ب.سۇلتانوۆ: "نۇرلى جول" قاراجاتىن يگەرۋ تۇراقتى ٴوسiپ كەلەدى

"نۇرلى جول" باعدارلاماسىنىڭ قاراجاتىن يگەرۋ قارقىنى تۇراقتى وسiمگە يە بولدى. بۇل تۋرالى بۇگiن ۇكiمەت وتىرىسىندا قر قارجى مينيسترi باقىت سۇلتانوۆ ايتتى.

"نۇرلى جول" قاراجاتىن پايدالانۋدى باقىلاۋ جالعاسۋدا. بيىلعى جىلدىڭ 7 ايىندا "نۇرلى جول" باعدارلاماسى بويىنشا جەڭiلدەتiلگەن نەسيە العان سالىق تولەۋشiلەردەن 20 ملرد تەڭگە كولەمiندە سالىق ٴتۇستi. بۇل - 2015 جىلدىڭ 12 ايىندا تۇسكەن قاراجاتتىڭ (32 ملرد تەڭگە) شامامەن 60 پايىزى"، - دەدi ب.سۇلتانوۆ.

ونىڭ ايتۋىنشا، "نۇرلى جول" باعدارلاماسىنىڭ قاراجاتىن يگەرۋ قارقىنى تۇراقتى وسiمگە يە بولدى. 8 تامىزداعى جاعداي بويىنشا قاراجاتتى يگەرۋ كولەمi 1 ساۋiرمەن (50،4 ملرد تەڭگە) سالىستىرعاندا بەس ەسەگە جۋىق (236،4 ملرد تەڭگە) ٴوستi. ال جارتىجىلدىقتىڭ قورىتىندىسىمەن سالىستىرعاندا (169،2 ملرد تەڭگە) ٴوسiم 40 پايىزدى قۇراعان.

"قازiرگi ۋاقىتتا قاراجات استانا حالىقارالىق اۋەجايىنىڭ جولاۋشىلار تەرمينالىن كەڭەيتۋگە جانە "جەزقازعان-بەينەۋ" جاڭا تەمiرجول جەلiسiن سالۋ" جوباسىن اياقتاۋعا باعىتتالدى. سونداي-اق بۇگiنگi كۇنi قۇرىق پورتىنداعى پاروم كەشەنiن سالۋعا 60 پايىز قاراجات ٴبولiندi. الماتى-شۋ ۋچاسكەسiندە ەكiنشi جولداردى سالۋعا 50 پايىزدان استام قاراجات بەرiلدi"، - دەدi مينيستر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!