استانا: 
913 
0
استانا. 11 اقپان. baq.kz - 2015 جىلى قۇرىق پورتىنداعى پارومدىق كەشەن مەن بورجاقتى – ەرساي تەمىرجول جەلىسى قۇرىلىسىنا 700-دەن اسا ادام تارتىلدى. اتالعان نىساندار پايدالانۋعا بەرىلگەننەن كەيىن شامامەن 250 تۇراقتى جۇمىس ورنى اشىلادى. جوبالار «نۇرلى جول» مەملەكەتتىك باعدارلاماسى اياسىندا جۇزەگە اسۋدا، دەپ حابارلايدى baq.kz ٴتىلشىسى.
قۇرىق پورتىنداعى پارومدىق كەشەنىن قۇرۋ قىتاي – ەۋروپا باعىتىنداعى حالىقارالىق كولىك دالىزىندەگى قازاقستاندىق بولىكتى كۇشەيتۋ ٴۇشىن ماڭىزدى. ەلىمىز ترانزيتتىك جۇك تاسىمالىنا قىزمەت كورسەتۋدە ەلەۋلى پايدا تابادى، بۇل ٴوز كەزەگىندە سالىقتىق تۇسىمدەردى ارتتىرىپ، بيۋدجەتتى تولىقتىرادى. سونىمەن بىرگە قازاقستاندىق ەكسپورتشىلارعا ٴوز ونىمدەرىن كاسپيي ايماعى ەلدەرىنە، ودان ٴارى باتىسقا تاسىمالداۋ ٴۇشىن قوسىمشا پارومدىق ينفراقۇرىلىم ۇسىنىلادى.
پارومدىق كەشەن قۇرىلىسى ەلدىڭ پارومدىق جۇك وتكىزۋ قۋاتىن 3 ەسەگە ارتتىرۋعا مۇمكىندىك بەرەدى. پارومدىق كەشەن ارقىلى جۇك اينالىمىنىڭ جىلدىق كولەمى 4 ملن. استام توننانى قۇرايدى. اتالعان جوبانىڭ العاشقى كەزەڭىن بيىل جەلتوقساندا ىسكە قوسۋ كوزدەلىپ وتىر.
انىقتامالىق ٴۇشىن: بۇگىندە كاسپيي جاعالاۋى ەلدەرى پورتتارىنا تەمىرجول-پارومدىق تاسىمالى اقتاۋ پورتى ارقىلى جۇزەگە اسۋدا. سوڭعى جىلدارى اتالعان پورتتاعى پارومدىق تەرمينال ٴوزىنىڭ بارلىق شەكتى وتكىزۋ مۇمكىندىگىن پايدالانۋدا. وسىعان بايلانىستى «نۇرلى جول» باعدارلاماسى اياسىندا كاسپيي جاعالاۋىندا قوسىمشا پارومدىق قۋات قۇرۋ تۋرالى شەشىم قابىلداندى.
بورجاقتى – ەرساي تەمىرجول جەلىسى قۇرىق پورتىندا سالىنىپ جاتقان پارومدىق كەشەندى تەمىرجول ماگيسترالىمەن قوسادى.
اتالعان جاڭا باعىت جاعالاۋدا سالىنىپ جاتقان كەمە جاساۋ جانە كەمە جوندەۋ زاۋىتتارىنا، سونىمەن بىرگە مەتاللقۇرىلىسى زاۋىتىنا كولىكتىك قىزمەت كورسەتۋدە اسا ماڭىزدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2434
0