استانا: 
1168 
0
استانا. 13 ٴساۋىر. baq.kz – «باتىس ەۋروپا-باتىس قىتاي» ترانزيتتىك ٴدالىزىنىڭ قۇرىلىسىنا قاتىسۋشى مەردىگەر كومپانيالاردىڭ قول قويعان كەلىسىمشارتتارى اياسىندا قوسىمشا 8 كوپفۋنكسيونالدى جىلجىمالى جول دياگنوستيكالىق جول زەرتحاناسى ساتىپ الىندى. بۇل تۋرالى قر يدم ٴباسپاسوز قىزمەتى حابارلادى.
جول ساپاسىنا باقىلاۋ جاساۋدا شولۋ جاسايتىن كامەرالارمەن، لازەرلىك ولشەگىش جانە گەورادارمەن جابدىقتالعان زەرتحانالار كولىككە ورناتىلعان ونەركاسىپ كومپيۋتەرىنە الىنعان ناتيجەلەردى جولداپ وتىرادى.
جىلجىمالى زەرتحانالار قر يدم اۆتوموبيل جولدارى كوميتەتىنە رەسمي تاپسىرىلادى. ودان كەيىن زەرتحانالار «وبلجولزەرتحانالارىنا» وتكىزىلەدى (اقتوبە، اتىراۋ، شىعىس قازاقستان، جامبىل، قاراعاندى، قىزىلوردا جانە پاۆلودار وبلىستارى).
وڭىرلەردە زەرتحانا كومەگىمەن جالپى پايدالانىمداعى اۆتوجولداردىڭ جوندەلۋى مەن كۇتىپ ۇستالۋىنىڭ ساپاسىنا باقىلاۋ جاسالادى. جىلجىمالى زەرتحانالار تاپسىرىلار كەزدە ونى پايدالاناتىن قىزمەتكەرلەر ارنايى وقىتىلادى.
«باتىس ەۋروپا-باتىس قىتاي» حالىقارالىق ترانزيتتىك ٴدالىزىن رەكونسترۋكسيالاۋ جوباسى اياسىندا «الماتى-قورعاس» ۋچاسكەسىندە قۇرىلىس جۇمىستارى جۇرگىزىلۋدە.
جۇمىستار ۇزاقتىعى 304 كم بولاتىن 8 ۋچاسكەدە جۇرگىزىلۋدە، وعان 4 مەردىگەرلىك كومپانيا تارتىلعان: «دوگۋش ينشات ۆە تيدجارەت انونيم شيركەتي» جانە «گيۋلسان ينشات سانايي تۋريزم ناك ۆە تيدج» اق، «todini & impregilo & كازاحدورستروي» بك (يتاليا/يتاليا/قازاقستان)، «evrascon & مو-1» بك (ازەربايجان/قازاقستان)، ohl zs (چەحيا). ۋچاسكەلەردەگى جۇمىستار بيىل اياقتالادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2434
0