BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل «نۇرلى جول» بويىنشا ەلىمىزدە 528 كم جول پايدالانۋعا بەرىلەدى

«نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسى شەڭبەرىندە ينۆەستيسيالار جانە دامۋ مينيسترلىگى ٴبىرقاتار جۇمىستار اتقارىپ كەلەدى. نازارلارىڭىزعا مەملەكەتتىك باعدارلامانىڭ ٴبىر سالاسى، ەل اۋماعىندا اۆتوجول توسەۋ جانە رەكونسترۋكسيالاۋ بويىنشا اتقارىلعان جۇمىستارعا قىسقاشا شولۋ ۇسىنباقپىز. مالىمەتتەر baq.kz اقپارات اگەنتتىگىنىڭ ارنايى سۇراۋىمەن مينيسترلىكتىڭ جاۋاپتى ورگاندارىنان الىندى.

قازاقستان رەسپۋبليكاسىنىڭ جالپىعا ورتاق پايدالانىمداعى اۆتوموبيل جولدارىنىڭ ۇزاقتىعى 95،3 مىڭ كم، ونىڭ ىشىندە رەسپۋبليكالىق جەلى – 24،1 مىڭ، جەرگىلىكتى جەلى – 71،2 مىڭ شاقىرىمدى قۇرايدى.

2018 جىلى جالپى ۇزاقتىعى 4،2 مىڭ كم قۇرايتىن 23 جوبانى ىسكە اسىرۋ جوسپارلانعان، ول ٴۇشىن 269،4 ملرد تەڭگە كوزدەلگەن.

23 جوبا:

1) ەل استاناسى مەن الماتىنى ساپالى جولمەن قوسۋعا مۇمكىندىك بەرەتىن ورتالىق – وڭتۇستىك (استانا-الماتى) جوباسىن ىسكە اسىرۋ جالعاستىرىلۋدا. 2016 جىلى استانا – تەمىرتاۋ جانە الماتى – بالپىق بيگە دەيىنگى ۋچاسكەلەردى رەكونسترۋكسيالاۋ اياقتالدى. 2017 جىلى جالپى ۇزاقتىعى 275 كم بالپىق بيدەن تالدىقورعانعا دەيىن قوزعالىس اشىلدى.

2) قاراعاندى قالاسىنىڭ اينالما جولىن قوسا العاندا (62 كم) تەمىرتاۋ – قاراعاندى ۋچاسكەسىنە رەكونسترۋكسيالاۋ جۇرگىزىلۋدە.

3) حالىقارالىق قارجى ينستيتۋتتارىنىڭ قارىزدارى ەسەبىنەن (ەردب – 143 كم، دردب – 85 كم) ۇزاقتىعى 228 كم، جالپى قۇنى 115 ملرد تەڭگە بولاتىن كۇرتى – بۋرىلبايتال ۋچاسكەسىن رەكونسترۋكسيالاۋ جۇمىسى باستالدى.

4) باتىس ەۋروپا – باتىس قىتاي جوباسىنىڭ اعىمداعى قارىزدارى بويىنشا ۇنەمدەۋ ەسەبىنەن (490 ملن دوللار ۇنەمدەلگەن) ۇزاقتىعى 297 كم بولاتىن بالقاش – بۋرىلبايتال ۋچاسكەسىن رەكونسترۋكسيالاۋدى باستاۋ جوسپارلاندى.

5) ورتالىق-شىعىس (استانا - وسكەمەن) جوباسى بەلسەندى فازادا ىسكە اسىرىلىپ جاتىر. ونىڭ ىشىندە، ۇزاقتىعى 441 كم بولاتىن استانا – پاۆلودار ۋچاسكەسىنىڭ 200 كم-دە قوزعالىس، ەرتىس وزەنى ارقىلى وتەتىن ۇزاقتىعى 12 كم كوپىر وتكەلى اشىلدى. بۇل جول قۇرىلىسىن بيىل تولىق اياقتاۋ جوسپارلاندى.

6) بيىل ۇزاقتىعى 473 كم پاۆلودار – سەمەي – قالباتاۋ ۋچاسكەسىنىڭ 260 شاقىرىمى قۇرىلىس جۇمىستارىمەن قامتىلاتىن بولادى.

7) ورتالىق – باتىس جوباسى (اقتوبە – اتىراۋ – استراحان جانە بەينەۋ-اقتاۋ) ىسكە اسىرىلۋدا. ۇزاقتىعى 159 كم بولاتىن اقتوبە – قاندىاعاش (قۇنى – 81 ملرد تەڭگە) جانە ۇزاقتىعى 277 كم بولاتىن اتىراۋ – استراحان (قۇنى – 134 ملرد تەڭگە) ۋچاسكەلەرى يسلام دامۋ بانكىنىڭ قارىزدارى ەسەبىنەن رەكونسترۋكسيالاناتىن بولادى.

8) ۇزاقتىعى 299 كم بولاتىن قاندىاعاش – ماقات ۋچاسكەسى (قۇنى – 98 ملرد تەڭگە) ازيالىق دامۋ بانكىنىڭ قارىزدارى ەسەبىنەن رەكونسترۋكسيالاناتىن بولادى. قارىز تۋرالى كەلىسىمگە 2016 جىلى قول قويىلعان، قۇرىلىس جۇمىستارى 2017 جىلعى قاراشادا باستالدى. ال قاندىاعاش – ماقات ۋچاسكەسى بويىنشا بۇعان دەيىن قولعا الىنعان 26 شاقىرىم جولدى رەكونسترۋكسيالاۋ جۇمىسى (قۇنى – 5،9 ملرد تەڭگە) 2017 جىلى اياقتالدى.

9) ماڭعىستاۋ وبلىسىنداعى بەينەۋ – اقتاۋ ۋچاسكەسى. 2017 جىلعى جەلتوقساندا ۋچاسكەنىڭ بارلىق ۇزاقتىعىندا (470 كم) قوزعالىس اشىلدى.

10) استانادان سولتۇستىك باعىتتاعى كوكشەتاۋ – پەتروپاۆل ۋچاسكەسىندەگى جوبا ىسكە اسىرىلۋدا. 2016 جىلى ۇزاقتىعى 180 كم بولاتىن كوكشەتاۋ – پەتروپاۆل ۋچاسكەسىنىڭ رەكونسترۋكسياسى بويىنشا جۇمىستار تولىق اياقتالدى. ال پەتروپاۆل – رف شەكاراسى (قورعانعا قاراي) ۋچاسكەسى 2019 جىلى اياقتالاتىن بولادى (قۇنى – 32 ملرد تەڭگە).

11) ۇزاقتىعى 1003 كم الماتى-وسكەمەن تاسجولىنىڭ ۇزاقتىعى 117 كم قاپشاعاي-تالدىقورعان ۋچاسكەسى بويىنشا نەگىزگى جۇمىس اياقتالدى. قالعان جۇمىستاردى اياقتاۋ جىل سوڭىندا بىتەدى (قۇنى – 57 ملرد تەڭگە).

12) ۇزاقتىعى 763 كم بولاتىن تالدىقورعان - وسكەمەن ۋچاسكەسى (قۇنى – 292 ملرد تەڭگە) قحر ەكسيمبانك قارىزدارى ەسەبىنەن رەكونسترۋكسيالاناتىن بولادى. ىسكە اسىرۋ 2017 جىلى باستالدى.

13) ورال-تاسقالا جوباسى بويىنشا رەكونسترۋكسيالاۋ اۆتوجولدىڭ بارلىق ۇزاقتىعىندا 2015 جىلى باستالدى. 2017 جىلى 65 كم-دە قوزعالىس اشىلدى، 2018 جىلى جۇمىستى تولىق اياقتاۋ جوسپارلانعان.

14) ۇزاقتىعى 73 كم بولاتىن جەتىباي-جاڭاوزەن ۋچاسكەسى بويىنشا 2017 جىلى ازيا دامۋ بانكىمەن قارىز تۋرالى كەلىسىم راتيفيكاسيالاندى جانە مەردىگەرلىك ۇيىمدارمەن شارت جاسالدى.

15) ۇزاقتىعى 96 كم بولاتىن ۇزىناعاش – وتار ۋچاسكەسى بويىنشا 2018 جىلى قارىز تۋرالى كەلىسىمگە قول قويۋ جانە مەردىگەرلىك شارت جاساسۋ جوسپارلانۋدا.

16) ۇزاقتىعى 85 كم بولاتىن بەينەۋ – اقجىگىت جوباسى بويىنشا قۇرىلىس جۇمىستارى 2017 جىلعى ماۋسىم ايىندا باستالدى.

17) ۇزاقتىعى 114 كم بولاتىن قوستاناي – دەنيسوۆكا ۋچاسكەسى بويىنشا 2017 جىلى مەردىگەرلىك شارت جاسالدى.

18) ۇزاقتىعى 180 كم بولاتىن ٴۇشارال – دوستىق ۋچاسكەسىندە جۇمىستار 2017 جىلعى قىركۇيەك ايىندا باستالدى.

19) ۇزاقتىعى 187 كم بولاتىن تاسكەسكەن – باقتى ۋچاسكەسىندە 20 كم رەكونسترۋكسياسىن اياقتاۋ قاجەت. جۇمىستار 2017 جىلعى ەكىنشى جارتىجىلدىقتا باستالدى.

20) ۇزاقتىعى 80 كم بولاتىن ششۋچينسك – زەرەندى جوباسى بويىنشا جۇمىستار 2017 جىلعى ەكىنشى جارتىجىلدىقتا باستالدى.

21) شىعىس قازاقستان وبلىسىنداعى ۇزاقتىعى 32 كم بولاتىن وسينوۆ اسۋى جوباسى بويىنشا جۇمىستار 2017 جىلعى ٴبىرىنشى جارتىجىلدىقتا باستالدى.

22) ۇزاقتىعى 80 كم بولاتىن قورداي اسۋىنىڭ اينالما جولىن i تەحنيكالىق ساناتقا اۋىستىرۋ بويىنشا جوبا ىسكە اسىرىلۋدا. 2017 جىلى 40 كم-دە جۇمىستار اياقتالدى، 2018 جىلى تولىق اياقتالادى.

23) ۇزاقتىعى 266 كم بولاتىن مەركە – بۋرىلبايتال، ۇزاقتىعى 33 كم بولاتىن استانا قالاسىنىڭ وڭتۇستىك-باتىس اينالما جولى جانە ۇزاقتىعى 415 كم بولاتىن قالباتاۋ – مايقاپشاعاي جوبالارى قىتاي ەكسيمبانك قارىزدارى ەسەبىنەن رەكونسترۋكسيالاناتىن بولادى. ىسكە اسىرۋ 2017 جىلعى ەكىنشى جارتىجىلدىقتا باستالدى.

جالپى، جوعارىدا كورسەتىلگەن جوبالاردىڭ رەكونسترۋكسياسىن 2020 جىلى اياقتاۋ جوسپارلانىپ وتىر. ورىندالعان جۇمىستار ەسەبىنەن جاقسى جانە قاناعاتتانارلىق دەڭگەيدەگى جولداردىڭ ۇلەسىن 90%-عا دەيىن، i جانە ii تەحنيكالىق ساناتتاعى جولداردىڭ ۇلەسىن 50%-عا دەيىن جەتكىزۋ جوسپارلانعان.

جالپى جىل قورىتىندىسى بويىنشا 528 كم-دە قوزعالىستى اشۋ جوسپارلانىپ وتىر. ولار:

ورتالىق – شىعىس – 233 كم،

ورتالىق – وڭتۇستىك – 45 كم،

ورال –كامەنكا– 35 كم،

بەينەۋ – اكجىگىت – 85 كم،

الماتى – تالدىقورعان – 16 كم،

قورداي ك. اينالما جولى – 19 كم،

استانا – پەتروپاۆل – 20 كم،

تاسكەسكەن – باقتى – 20 كم،

ششۋچينسك –زەرەندى – 20 كم،

تالدىقورعان – وسكەمەن – 20 كم،

قالباتاۋ – مايقاپشاعاي – 9 كم،

استانا قالاسى وڭتۇستىك-باتىس اينالما جولى – 6 كم.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي