنىمەن تىلدەسىپ وتىرعانداي، ٴوز ٴسوزىن حا­لىقتىڭ بارلىق بۋىنىنا ارنادى.

بۇگىنگى جاھاندىق داع­دا­رىس­­­قا بايلانىستى بۇكىل الەم­دىك نارىقتىڭ بارلىعى دا تۇ­راقسىزدىق سيپاتىندا تۇرعانىن، مىسالى، قارجىلىق، كومىرسۋتەكتىك، ازىق-تۇلىكتىك جانە باسقالارى دا تۇراقسىز، قۇبىلىپ تۇرعانىن ەسكە سالدى. دەگەنمەن، جاھاندىق داعدارىس قاشاندا قيىندىقتار تۋعىزاتىنىن، سونىمەن قاتار، جا­ڭا مۇمكىندىكتەر اشۋعا الىپ باراتىنىن جەتكىزدى.

مەملەكەت باسشىسى جاھاندىق داعدارىستىڭ جاڭا تولقىنى بولاتىنىن بىرنەشە رەت ەسكەرتكەنىن ايتا كەلىپ، سوعان وراي، قازاقستان العاش رەت الدىن الا ارەكەت ەتۋدىڭ داعدارىسقا قارسى ستراتەگياسىن قولدانىپ وتىرعانىن مالىمدەدى.

اتاپ ايتقاندا، ەلىمىزدە ين­دۋستريالىق-يننوۆاسيالىق دا­مۋدىڭ ەكىنشى بەسجىلدىعى باس­تالدى. سونىمەن قاتار، ينفرا­قۇرىلىمدىق دامۋدىڭ «نۇرلى جول» مەملەكەتتىك باعدارلاماسى قابىلداندى. سونداي-اق، بەس ينستيتۋتتىق رەفورما بويىنشا ٴبىز «100 ناقتى قادام» ۇلت جوس­پا­رىن جۇزەگە اسىرۋدامىز. سوعان بايلانىستى بيىل پارلامەنت 1 قىر­كۇيەكتەن باستاپ 60-تان استام زاڭ جوباسىن قاراپ، قابىلدادى. سونىڭ باسىم بولىگىنە مەملەكەت باسشىسى قول قويدى.

«ٴبىرىمىز ٴبارىمىز ٴۇشىن، ٴبارىمىز ٴبىرىمىز ٴۇشىن» دەگەن قاعيدانى ۇس­تا­نىپ، ەڭبەك ەتسەك، جەڭبەي­ٴتىن قيىن­دىعىمىز بولمايتىنى انىق. ەلباسى 1990 جىلدا­رى تاۋەلسىزدىگىن جاڭا العان ەلى­ٴمىزدىڭ قارجى داعدارىسىنان، باس­­قا دا قيىندىقتاردان قالاي شىعا بىلگەنىن، سول كەزەڭنىڭ ٴوزىن­دە ايرىقشا جوبالاردى ىسكە اسىرعانىمىزدى اتاپ ٴوتتى.

بيىل 31 قازاندا «مەملەكەتتىك-جەكەشەلىك ارىپتەستىك تۋرالى» جاڭا زاڭ قابىلداندى. وسى زاڭ مەم­­لەكەت-جەكەمەنشىك ٴارىپ­تەس­تىگىنىڭ قۇقىقتىق جاعداي­لارىن، ونىڭ جۇزەگە اسىرىلۋ ٴتا­سىلدەرىن ايقىندايدى جانە مەملە­كەت­-جەكەمەنشىك ارىپتەستىگى جوباسىن دايىنداۋ مەن ىسكە اسىرۋ، مەم­لەكەت-جەكەمەنشىك ارىپتەستىگى شارتىن جاساسۋ، ورىنداۋ جانە توقتاتۋ ۇدەرىسىندە تۋىندايتىن قو­عامدىق قاتىناستاردى رەتتەيدى.

زاڭ بەس ينستيتۋتتىق رەفورمانى جۇزەگە اسىرۋ جونىندەگى «100 ناقتى قادام» ۇلت جوسپارىن ىسكە اسىرۋعا جانە ينفراقۇرىلىم مەن حالىقتىڭ تىرشىلىگىن قامتاماسىز ەتۋ جۇيەسىن دامىتۋ ٴۇشىن ەل ەكونوميكاسىنا ينۆەستيسيالار تارتۋ ارقىلى تۇراقتى الەۋمەتتىك-ەكونوميكالىق دامۋدى قامتاماسىز ەتۋ ماقساتىمەن مەملەكەت پەن جەكە بيزنەستىڭ ٴوزارا ٴىس-قيمىل شارتتارىن ايقىنداۋعا باعىتتالعان.

وسى جولداۋىندا ەلباسى مەملەكەت-جەكەمەنشىك ارىپتەس­تىگىنىڭ قوعامعا كىرىگۋىنە الماتى وبلىسىندا جاقسى جۇ­مىستار ات­قارىلىپ جاتقانىن اتاپ ٴوتتى. سونداي-اق، 30 قاراشا كۇنى قا­زاقستاننىڭ دۇنيەجۇزىلىك ساۋدا ۇيىمىنىڭ تولىققاندى مۇشەسى بولىپ قابىلدانعانىن جاريا ەتتى. ول – قۇرامىنا الەمنىڭ 160-تان استام ەلى ەنگەن ۇلكەن حالىقارالىق ۇيىم.

بۇل وقيعانىڭ حالقىمىز ٴۇشىن، تاۋەلسىز قازاقستان ٴۇشىن ەل تا­ريحىنداعى ماڭىزدى كەزەڭ بولىپ سانالاتىنى ٴسوزسىز. ويتكەنى، حالىقارالىق ساۋدا كولەمىندە ەلىمىز وزىنە ۇلكەن مىندەتتەمەلەر الىپ وتىر، جاڭا مۇمكىندىكتەرگە قول جەتكىزەدى. ساپالى ٴارى بىرە­گەي قازاقستاندىق تاۋارلار حا­لىقارالىق نارىققا شىعادى، ول ٴۇشىن ونىمدەرىمىز الەمدىك باسەكەگە قابىلەتتى بولۋى ٴتيىس.

اقشا-قارجى سالاسىنا ارنايى توقتالعان ەلباسى وتاندىق بانك­تەر حالىقارالىق دەڭگەيگە سايكەس جۇمىس ىستەۋى قاجەت ەكەنىن ايتتى. سونداي-اق، دوللارعا تاۋەلدى بولماي، ٴتول تەڭگەمىزبەن ٴومىر سۇرۋگە شاقىردى. شىنىمەن دە، كۇندەلىكتى قاجەتتى بارلىق تاعام­داردى، كيەتىن كيىمدەرىمىزدى تەڭگەگە الامىز. بۇل «مەن – قا­زاقستان ازاماتىمىن!» دەيتىن ەلىمىزدىڭ ٴاربىر تۇرعىنىنا ارناعان ٴسوز دەپ ويلايمىن. ۇلتتىق ٴسالت-داستۇرىن، مادەني قۇندىلىقتارىن، ۇلتتىق ۆاليۋتاسىن قادىرلەمەيتىن ەل بولمايدى. ەندەشە، ٴبارىمىز دە ٴوز بايلىعىمىز بەن بەرەكەمىزدى قورعاپ، ونى وركەندەتە تۇسكەنىمىز ٴجون.

ۇكىمەتتىڭ الدىنا جاڭا ٴمىن­­­­­­­دەتتەر قويىلدى. ەلباسى نۇرسۇلتان نازاربايەۆ ۇكىمەتكە 2016 جىلدىڭ i توقسانىنىڭ سوڭىنا دەيىن «جۇمىسپەن قامتۋدى» جاڭا جول كارتاسىن ازىرلەۋدى تاپسىردى. بۇل جاڭا باعدارلاما وسىناۋ قيىن كەزەڭدە جۇرتشىلىققا الەۋمەتتىك قولداۋدى كەڭەيتۋ ماقساتىندا ازىرلەنەتىنىن، وندا جەرگىلىكتى ينفراقۇرىلىمداردى، اۋىلدىق اۋماقتاردى دامىتۋ ناتيجەسىندە ەڭبەك نارىعىنىڭ ورنىقتىلىعى ساقتالىپ قالاتىنى اتاپ ٴوتىلدى.

ەلباسى، سونىمەن قاتار، سا­لىق ماسەلەسىنە توقتالدى. 2017 جىلى قازىرگى قوسىمشا قۇن سالىعىنىڭ ورنىنا ساتۋدان تۇسەتىن سالىق ٴتۇرىن ەنگىزۋ قاجەتتىگىن ۇسىندى، ٴتيىمسىز سالىقتىق جەڭىلدىكتەردىڭ بارلىعىنان باس تارتقانىمىز ٴجون ەكەنىن ەسكەرتتى. وسى ورايدا، سالىق جۇيەسىن وڭتايلاندىرىپ، سالىقتىڭ تەك ٴۇش ٴتۇرىن قالدىرۋدى ۇسىندى. وسى ورايدا، ۇكىمەتتىڭ باستى مىندەتى سالىق جۇيەسىنىڭ اشىقتىعىن قامتاماسىز ەتۋ ەكەنىن اتاپ ٴوتتى.

تاۋەلسىزدىك العاننان بەرى قول جەتكىزگەن تابىستارىمىز از ەمەس. ەلباسى 1 300-دەن استام دەنساۋلىق ساقتاۋ نىسانى، 1700-دەن استام ٴبىلىم بەرۋ وشاعى سا­لىنعانىن مىسالعا كەلتىردى. ەلىمىزدە بارلىق سالا بويىنشا قارقىندى دامۋ جۇزەگە استى. سوعان وراي، حالىقتىڭ تۇرمىسى مەن دەنساۋلىعى جاق­ساردى، جاعدايى كوتەرىلدى. ٴبىر عانا مىسال، قازاقستاندىقتاردىڭ ورتاشا ٴومىر جاسىنىڭ ۇزاقتىعى 72-دەن اسىپ وتىر. «مۇنى ەڭ نەگىزگى جەتىستىك دەپ ساناۋعا بولادى. 10 جىلدىڭ ىشىندە 64 جاستان 72-گە دەيىن بۇكىل حالىقتىڭ ورتاشا ٴومىرىن ۇزارتۋ ەشبىر ەلدە كەز­دەسكەن جوق شىعار»، – دەدى ن.نازاربايەۆ.

بيىل ەلىمىز تاۋەلسىزدىگىن العانىنا 24 جىل تولىپ وتىر. تاۋەلسىزدىكتى باياندى ەتۋ وعان قول جەتكىزۋدەن دە قيىن ەكەنىن وسى جىلدار ىشىندە ٴبىز كورىپ-بىلگەنىمىزدى، مەملەكەتىمىز­ٴدىڭ تۇعىرىن مىزعىماستاي ەتۋ ٴۇشىن بىزگە ٴالى تالاي وتكەلى كۇردەلى، بۇ­رالاڭى كوپ جولداردان وتۋگە تۋ­را كەلەتىنىن ايتا كەلىپ، ەلباسى ن. نازاربايەۆ: «ٴبىزدىڭ ماقساتىمىز – ەلى باقىتتى، جەرى گۇلدەنگەن وتانىمىز قازاقستاندى ماڭگىلىك ەل ەتۋ»، – دەدى.

مەملەكەت باسشىسىنىڭ جاڭا جولداۋى الداعى جاڭا بەلەس­تەر باستاۋى بولماق. وسى جولدا ەڭبەك ەتىپ، تاۋەلسىز مەملەكەتىمىزدىڭ وركەندەۋىنە ٴوز ۇلەسىن قوسۋ بارشا ازاماتتىڭ پارىزى دەپ بىلەمىن.

ٴاليحان تويبايەۆ،

پارلامەنت ٴماجىلىسىنىڭ دە­­پۋ­تاتى،

«نۇر وتان» پار­­تياسى فراكسياسىنىڭ مۇشەسى 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي