BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

چەحيادا ەلباسىنىڭ جاڭعىرۋ رەفورمالارى تانىستىرىلدى

قازاقستان پرەزيدەنتى نۇرسۇلتان نازاربايەۆتىڭ جاڭعىرۋ رەفورمالارى پراگادا جۇمىسىن باستاعان «ەقىۇ اۋماعىندا يننوۆاسيا، ادام كاپيتالىن دامىتۋ، قوعامدىق جانە كورپوراتيۆتى جاقسى باسقارۋ ارقىلى ەكونوميكالىق دامۋ مەن قاۋىپسىزدىكتى نىعايتۋ» تاقىرىبىنا ارنالعان 26-شى ەقىۇ ەكونوميكا جانە قورشاعان ورتا فورۋمى بارىسىندا تانىستىرىلدى، دەپ حابارلايدى ۆaq.kz اقپارات اگەنتتىگى.

فورۋمنىڭ قورىتىندى وتىرىسى بيىل ۆەنا جانە ۆەنەسيادا بولعان دايىندىق جينالىستارىنىڭ نەگىزىندە ۇيىمداستىرىلدى جانە ٴىس-شارانىڭ سەسسيالارى بارىسىندا ۇكىمەت، جەكە سەكتور، ازاماتتىق قوعام وكىلدەرىمەن قاتار حالىقارالىق ساراپشىلار سيفرلىق ەكونوميكا داۋىرىندەگى مۇمكىندىكتەر، بيزنەس سەكتورىندا سيفرلىق قاۋىپسىزدىك، مەملەكەتتىك جانە كورپوراتيۆتى جاقسى باسقارۋدا سيفرلىق يننوۆاسيالار، سيفرلىق داۋىردە ادام كاپيتالى مەن ەكونوميكالىق ٴوزارا بايلانىستى ىلگەرىلەتۋ ماسەلەلەرى تالقىلاندى. وسىنىڭ نەگىزىندە بيىل ميلاندا جوسپارلانعان ەقىۇ سىرتقى ىستەر مينيسترلەر كەڭەسىندە ەكونوميكا جانە قورشاعان ورتا تاقىرىبىنا ارنالعان شەشىمدەر جوبالارىن قابىلداۋ مۇمكىندىگى قاراستىرىلدى.

فورۋمنىڭ اشىلۋ سەسسياسىندا مەملەكەت باسشىسىنىڭ «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىنداعى باسىمدىقتارىنا قازاقستان رەسپۋبليكاسىنىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى – ەقىۇ ەكونوميكا جانە ەكولوگيا كوميتەتىنىڭ ٴتوراعاسى قايرات سارىباي نازار اۋداردى.

يتاليا سىرتقى ىستەر جانە حالىقارالىق ىنتىماقتاستىق ٴمينيسترىنىڭ ورىنباسارى دجۋليەلمو پيككي سيفرلاندىرۋ ەقىۇ ٴۇشىن جاڭا تاقىرىپ بولعانىنا قاراماستان، ۇيىم وسى تاقىرىپتىڭ توڭىرەگىندە ٴوزىن جانداندىرا الاتىنىن مالىمدەدى. سونىمەن بىرگە، قازىرگى تاڭدا سيفرلاندىرۋ بيزنەستىڭ دامۋىنا ٴارى جاڭا دەڭگەيگە شىعۋىنا وڭ ىقپال ەتىپ جاتقانىن جانە جاڭا جۇمىس ورىندارىنىڭ اشىلۋىنا سەبەپكەر بولعانىن اتاپ ٴوتتى. سونداي-اق سيفرلاندىرۋدان تۋىندايتىن قاۋىپ-قاتەرلەرگە بايلانىستى ۇيىمعا مۇشە ەلدەردىڭ كەڭەسە بىرلەسە جۇمىس جۇرگىزۋدىڭ ماڭىزدىلىعى مەن قاجەتتىلىگىنە توقتالدى.

چەحيا سىرتقى ىستەر ٴمينيسترىنىڭ ورىنباسارى توماش پەتريچەك ەقىۇ ەكونوميكا جانە ەكولوگيا فورۋمىنىڭ ٴوزارا سەنىم جانە ديالوگ ورناتۋ تۇرعىسىنان ەرەكشە پلاتفورما بولعانىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي