استانا: 
965 
0
استانا. 13 قاراشا. baq.kz – ەلباسى نۇرسۇلتان نازاربايەۆ "نۇر وتان" پارتياسى ساياسي كەڭەسىنىڭ كەڭەيتىلگەن وتىرىسىندا "نۇرلى جول - بولاشاققا باستار جول" دەپ اتالاتىن قازاقستان حالقىنا جولداۋىن جاريالاعان بولاتىن. مەملەكەت باسشىسى ٴوزىنىڭ ٴداستۇرلى جولداۋىندا ۇكىمەتكە حالىقتىڭ ٴال-اۋقاتىن ودان ٴارى جاقسارتۋ جولىندا ناقتى تاپسىرمالار مىندەتتەپ وتىر.
بۇقارا حالىقتى قۋانتقانى، جۇرتشىلىقتىڭ ارزان باسپانامەن قامتاماسىز ەتىلەتىندىگى. كەلەر جىلدان باستاپ جۇزەگە اساتىن بۇل باعدارلاماعا مەملەكەت بيۋدجەتىنەن قوماقتى قارجى ٴبولىنىپ، ارزان پاتەرلەر دەلدالسىز، تومەنگى پايىزبەن جاس وتباسىلار مەن باسپاناعا مۇقتاج جاندارعا بەرىلمەك.
سونىمەن قاتار، مەكتەپتەر مەن بالاباقشالار جەتىسپەۋشىلىگى ماسەلەسىن شەشۋ ٴۇشىن ۇكىمەتكە ەل قازىناسىنان قوماقتى قارجى ٴبولۋدى تاپسىردى.
ەلدەگى بانكتەرگە ٴتيىمدى شارالار قولدانىلاتىنى دا، شاعىن جانە ورتا كاسىپكەرلىكتى قولداۋ ماقساتىندا ارزان نەسيەلەر بەرىپ، ۋاقىت تالابىنا ساي جاڭا كاسىپ تۇرلەرى پايدا بولۋ كەرەكتىگىن، داعدارىسقا قارسى ٴىس-قيمىل شارالاردى باسەڭدەتپەۋدى باسا ايتتى.
مەملەكەت باسشىسى ەل يگىلىگى ٴۇشىن بولىنەتىن قارجىنىڭ ىسىراپسىز، ماقساتتى يگەرىلۋى قاتاڭ قاداعالاناتىنىن جەتكىزدى. بۇل مىندەتتەمەلەر ەل دامۋىنا ۇلكەن سەرپىن بەرەرى ٴسوزسىز.
م.قالمۇحانوۆ،
زەينەتكەر.
شالقار قالاسى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2440
0