BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«باتىس قىتاي – باتىس ەۋروپا»: جول بويىنا موتەل مەن كەمپينگتەر سالىنادى

«باتىس قىتاي – باتىس ەۋروپا» حالىقارالىق كولىك ٴدالىزى بويىندا موتەل، كەمپينگ سەكىلدى جول ينفراقۇرىلىمدارى سالىنادى. قر مادەنيەت جانە سپورت ٴمينيسترى ارىستانبەك مۇحامەدي ۇلى جىبەك جولىنا قاتىسۋشى ەلدەردىڭ «بىرلىككە بارار جولدا» حالىقارالىق فورۋمىندا مالىمدەدى، دەپ حابارلايدى baq.kz ٴتىلشىسى.

«جىبەك جولى بويىنشا ٴتۋريزمدى دامىتۋ ورتالىق ازيا مەن كورشىلەس ەلدەردىڭ بارلىعىنىڭ الدىندا تۇرعان باستى مىندەتتەردىڭ ٴبىرى ەكەنىن ٴبارىمىز بىلەمىز. قازاقستان – ەسكى قالالار، تاريحي ەسكەرتكىشتەر ساقتالعان جىبەك جولىنىڭ بويىندا تاماشا گەوگرافيالىق ورنى بار مەملەكەت. قازىرگى تاڭدا ٴبىز جۇك اعىنى عانا ەمەس، كەلەتىن تۋريستەر سانىن ارتتىراتىن جاڭا جىبەك جولىن قۇرىپ جاتىرمىز. «باتىس ەۋروپا - باتىس قىتاي» حالىقارالىق كولىك ٴدالىزى بويىنشا جول بويىنا موتەل، كەمپينگ سەكىلدى ينفراقۇرىلىم سالۋدى جوسپارلاپ وتىرمىز»، - دەدى مينيستر.

مۇحامەدي ۇلىنىڭ ايتۋىنشا، بۇگىندە قازاقستاننىڭ تۋريستىك برەندى ازىرلەنىپ جاتىر. بەس برەندتىڭ ۇشەۋى جىبەك جولىندا ورنالاسقان. يۋنەسكو مادەني مۇرالارىنىڭ تىزىمىنە ەنگەن جىبەك جولى بويىنداعى 33 وبەكتىنىڭ ٴ8-ى قازاقستاندا. ولار – قايالى، قارامەرگەن، تالعار، اقىرتاس، قۇلان، قوستوبە، ورنەك، اقتوبەدەگى ستەپينسكايا.

2017 جىلعى trip advisor زەرتتەۋىنشە، تۋريستەردىڭ 47 پروسەنتى قازاقستان، وزبەكستان، قىرعىزستان، تاجىكستانعا ٴبىر ساپار اياسىندا بارعىسى كەلەتىندەرىن ايتقان.

وسى ورايدا قازىرگى تاڭدا كەلەسىدەي باستامالار العا قويىلىپ وتىر:
1. بۇۇ، دسۇ، يۋنەسكو ەگيداسىمەن ۇزاق مەرزىمدى ۇلى جىبەك جولىنداعى تۋريزم;
2. «ٴبىر بەلدەۋ ٴبىر جول»;
3. ازيا دامۋ بانكىنىڭ «الماتى - بىشكەك» ەكونوميكالىق ٴدالىزىن دامىتۋ جوباسى;
4. تۇركى تىلدەس ەلدەر كەڭەسىنىڭ سەرىكتەستىك ورناتۋىمەن قازىرگى زامانعى جىبەك جولى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي