«ەكىباستۇز-سەمەي-وسكەمەن» جوعارى ۆولتتى جەلىنىڭ قۇرىلىسى باستالدى

استانا. 13 قازان. baq.kz - «نۇرلى جول - بولاشاققا باستار جول» باعدارلاماسى اياسىندا ايماقتا 2015 جىلعا «شق رەك» اق جالپى كۇنى 3،9 ملرد تەڭگەگە ەلەكترتاسىمالداۋ جۇيەلەرىن جوندەۋدەن وتكىزۋدى، جاڭعىرتۋدى، قايتا جوندەۋدى جوسپارلاپ وتىر. سونداي-اق، ۇزىندىعى 1 559 شاقىرىمدىق «ەكىباستۇز-سەمەي-وسكەمەن» جوعارعى ٴۆولتتى جەلىسىنىڭ قۇرىلىسى باستالعان. 

بۇل تۋرالى كەڭەيتىلگەن اپپاراتتىق كەڭەس بارىسىندا ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى ايتقازى شەرۋبايەۆ بايانداپ، اتالعان جوبالاردى جۇزەگە اسىرۋ بارىسى باقىلاۋدا ەكەنىن اتاپ ٴوتتى، دەپ حابارلادى شقو اكىمدىگىنىڭ ٴباسپاسوز قىزمەتىنەن.

بۇگىنگى تاڭدا ايماق بويىنشا جوسپارلانعان جوبالاردىڭ ىشىندە 1 شاقىرىم ەلەكترتاسىمالداۋ جەلىسى سالىنعان، 110 شاقىرىمى قايتا جوندەۋدەن وتكەن جانە جاڭعىرتىلعان، 553 شاقىرىم ەلەكترتاسىمالداۋ جۇيەسى كۇردەلى جوندەۋدەن وتكەن.

بيىلعى جىلدىڭ باستى جوبالارىنىڭ ٴبىرى «kegoc» اق سالىپ جاتقان جالپى ۇزىندىعى 1 559 شاقىرىمدىق، ال شقو بويىنشا 865 شاقىرىمدى قۇرايتىن «ەكىباستۇز-سەمەي-وسكەمەن» جوعارعى ٴۆولتتى جۇيەسى بولىپ تابىلادى. جوبانىڭ شىعىس قازاقستان وبلىسى بويىنشا جالپى قۇنى 45،5 ملرد تەڭگەنى قۇرايدى.

ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنان حابارلاعانداي، جوبانىڭ نەگىزگى ماقساتى سولتۇستىك-شىعىس قيىلىسىنداعى وتكىزۋ قابىلەتىن ۇلعايتىپ، شىعىس قازاقستان وبلىسىندا رەسەي ٴبىرىڭعاي ەنەرگەتيكا جۇيەسى ارقىلى وتەتىن ەلەكتر قۋاتى ترانزيتىنە قاراماي، تاپشىلىقتىڭ ورنىن تولتىرۋدى قامتاماسىز ەتۋ بولماق.

سونداي-اق، وسكەمەن جانە سەمەي قالالارىندا تۇرعىن ۇي-كوممۋنالدىق شارۋاشىلىق ينفراقۇرىلىمىن جانە جىلۋ، سۋمەن قامتۋ جۇيەلەرىن جاڭعىرتۋ جۇمىستارى جالعاسىپ جاتىر.

جالپى، جىلۋمەن قامتۋ نىساندارىن جاڭعىرتۋ بويىنشا، جالپى سوماسى 2 111،5 ملن تەڭگەگە 12 جوبا ىسكە اسۋدا.

-جالپى العاندا «نۇرلى جول» باعدارلاماسىن جۇزەگە اسىرۋ جۇمىسى قارقىندى جۇرگىزىلۋدە. سەمەي قالاسىنا قاتىستى دا ٴبىرقاتار جۇمىستار اتقارىلعاندىعىنا كۇمانىم جوق، - دەدى وبلىس اكىمى دانيال احمەتوۆ. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!