استانا. 13 قاراشا. baq.kz –نۇرسۇلتان ٴابىش ۇلى بۇل جولى دا ەلدەگى بيزنەسكە جانە ونىڭ دامۋىنا جاعىمدى جاعداي جاساۋعا ەرەكشە نازار اۋدارىپ وتىر. وسىعان وراي، قازاقستاننىڭ بارلىق بيزنەس-قوعامداستىعىنىڭ شوعىرلانىپ، «نۇرلى جول» - ەل دامۋىنىڭ جاڭا باعىتىن بەلسەندى تۇردە جۇزەگە اسىرۋدى باستاۋى قاجەت. وسىنداي ۇسىنىس تاستاعان پاۆلودار وبلىسى كاسىپكەرلەر پالاتاسىنىڭ ديرەكتورى رايحانگۇل ساتابايەۆا بيىلعى جولداۋعا قاتىستى ٴوز پىكىرىن ٴبىلدىردى. بۇل تۋرالى قۇكپ ٴباسپاسوز قىزمەتى حابارلاپ وتىر.
«جولدار سالۋ 200 مىڭ جاڭا جۇمىس ورنىن قۇرۋعا عانا مۇمكىندىك بەرىپ قويماي، قازاقستاننىڭ وندىرىستىك كاسىپورىندارىنىڭ ويداعىداي قالىپتاسۋىنا سەپتىگىن تيگىزەدى. ٴوڭىرارالىق بيزنەس-ىنتىماقتاستىققا جول اشىلا تۇسپەك. وسىنىڭ ٴبارى بيزنەستىڭ كوپتەگەن پروبلەمالارىنىڭ وزەكتىلىگىن جويادى،- دەيدى ول.
ۇستىمىزدەگى جىلى شاعىن جانە ورتا بيزنەستى قولداۋعا ۇلتتىق قوردان بولىنگەن 100 ملرد. تەڭگە تابىسپەن يگەرىلدى جانە بيزنەس مەملەكەتتىك قولداۋىن سەزىنىپ وتىر. كەلەسى جىلدان باستاپ تاعى دا 500 ملرد. تەڭگە ٴبولىنىپ، بۇل ەلدىڭ بيزنەس-كارتاسىنا جاعىمدى اسەرىن تيگىزەرى ٴسوزسىز.
بۇكىل قازاقستان، سونىمەن بىرگە ەلدىڭ كاسىپكەرلىك سەكتورى 2015 جىلى جاڭا ەكونوميكالىق ساياسات جاعدايىندا داميتىن بولادى. پرەزيدەنت جاڭا جىلدان باستاپ بيزنەستى تەكسەرۋگە جاريالانعان موراتوريي مەرزىمىنىڭ اياقتالاتىنىن ەسكە سالدى. موراتوريي كەزىندە كاسىپكەرلەر «ەركىن تىنىستاپ»، جۇمىسىن بەلسەندىرىپ، باسىمدىلىقتاردى جۇزەگە اسىرۋ ستراتەگياسىن دايىنداي الدى. الايدا، ٴموراتورييدى توقتاتۋ كەلەسى جىلدان باستاپ بيزنەسكە سالىناتىن جۇكتەمەنىڭ ۇلعايۋىن بىلدىرمەيدى. كەرىسىنشە، 2015 جىلى شوب تەكسەرۋ ٴتارتىبى تولىعىمەن وزگەرىپ، بۇل بيزنەستىڭ دامۋىنا قوسىمشا سەرپىن بەرەدى، اكىمشىلىك كەدەرگىلەر ەسەلەپ ازايادى، قاجەتسىز تورەشىلدىك جويىلادى. وسى باعىتتا وبلىستىق كاسىپكەرلەر پالاتاسى بيزنەس سالاسىنداعى 30 مەملەكەتتىك قىزمەتكە قوعامدىق مونيتورينگ جۇرگىزدى. بۇزۋشىلىقتار انىقتالىپ، ولار ٴتيىمدى تۇردە جويىلۋدا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
استانا: 
911 
0
2440
0 
