BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«باتىس ەۋروپا - باتىس قىتاي» دالىزىمەن تاسىمالداناتىن ترانزيت پەن جۇك كولەمى 2،5 ەسەگە ارتتى

بۇگىنگى تاڭدا ەلىمىزدىڭ كولىك سالاسى وڭ ٴوسىم ديناميكاسىن كورسەتىپ كەلەدى. وتكەن جىلدىڭ قورىتىندىسى بويىنشا ناقتى كولەم يندەكسى 4،8%-عا ارتتى. بۇل تۋرالى قر ينۆەستيسيالار جانە دامۋ ٴمينيسترى جەڭىس قاسىمبەك حالىق الدىنداعى ەسەپتىك كەزدەسۋىندە مالىمدەدى، دەپ حابارلايدى baq.kz اقپارات اگەنتتىگى.

ونىڭ ايتۋىنشا، كولىك قىزمەتىنەن تۇسكەن تابىس 7،7%-عا ارتىپ، 2،4 ترلن تەڭگەگە جەتكەن. كولىكتىڭ بارلىق تۇرىمەن جۇك تاسىمالداۋ كولەمى 5،1%-عا ٴوسىپ، 3،9 ملرد تونناعا جەتتى.

«باتىس ەۋروپا - باتىس قىتاي» حالىقارالىق ترانزيتتىك ٴدالىزىنىڭ تيىمدىلىگى دالەلدەندى. ورتاشا جىلدىق ەكونوميكالىق تيىمدىلىك 190 ميلليارد تەڭگەدەن اسادى. جۇك تاسىمالداۋ (33 ملن. توننا) مەن ترانزيت (900 مىڭ توننا) كولەمى 2،5 ەسەگە ٴوستى. جول ٴجۇرۋ ۋاقىتى ەكى ەسە ازايدى، جازاتايىم وقيعالاردىڭ سانى 27%-عا، جول اپاتى سالدارىنان قازا بولۋ كورسەتكىشى 35%-عا تومەندەدى» - دەدى مينيستر.

ٴمينيستردىڭ ايتۋىنشا، كولىك ٴدالىزى بويىندا 277 اۆتوجول قىزمەتى بار. ونىڭ ٴ55-ى سوڭعى جىلدارى قۇرىلدى (جامبىل وبلىسى - 23 بىرلىك، وڭتۇستىك قازاقستان وبلىسى - 19 بىرلىك، قىزىلوردا وبلىسى - 16 بىرلىك، اقتوبە وبلىسى - 15 بىرلىك). ولار جول پايدالانۋشىلارعا ساپالى قىزمەت كورسەتەتىن جانە شاعىن جانە ورتا بيزنەستىڭ دامۋىنا سەرپىن بەرەتىن جوبالارعا اينالدى.

جالپى، 2017 جىلى اۆتوموبيلمەن جۇك تاسىمالداۋ كولەمى 2،1 ملن توننا بولىپ، سوڭعى 5 جىلداعى رەكوردتىق كورسەتكىشكە جەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي