BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
استانا:

بقو-دا ساراتوۆ-سامارا اينالما جولىنىڭ قۇرىلىسى باستالادى

فوتو: ашық дереккөзден

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا مەملەكەت باسشىسىنىڭ جولداۋىن ىسكە اسىرۋ اياسىندا باتىس قازاقستان وبلىسىنىڭ الەۋمەتتىك-ەكونوميكالىق دامۋ قورىتىندىلارىنا جونىندە بايانداعان وبلىس اكىمى التاي كولگىنوۆ مالىمدەدى.

«اۆتوموبيل جولدارىنىڭ جاي-كۇيى ٴبىزدىڭ وڭىرىمىزدە وتە وزەكتى ماسەلە بولىپ وتىر. مەملەكەت تاراپىنان بولىنەتىن قاراجاتتىڭ ارقاسىندا جىل سايىن بىزدە شامامەن 500 كم جۋىق جول جوندەۋدەن وتەدى. وسى جىلى 450 اۆتوموبيل جولىنىڭ قۇرىلىسى اياقتالادى. وسى ماقساتقا 32 ملرد تەڭگە بولىنگەن. رەسپۋبليكالىق ماڭىزى بار جولدارعا كەلەتىن بولساق، ينۆەستيسيالار جانە دامۋ مينيسترلىگى جانە قازاۆتوجولمەن بىرلەسىپ، 285 كم جولدى جوندەۋدەن وتكىزەمىز. وبلىستىڭ گەوگرافيالىق ورنالاسۋىن ەسكەرە وتىرىپ، ٴبىزدىڭ ٴوڭىر ەۋروپا مەن ازيانى بىرىكتىرەتىن ترانزيتتىك ٴدالىز بولىپ تابىلادى. «نۇرلى جول» باعدارلاماسى اياسىندا ورال قالاسىن رەسەي فەدەراسياسىنداعى ساراتوۆ وبلىسىنىڭ شەكاراسىمەن بىرىكتىرەتىن جولدىڭ قۇرىلىسى اياقتالدى»، - دەدى وبلىس باسشىسى.

ول اتالعان جولدىڭ قۇرىلىسى 3 جىلعا سوزىلعانىن اتاپ ٴوتتى.

«ەگەر، بۇعان دەيىن ەكى جولاقتى جول بولسا، ٴقازىر التى جولاقتى بولىپ جاڭعىرتىلدى. بۇل تاۋار مەن جۇك اعىنىن ايتارلىق ارتتىرۋعا ىقپال ەتىپ وتىر. ستاتيستيكا كەلتىرەر بولساق، ٴبىزدىڭ شەكارا ارقىلى وسى جىلدىڭ وزىندە 1 ملن 200 مىڭ كولىك ٴجۇرىپ وتكەن. سوندىقتان، سامارا قالاسىنا قاراي باعىتتالعان جولدى كەڭەيتۋدى قولعا الدىق. ول ورال قالاسىنان 40 كم قاشىقتىقتا ورنالاسقان. ٴقازىر «قازاۆتوجول» ۇك» اق بۇل جۇمىستاردى قولعا الدى جانە كەلەسى جىلدىڭ جاز مەزگىلىندە التى جولاقتى جول ىسكە قوسىلادى»، - دەدى كولگىنوۆ.

ول اتىراۋ تاس جولى مەن ساراتوۆ تاس جولىن بىرىكتىرەتىن اينالما جولدىڭ قۇرىلىسى اقتالىپ قالعانىن، ياعني، 32 كم جولدىڭ 20 كم توسەلىپ قويعانىن ايتتى.

«كەلەسى جىلى قالعان ۋچاسكە بويىنشا جۇمىستار اياقتالادى. سودان كەيىن ساراتوۆ تاس جولى مەن سامارا تاس جولىن بىرىكتىرەتىن اينالما جولدىڭ قۇرىلىسىنا كىرىسەمىز. بۇل ترانزيتتىك ماگيسترالدى تاس جولدار بولماق»، - دەدى كولگىنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي